Wukumbucize wo Wulajilize 15:1 - Luganuzi Luswanu Kuli Wanhu Wose 2002

¹ “Mu mwaka wo mupunghati wa mu myaka yose, weze kuli'nye wo mwaka wo kuwalecela wanhu no kuyinenela migawa yose kuli wose wono anye mukuwadaya mapesa.

Wukumbucize wo Wulajilize 15:1 ပူးပေါင်းရင်းမြစ်များ

Nehemiya 10:31

Kanyhi na hono wacambazize ndigwa hamba cinhu cinji mwi'zuwa lye Sabato, hamba mwi'zuwa lyono lyelile, ho waciguzize, ase sicogula yaye. Kanyhi mu mwaka wo mupunghati sicoyilima yisi, hamba ne migawa yono wacikopile si coyidaya yaye.

Wutuluce 21:2

Hono wumugule muwanda we Cihebelaniya, yuyo kokwitumamila myaka mutandatu du. Ninga mu mwaka wo mupunghati, hodu, wumukombole yabite, hamba wulece kumusaka yakulipe cinji cocose.

Yelemiya 34:14

mu ndumilizo yo mwaka wo mupunghati, yimunojeye munhu wo wose yamulece yawe welecele u muwanda wo wose we Cihebelaniya, mono yakondya kumwitumamila myaka mutandatu. Ninga i walezi wenyu si wazicelelela yaye, hamba kuzihulika zono nawalonjela ng'o.

Wukumbucize wo Wulajilize 15:2

Na yiyi yo munojeye mwitume nhavivyo. Munhu wo wose mono kowa yamukopeshe Mwiisilayeli muyagwe, hodu yalece kanyhi kumudaya, hamba yalece kwijelela kumudaya, hambi Muwaha Mulungu, u Mulungu wenyu, nha yo yatemizye zizo.

Wukumbucize wo Wulajilize 15:9

Kanyhi mulece kulema kumukopesha cono yakusaka, lunji mukutya vyono mwaka wo mupunghati wo kunenela wanhu migawa nha wuli behi kuza. Mulecele lukulu kuleceleza mahweso gago mabi gamuzizenyi mu zinhumbula zenyu. Na hono wuleme kumukopesha, nayo munhu yuyo komulilila Muwaha Mulungu ku soko yako, nagwe kowa wuli musutyi.

Wukumbucize wo Wulajilize 31:10

Yakawa kuwalajiliza yakutya, “Mu mwaka wo mupunghati, wo wukombozwe wa mu myaka yose kolo wafika, ale, mweze kusoma lilajilizo lili kwe lizi yiwaha mwi'daha lye sikukuu ye vibanda.