Wukumbucize wo Wulajilize 13:2 - Luganuzi Luswanu Kuli Wanhu Wose 2002

² ‘Alenyi cihembe no kuyitumamila milungu yinji, yono nanye mukali hamba si nayimanya.’

Wukumbucize wo Wulajilize 13:2 ပူးပေါင်းရင်းမြစ်များ

1 Watemi 13:3

Nayo muwizi yakamulonjela kanyhi Yelobowamu yakatya, “Ne citanjilo cayo cocino, i cikumbicilo cici, copanduka cilawe hejete, ne mavu gono gali mumo gomwajika geyagale caka. Nagwe baho ho komanyila nha vyono, mbeka Muwaha Mulungu kalonjela muli'ne.”

Wutuluce 22:19

Munhu wo wose mono kogona no mutugo, yimunojeye yawulagwe.

Wutuluce 7:22

I waganga wa mu Misili nawo, wakanoza nha vivyo no wuganga wawo. Na ku soko yiyo, nhondo mutemi Falawo ho yakacila muno muno kuwa mukamu ku wuhulice. Yikawa nhavivilya du vyono Muwaha Mulungu yali yalonga. U mutemi yakalemela lukulu kuwahulika Musa na Haluni.

Yelemiya 23:32

Alu muhulicize ta, zono nghutya ane no Muwaha Mulungu! Ane mbeka, nili mulugu we wawizi wawo, wono wendile kulonga ze zindoto zawo, zono zimemile wulambi wose du. Hambi nha wakwitumamila zizo zindoto zawo, no kuwajiliza wanhu ku soko yo wulambi wawo, hamonga no widunhumuzi wawo. Ninga ane hamba si niwatumile yaye, hamba kuwalajiliza kose. Kanyhi wasina hamba nghani yo yose, yono yosuma kuwataza wanhu. Vyo nghutya ane no Muwaha Mulungu.”

Yelemiya 27:9

Holeka 'nye wayangu, mulecele lukulu kuwahuliciza wawo wawizi wenyu, hamba kuli munhu wo wose mono yakwiyitya nha vyono kosuma kuwila za ku mwande, mu nzila ye zindoto, hamba mu nzila yo wucemeleza myuhe ye wanhu wono wafwiye, hamba mu nzila yo wuhawi. Wawe kumulonjelenyi nha vyono mulece kwiyilavya kuli mutemi Nebukadineza u mutemi wa Babiloni.

Yelemiya 28:9

Ninga hamba nhavivyo, u muwizi mono yakuwila nghani zo mulamu, ne nghani yo muwizi yuyo kolo yeza kwijela, baho langa, u muwizi yuyo, ho komanyika vyono yuyo yo muwizi mbeka, mono Muwaha Mulungu yamutumile.”

Zakaliya 10:2

Hambi i wanhu wono wawuzaga kuli milungu yinji ye vihwani, no kwitoweleza cisangu, ne lipitulo lyono wakuwa kutuga nha lya wulambi, kanyhi lya wulele du. Wanji wakuwa kuzilolosa zi ndoto no kuzinoza kotya nha cinhu ca mbeka, kumbe wakumukonjenyi bwete du. No wutuzwe wono wakuwa kumulonjelenyi wa bwete du. Holeka hobaho, i wanhu wakupilima-pilima du, kotya nhe zingholo zono zajiliye. Wali mu magayo, hambi nha wasina mudimi.

Matayo 24:24

Hambi nha wololawila walambi wenji, wono wokwicema weneco yo Kilisito, kanyhi ne wawizi wo wulambi. Nawo wawo wonoza mapoto mawaha, ne mezino gono gosuma kumwajilizenyi, na hono yisumice sunga ne wahagulwa wo Mulungu.

Wukumbucize wo Wulajilize 13:13

‘Wenuka wanhu wanji we cakacaka muli nyenye, wono wakuwakwejeleza wanhu wa mu makaya gawo, wabite wayihembe milungu yono mukali si nayihemba ku wulawa katali.’

Wukumbucize wo Wulajilize 13:6

“Hamba yawe nduguyo, u mwana wo nyina yako, hamba mwanago we cilume hamba we cicekulu, hamba yawe mugolece wako u mwendece wako, hamba mwiyendi muyago mono mwiyendile nayo muno muno, hono yejele vyono yakusaka yakukwejeleze cinyele ho wuyihembe milungu yinji, i milungu yono nyenye nyo weneco, hamba walezi wenyu si mwayihemba hamba kamonga,

Wukumbucize wo Wulajilize 18:20

Na hono yejele muwizi wo wose, mono kokwijelela yalitumamila litagwa lyangu, mu zinghani zono ane si nimutumile yazilonje, muwizi yuyo yimunojeye yafwe so nghani yiyo. Na yowa nhavivyo, sunga na kuli wawizi wanji wono wowa kulonjela mwi'tagwa lye milungu yinji.’

Wukumbucize wo Wulajilize 18:22

Ninga moyimanya nhavi, ‘Hono muwizi yalonjele nghani mwi'tagwa lyangu, na zono yalonjile ho zilece kufisilizwa, baho ho momanyila vyono nghani yiyi si yilawile kuli Muwaha Mulungu. Muwizi yuyo kalonga zakwe mweneco du. Holeka nanye mulece kumogopa yaye.’ ”