Wukumbucize wo Wulajilize 13:4 - Luganuzi Luswanu Kuli Wanhu Wose 2002

⁴ Ninga anye mumutyatye du Muwaha Mulungu, mumupele cogopo, kanyhi mumuhulice mwene, mwibate ne malajilizo gakwe, mumuhembe mweneco du yali wene, kanyhi mweze muli wehuwilwa kuli mwene.

Wukumbucize wo Wulajilize 13:4 ပူးပေါင်းရင်းမြစ်များ

2 Watemi 23:3

Mutemi yakema behi ne lisumbili, yakanoza cilagane no Muwaha Mulungu, cilagane vyono kowa na cihuliko kuli Mulungu, kanyhi na vyono kogebata malajilizo gakwe, hamonga no wulajilize wakwe kwe nhumbula yakwe yose, na ko mutima wakwe wose. Kanyhi na vyono kozikamya zinghani ze cilagane zono zandicigwe mu citabu. Nawo i wanhu wose wakehuwiza nha vyono wocibata no kucikamisa cilagane cico.

2 Zinghomo 34:31

Yakema he sumbili lye watemi, yakanoza cilagane no Muwaha Mulungu, nha vyono komuhulika no kwibata wulajilize, hamonga ne malajilizo gakwe, kwe nhumbula yakwe yose, hamonga na ko mutima wakwe wose. Na kanyhi, kokwituma zose nha vyono zinha mu cilagane, nha vyono zandicigwe mu citabu.

Yelemiya 7:23

Langa nawalajiliza nghawatya vyono, weze wali cihuliko du kuli'ne, nane niwe Mulungu wawo, nawo wawe wanhu wangu. Kanyhi nghawalajiliza, nha vyono, yiwanojeye wekale mu mikalile nha vyono nawalajiliza, holeka womoteswa mu milimo yawo yose.

Mika 6:8

Aa ng'o, hambi Muwaha Mulungu nha yacilonjela ziswanu zono zinojeye hali mwene, zono yakuhila kuli'se, nha zozi, Citume zono zili ling'ani, cilajile wendo kuli mwene, no kujenda ko winenenyhezi hamonga no Muwaha Mulungu wetu.

Luka 1:6

Wose vyono wejete, wali wali ling'ani hali Mulungu, wali webate myoto ne malajilizo gose go Mulungu.

Walumi 6:13

Hamba mulece kuvilavya ivilunzwa vyenyu hamba cimonga, ho ciwe ciya co kwitumamilwa no wubi. Langa nyenye weneco mwiyilavyaje kuli Mulungu, muwe nha wanhu wono muzukuywe mu wafu, mumulavizyaje u Mulungu imitima yenyu yose, ku so wiling'ano.

1 Wakolinto 6:17

Ninga kuli mono vikwilunza no Muwaha yuyo vikuwa muhe monga nayo.

Wukumbucize wo Wulajilize 10:20

Holeka munojeye mweze ne cihuliko kuli Muwaha Mulungu, u Mulungu wenyu, muwe kumuhemba mweneco yali wene du. Kanyhi mweze muli wehuwilwa kuli mwene, kanyhi mweze kwilahiziza mwitagwa lyakwe mweneco du.

Wukumbucize wo Wulajilize 11:1

“Mumwendaje Muwaha Mulungu, u Mulungu wenyu, kanyhi mweze mugebate ne malajilizo gakwe nhondo zose.

Wukumbucize wo Wulajilize 30:20

Mumwende Muwaha Mulungu, u Mulungu wenyu, mumuhulice, kanyhi muwe muli wehuwilwa kuli mwene, holeka nyenye hamonga ne wana wenyu, mosuma kwikala vilo vinji, mu yisi yono yehuwiza vyono kowapela i walezi wenyu Abulahamu, na Isaka, na Yakobo.”

Wukumbucize wo Wulajilize 6:13

Munojeye mweze ne cogopo kuli Muwaha Mulungu, u Mulungu wenyu, mumuhembe mweneco du yali wene, sunga no wihuwizo wenyu wose, mweze kuwunozeza mwi'tagwa lyakwe mweneco du.

Wukumbucize wo Wulajilize 6:5

Holeka mumwendaje Muwaha Mulungu wetu, kwe zinhumbula zenyu zose, na kwe mitima yenyu yose, na kwe vilungo vyenyu vyose.

Wakolosayi 1:10

Baho langa ho mosuma kwikala nha vyono yikumunojeza u Muwaha, no kwituma nhondo zose zo wuhile wakwe. Ne mikalile yenyu yowa yina mana gose ge metumo maswanu, nanye mocila muno kuwiluka mu wu mumanya u Mulungu.

2 Yohana 1:6

Ne nhunizo yo wendo, wo wutya, i mikalile yo wibate we malajilizo go Mulungu. Ne lilajilizo lyono mwalihulika ku wulawa u mwamulizo nha lyoli, yimunojelenyi wose mwikalaje mu wendo.

1 Samwili 7:3

Nayo Samwili yakawalonjela Waisilayeli yakawatya, “Hono muwe mbeka mukumuwuyila Muwaha Mulungu, kwe zinhumbula zenyu zose, ale munojeye muwusize lukulu milungu yenyu yose ye cijenzi, hamonga ne vihwani vyose viseswe vye cihwani co mulungu we cicekulu Asitaloti. Mwiyilavizye lukulu nyo weneco kuli Muwaha Mulungu, mumuhembe mweneco yali wene du. Nayo komuponyenyi mu miwoko ye Wafilisiti.”