Wukumbucize wo Wulajilize 15:3 - Luganuzi Luswanu Kuli Wanhu Wose 2002

³ Langa mosuma kuwadaya wajenzi vyono muwakopeshe. Ninga mulece kuwadaya vyono muwakopeshe wandugu zenyu Waisilayeli wayenyu.

Wukumbucize wo Wulajilize 15:3 ပူးပေါင်းရင်းမြစ်များ

Wutuluce 22:25

“Na hono wumukopeshe munhu pesa mu wanhu wangu iwaciwa, ale, wulece kuwa kuli mwene nha munhu mono wukumudayadaya, hamba wulece kumulifya ne ngomola yayo.

Yohana 8:35

No muwanda si kekalaga mu nyumba nhondo zose, u mwana langa yo kekalaga mu nyumba nhondo zose.

Wagalatiya 6:10

Holeka lono cikali cina cilejeho, yicinojeye ciwatendele wanhu wose i ziswanu, na ko muno i wandugu zetu wa mu wihuwilo wetu.

Wukumbucize wo Wulajilize 15:2

Na yiyi yo munojeye mwitume nhavivyo. Munhu wo wose mono kowa yamukopeshe Mwiisilayeli muyagwe, hodu yalece kanyhi kumudaya, hamba yalece kwijelela kumudaya, hambi Muwaha Mulungu, u Mulungu wenyu, nha yo yatemizye zizo.

Wukumbucize wo Wulajilize 23:20

Langa mosuma kudaya ngomola kuli wajenzi, muli vinhu vyono mowakopesha, ninga si muli vyono muwakopeshe wandugu zenyu Waisilayeli. Nane nghumunenenyi mwibataje lilajilizo lili, holeka Muwaha Mulungu, u Mulungu wenyu, nayo koyilugutiza milimo yenyu yose mu yisi yono moyisola yiwe yenyu.

Wukumbucize wo Wulajilize 23:21

Na lono mukunoza wilahize wowose kuli Muwaha Mulungu, u Mulungu wenyu, mulece kwitendya, langa musimbilile sunga muwufisilize wihuwize wenyu, hambi Muwaha Mulungu wenyu nha kowa yalindiye du wufisilize wo wilahize wako kuli mwene. Na wowa wubi kuli'gwe, hono wulece kufisiliza wilahize wako.