Wukumbucize wo Wulajilize 11:4 - Luganuzi Luswanu Kuli Wanhu Wose 2002

⁴ Kanyhi mwawona na vyono Muwaha Mulungu yalyongomezeza lukulu lipuga lye wasilikale wa Misili, hamonga ne zifwalasi zawo ne matuka gawo go wulugu, lono yagagubiciziza mwi'lenga lya Shamu, lono wamutyatyajenyi mu nyuma yenyu.

Wukumbucize wo Wulajilize 11:4 ပူးပေါင်းရင်းမြစ်များ

Zabuli 106:11

Malenga ge lilamba, gakawagubiciza walugu wawo, si yasigala hamba yumonga bwete.

Wutuluce 15:19

Waisilayeli wakalowoka lilenga hakavu, ninga mituka yo wulugu ye Wamisili ne zifwalasi zawo, hamonga ne wajendela mu zifwalasi, wali weza kwinjila mwi'lenga, u Muwaha Mulungu yakagagomoleza malenga hamonga, nago malenga gakawagubiza wose.

Wutuluce 15:4

“Mituka yo wulugu, hamonga ne lipuga lyose lya Falawo, Muwaha Mulungu kavyongomezeza vyose mwi'lenga. Ne wetumami wakwe watambule, wafwila wose mwi'lenga lya Shamu.

Wukumbucize wo Wulajilize 1:40

Ninga anye, luno, mupituce, muwuye ne nyuma, mubite sunga ko ku nyika, mukolele balabala yono yibitile sunga kwi'lenga lya Shamu.’

Wukumbucize wo Wulajilize 11:5

Kanyhi mumanyile manyi manyi, zono Muwaha Mulungu yamutendelenyi, lono mwali mukali mu nyika, lono mukali nafika bahano.

Wukumbucize wo Wulajilize 2:1

“Hanyuma nhondo ho cikawa kupituka, cikawa kubita ku nyika, cikakolela balabala yono yibitile sunga ko kwi'lenga lya Shamu, nha vyono Muwaha Mulungu yali yalajilize. Ninga hamba nhavivyo, ciketumamila vilo vinji muno muno cikupilima pilima mu yisi ye matunda ya Edomu.

Wahebelaniya 11:29

So wihuwilo, i wanhu wa Isilayeli walowoka lilenga lya Shamu, kotya nha yali yisi nghavu; ninga Wamisili wali weza kujela nawo kunoza nhavivyo, wakafwila wose mu malenga.