Wukumbucize wo Wulajilize 11:9 - Luganuzi Luswanu Kuli Wanhu Wose 2002

⁹ Kanyhi ho mosuma kwikala vilo vinji mu yisi yo moso, yisi yono Muwaha Mulungu yawehuwiza walezi wenyu hamonga ne wana wawo, vyono kowapela.

Wukumbucize wo Wulajilize 11:9 ပူးပေါင်းရင်းမြစ်များ

Wutuluce 20:12

“Wogopaje sogo no nyina yako, vilo vyo wikale wako ho viwe vinji mu yisi yono yakukupela Muwaha Mulungu, u Mulungu wako.

Wutuluce 3:8

Holeka aluno nhima ho niwaponye ku wulawa mu miwoko ye Wamisili. Niwawuse mu yisi ya Misili, niwategule sunga ko ku yisi swanu. Yisi yono yina moso, hamonga no wumemelecele wo wuswanu wose, yisi yono aluno wekaye wa Kanani, ne Wahiti, ne Waamoli, ne Wapelizi, ne Wahivi, ne Wayebusi.

Zimbazi 10:27

Holeka agwe, wumuhulice Muwaha Mulungu, holeka kokwikala vilo vinji mono'nze. Ninga i wanhu wabi wafwizaga na lono vipango vyawo vikali nafika.

Zimbazi 3:16

Mahala gakupelaga vilo vinji vyo kwikala mumi mu mikalile yako, hamonga no wugoli ne lilumbo.

Zimbazi 3:2

Ne mafundo gangu, gokupela wumoteswe vilo vinji hamonga no mu mikalile yako.

Zimbazi 9:11

Nago mahala gokonjelezeza myaka yo wikale wako.

Ezekiyeli 20:6

Na mwi'daha lilyo, lyo nehuwiziza nha vyono nowawusa ku wulawa mu yisi ya Misili, niwategule ku yisi yono nawahagulila, yisi ndezi yono yina moso mwinji muno, yisi swanu kuciza zi'si zose.

Wukumbucize wo Wulajilize 1:8

Na mumo mose, yo yisi yono nehuwiza ane no Muwaha Mulungu, vyono nowapela walezi wenyu, Abulahamu na Isaka, na Yakobo, sunga ne zindelo zawo. Holeka mubite mukayihale yiwe yenyu.’ ”

Wukumbucize wo Wulajilize 11:10

Ne yisi yiyo yono moyisola no kwikala mumo, si yinha yisi ya Misili yaye, yono mwekalaga katali, yisi yono mwahadikaga zimbeyu, hanyuma kanyhi muwa kutuga mulimo muwaha wo kuzimwajilila malenga mu migunda yenyu.

Wukumbucize wo Wulajilize 11:21

Holeka anye, ne wana wenyu, mokwikala vilo vinji, mu yisi yono Muwaha Mulungu, u Mulungu wenyu, yawehuwiziza i walezi wenyu, nha vyono kowapela. Na mbeka, mokwikala mu yisi yiyo vilo vinji du muno, nha vyono vinha vilo vyo wulanga wono wuli mucanyha ye yinze.

Wukumbucize wo Wulajilize 4:40

Holeka mukamise malajilizo gakwe gono nghumulajilizenyi izuwali. Na mu nzila yiyo, holeka zenyu zose zojendelela viswanu, hamonga ne wana wenyu. Kanyhi holeka mojendelela kwikala mononze vilo vinji, vyono Muwaha Mulungu, u Mulungu wenyu, yakumupelenyi viwe vyenyu cibitilila.”

Wukumbucize wo Wulajilize 5:16

“Wuwogopaje sogo no nyina yako, nha vyono nghukulajiliza, ane no Muwaha Mulungu, u Mulungu wako, ho wusume kutuga wumoteswe, na kanyhi ho wusume kwikala vilo vinji mono yisi yono nghukupela.

Wukumbucize wo Wulajilize 5:33

Mweze mwina cihuliko muli zose, ho musume kutuga wumoteswe, na kanyhi ho musume kwikala vilo vinji, mu yisi yono moyisola yiwe.”

Wukumbucize wo Wulajilize 6:18

Kanyhi mweze kwituma zono Muwaha Mulungu yakuzilajiza, iziswanu na zo mugoloka. Na holeka mosuma kumoteswa muli zenyu zose, no kuyisola yisi yiwe yenyu, i yisi yono yina moso, yisi yono Muwaha Mulungu yawehuwiza i walezi wenyu.

Wukumbucize wo Wulajilize 6:2

Nanye hamonga ne wana wenyu mweze muli cogopo kuli Muwaha Mulungu, u Mulungu wenyu, muwukamise wutemye wakwe malajilizo gakwe gono nghumulajilizenyi izuwali, mu vilo vyose vyo wikale wenyu, ho musume kwikala vilo vinji mumo mu yisi yiyo.

Wukumbucize wo Wulajilize 6:3

Holeka mweze ne cihuliko anye nyo Waisilayeli, mugakamise muno malajilizo gakwe! Holeka mowa no wulugutwe, kanyhi mowa nghungugo ye vilungo muno muno. Nanye ho mosuma kwikala mu yisi yono yina moso, nha vyono Muwaha Mulungu, u Mulungu we walezi wenyu yehuwiza.

Wukumbucize wo Wulajilize 8:7

Muwaha Mulungu, u Mulungu wenyu, nha yakumutegulenyi mu yisi yono yina moso, yisi yono yina makolongo ne mivwilo ye malenga, sunga ne vikolongo vye malenga, vikuvwila mu malolo na mu vigongo mucanyha.

Wukumbucize wo Wulajilize 9:5

Kanyhi si vyono anye muli we ling'ani, mukwituma ze ling'ani, holeka yiwe Muwaha Mulungu yakumupelenyi yisi yawo. Langa mwene kowawinga ku soko yo wubi wawo. Yakuhila yajendelele kukamisa cilagane cakwe cono yacinoza kuli walezi wenyu, Abulahamu, Isaka na Yakobo.