Wukumbucize wo Wulajilize 13:3 - Luganuzi Luswanu Kuli Wanhu Wose 2002

³ Anye mulecele lukulu kuzihulicila zinghani zakwe munhu yuyo. Hambi Muwaha Mulungu wenyu, nha yakumujelenyi, ho yamanye hono mbeka mumwendile mwene kwe zi nhumbula zenyu zose, na kwe mitima yenyu yose.

Wukumbucize wo Wulajilize 13:3 ပူးပေါင်းရင်းမြစ်များ

1 Watemi 13:19

Hobaho, u muwizi mono yakalawa ku Yuda, yakawa kubitana no muwizi mukombi ku kaya yakwe, wakalizana zindigwa.

Zabuli 119:2

Wamoti wono wetumaga zo wuhile wo Mulungu, wono wamuhulicile kwe zinhumbula zawo zose,

Zabuli 66:10

Hambi 'gwe go Mulungu, nha wacipima, wacijela nha vyono fweza yikuwa kujelwa mu moto.

Zabuli 81:7

Na lono wanyhemeleza, lono wali wuli mu wugaye, ane nakuponya. Nane nghakupitula lono nali nihundice mwididimo. Nghakujela ha malenga ga Meliba.”

Wutuluce 20:20

Nayo Musa yakawatya, “Ale mulece kogopa, hambi Muwaha Mulungu nha kamuzizenyi ho yamujelenyi, ho yamunozenyi muwe ne cogopo kuli mwene nhondo zose, ho mulece kwituma zo wubi.”

Isaya 8:20

Nanye muwapitule muwe kutya, “Ciba muzihulice zono Muwaha Mulungu yakumwijizenyi! Mulece kuwahulika i waganga wo wulambi. Hambi zizo zono wakumulonjelenyi, nha sizo-mutazenyi cinji yaye.”

Matayo 24:24

Hambi nha wololawila walambi wenji, wono wokwicema weneco yo Kilisito, kanyhi ne wawizi wo wulambi. Nawo wawo wonoza mapoto mawaha, ne mezino gono gosuma kumwajilizenyi, na hono yisumice sunga ne wahagulwa wo Mulungu.

Metumo ge Watumwa 17:11

Wanhu wa kuko wali waswanu muno, wacizize awalya wa ku Tesalonike. Wayibocela nghani na nhumbula yono yina nyhilu mbaha, wakalondolalondola nhondo zose mu Mandiko Gono Gelile, ho wawone zono wazilongaga wa Pawulo na Sila hono zali za mbeka.

1 Wakolinto 11:19

hambi nha vyo yinojeye mahweso gono gesimajiye gawe gali muli nyenye ho wasume kwijela wono wakamile.

2 Wakolinto 8:8

Si nghumupelenyi yilajilizo, langa nghuhila kulajila du nha vyono wanji wena wuhidimbazi wo wutazi, ho sume kuwumanya u wendo wenyu vyono wa mbeka.

Waefeso 4:14

Ho cilece kuwa kanyhi nha wana, wono cowa kugumilwa no kupemheluswa ako na ako mu mbeho ye mejizo gono gakutulwa ne wanhu wakonji, ho wawajilize wanji ko wusugu.

Wukumbucize wo Wulajilize 6:5

Holeka mumwendaje Muwaha Mulungu wetu, kwe zinhumbula zenyu zose, na kwe mitima yenyu yose, na kwe vilungo vyenyu vyose.

Wukumbucize wo Wulajilize 8:16

Na mumo mu nyika, yakamupelenyi ndigwa yono yikucemwa Mana, ho mulye, i ndigwa yono ku wulawa katali, walezi wenyu si wali wayimanyile hamba kuyilya. Yakamukozenyi mu makamu menji, ho yamujelenyi, hanyuma ho yamulugutizenyi kwe vinhu viswanu.

Wukumbucize wo Wulajilize 8:2

Kanyhi mukumbucile vyono Muwaha Mulungu, u Mulungu wenyu, yamutonjenyi mu muhinzo mutali, wa mu nyika mu myaka yiyi makumi mane yono yipulute, yakamukozenyi mu makamu menji, ho yamujelenyi, ho yamanye zono zili mu zinhumbula zenyu, na hono mbeka mwendile kugebata malajilizo gakwe, hamba ng'o.

2 Watesalonike 2:11

Holeka nayo u Mulungu yakawawika hasi ye vilungo vyo wajilile, ho wawihuwile u wulambi.

1 Yohana 2:19

Ne wanhu wawo wakulawilila muli sese, ninga i mbeka, si wali wayetu, na ku soko yiyo holeka wakawuka, hambi mhali wawe mbeka wayetu, wali wawe wali hamonga na sese. Ninga alu wawuka, wakabita kono wakusaka, ho yijele calinze vyono si wali wayetu.

1 Yohana 4:1

Mo wendece wangu, mulece kumwihuwila munhu wo wose mono yakwiyitya yena Muhe wo Mulungu, langa mwamulaje mumulanjilile muno muno, ho muwone hono u munhu yuyo yakutongwa no Muhe wo Mulungu, hamba ng'o. Hambi i wawizi wenji wo wulambi nha wakwijela mononze.

1 Yohana 4:4

Ninga anye mo wana, muli wo Mulungu, kanyhi mwakondya kuwasuma wawo wawizi wo wulambi, hambi Muhe mono yali muli nyenye, nha yali vilungo muno muno, kuciza muhe mono yali muli wene, vyono wene wawo wo wanhu wa kononze.

Wugubule 13:14

Likawajiliza wanhu wenji wono wekaye mono'nze, ku so mapoto gago gono lyapegwa liganoze ha mwande ya alilya lilimu lilongozi. Nalyo lilimu lilyo likawalonjela wanhu wono wekaye mononze, wanoze cihwani, so kulipela yilumbo lilyo lilimu, lyono lyali lina likomele yiwaha muno, lyono lyatemangwa no mumaje, ninga alu likuwumipa kanyhi.

Walamuzi 2:22

Nozitumamila zinghungugo zizo, ho mbone hono Waisilayeli mbeka wozityatya zinzila zangu, nha vyono i walezi wawo watendaga hamba ng'o.”

1 Samwili 26:19

Gwe mutemi, wuhulicizaje 'ne, zono nghusaka kuzilonga. Hono yawe Muwaha Mulungu yo yakukundujize ho wuminje, ale i cilavywa comunoza yawupitule wuhile wakwe wuwo. Ninga hono wawe wanhu wo wazinozize zizo, ale, wulijite wo Muwaha Mulungu wuwaficile. Hambi nha waminga ane, ho mbuce mu yisi yo Muwaha Mulungu, ho mbite ku yisi yono yonyambuza niwe kuyihemba milungu yinji.