Wukumbucize wo Wulajilize 15:6 - Luganuzi Luswanu Kuli Wanhu Wose 2002

⁶ Nayo Muwaha Mulungu, u Mulungu wenyu, komumotyenyi muno, nha vyono yehuwiza. Anye yo mowa kuwakopesha we makungugo ganji menji, ninga hamba si motuga wanjile, wono womunozenyi nanye sunga mubite mu makungugo ganji ho mukakope kuli wene. Kanyhi mowatema we makungugo menji, ninga hasina hamba yikungugo limonga, lyono lyomutemenyi 'nye.

Wukumbucize wo Wulajilize 15:6 ပူးပေါင်းရင်းမြစ်များ

1 Watemi 4:21

Nawo wutemi wa Solomona, wukawa wutandaye muno sunga na mu makungugo ganji, ku wulawilila he 'kolongo lya Efulata, sunga ko ku yisi ye Wafilisiti, sunga ko ku mupaka we yisi ya Misili. Nawo wawa wose, wamulipaga kodi Solomona. Kanyhi wakajendelela kumwitumamila mu mikalile yakwe yose.

1 Watemi 4:24

Solomona yakatema yisi yose yo lubavu lwa kumwezi ye likolongo lya Efulata, ku wulawa Tifusa ha Efulata, sunga ko ku mwezi kwi 'kaya lya Gaza. Ne watemi wose wa ku lubavu lwa ku mwezi ye likolongo lya Efulata, wose wakawa wetumami wakwe, nayo yakawa yena mulamu ne zisi zose zono zali zimupilime.

1 Zinghomo 17:27

Nane nghukulomba, wuwalugutize wose wo lulelo lwangu, ho wajendelele cibitilila. No wulugutwe wako, wokwikala mu lulelo lwangu cibitilila, ku soko cono agwe wacilugutiza, nha ciwezaga cakondya kulugutizwa cibitilila.”

2 Zinghomo 9:26

Yakawa mutemi muwaha muli watemi wose wa mu'si, ku wulawa kwi 'kolongo lya Efulata, sunga ko ku yisi ye Wafilisiti, ko ku mupaka we yisi ya Misili.

Ezila 4:20

Watemi wono wali wali vilungo vyo kutema, wawo wakatema sunga ko kwi'tumbi lyo lubavu lwa ku mwezi ye likolongo lya Efulata, nawo wakakonghola kodi hamonga ne zisawo zinji.

Nehemiya 9:27

Na ku soko yiyo nagwe wukawaleka, wakatowa no kutemwa ne walugu wawo. Na mu mapango go wugaye, wakakulomba wutazi, nagwe wukawapitula ku wulawa ku wulanga. Na ko lusungu lwako luwaha, wukawaletela walongola, wono wawakomboza mu walugu wawo.

Zabuli 112:5

Yo mumoti u munhu mucemezi, mono kakopeshaga hamba kusaka cambuzi, mono ketumilaga milimo yakwe mu ling'ani.

Zabuli 37:21

U munhu mubi, kakopaga hamba si kalipaga yaye, ninga munhu we ling'ani, kanozaga du lihewa no kulavya bwete.

Zabuli 37:26

Langa mwene kalavyaga du bwete madaha gose, na wanji yakuwakopesha, ne wanagwe wakuwa wulugutwe.

Zimbazi 22:7

Nawo waciwa wezaga wo wetumami we wagoli. Kanyhi vyo yinha, hono wukope ca munhu, hodu, nagwe weza wuli muwanda wo munhu yuyo.

Luka 6:35

Vyo si yinha, ninga muwendaje walugu wenyu, muwatendelaje viswanu, mweze kuwakopesa, kuno si mukulanjilila kugomolelwa. No wuhumbilizwe wenyu wowa wuwaha, nanye mowa wana wo Mulungu Mono Yalawiliciye Muli Vyose: hambi mwene nha muswanu kuli wono wasina lilumbo na kuli wabi.

Wukumbucize wo Wulajilize 15:5

hono mumuhulice mwene no kwibata zose zono nghumulajilizenyi izuwali.

Wukumbucize wo Wulajilize 28:44

Nawo womukopeshenyi mapesa. Ninga anye mowa musina mapesa go kuwakopesha. Na ku ndumo yayo, wowa watemi wenyu.