Wukumbucize wo Wulajilize 11:2 - Luganuzi Luswanu Kuli Wanhu Wose 2002

² Kanyhi izuwali mukumbucile zo Muwaha Mulungu zono mweyijiza mu mikalile yenyu. Kanyhi yo nyenye nyo weneco, hamba si wana wenyu yaye, wono waziwona zizo. Anye mwawuwona u wuwaha wo Muwaha Mulungu, hamonga ne vilungo vyakwe, no wusume wakwe,

Wukumbucize wo Wulajilize 11:2 ပူးပေါင်းရင်းမြစ်များ

Zabuli 136:12

ko muwoko wakwe we vilungo, hamonga no wuwaha wakwe, hambi lusungu lwakwe, nha lwikalaga cibitilila.

Wutuluce 6:6

Ale, wuwalonjele Waisilayeli vyono ane nghuwatya nhavi, ‘Ane yo nene Muwaha Mulungu, nane nomuponyenyi, kanyhi nomuwicenyi welecele, mu wulawa mu wuwanda we Wamisili. Nowinula muwoko wangu we vilungo, niwaletele wulipicizwe wo kogofya, nane nomuponyenyi.

Zimbazi 22:19

Ninga ane nghukusaka wumwitumbile Muwaha Mulungu. Na yiyi yo yikuleka aluno, nghuhila nghwijize nha vyono zinha.

Isaya 53:5

Ninga yahomwa so wubi wetu yakatowangwa so mahodango getu gono cetuma, Nase cikuponywa so wulipicizwe wakwe wono yawutuga. Na so wutamiswe wakwe, ase mo ciponyezwe.

Metumo ge Watumwa 26:22

Ninga u Mulungu yakanhaza, holeka sunga ne zuwalili, nimile cilume-lume, nghuwahomelela wose iwawaha ne wadodo. Sinongaga zinji, langa zizilya du zono wazilonga iwawizi na Musa, vyono zolokwijela,

Wukumbucize wo Wulajilize 29:10

“Alu izuwali, mwimile hali Muwaha Mulungu, u Mulungu wenyu, nyenye hamonga ne walongola wenyu, ne wawaha wenyu, ne wanhu wenyu we cilume, na

Wukumbucize wo Wulajilize 3:24

‘Gwe go Muwaha Mulungu mono wutemile vyose, ane manyile manyi manyi, nha vyono wakondya kundajila u mwamulizo we zimbaha na zo wizine, zono kozituma. Hambi mbeka nha hasina mulungu yunji wo wose hono yinze hamba ku wulanga, mono kosuma kwituma metumo gago ge vilungo viwaha gono wagetuma gwegwe!

Wukumbucize wo Wulajilize 4:34

Hamba ho yuli mulungu yunji wo wose, mono yejelela yabite yakawawuse wanhu ku wulawa mwikungugo linji, kanyhi yawanoze wawe wanhu wakwe, nha vyono Muwaha Mulungu, u Mulungu wenyu yamunozezenyi nyenye ku yisi ya Misili? Hambi Muwaha Mulungu nha yazinozeza zose ha meso genyu, yetumamila vilungo vyakwe viwaha hamonga no wusume. Yaleta magazo, no wulugu, yakanoza vitanjilo, ne mezino, yakaleta nghani zo wogofye wuwaha muno muno.

Wukumbucize wo Wulajilize 5:24

wakanyitya, ‘Cakondya kuwona vyono, Muwaha Mulungu, u Mulungu wetu, kelajila u Wuwaha wakwe hamonga no lukumyo lwakwe, lono cimuhuliciye yakulonga mu wulawa mu moto! Holeka izuwali, cakondya kumanya vyono, munhu wo wose kojendelela du kuwa mumi, hamba yiwe Mulungu kakondya kulongana nayo.

Wukumbucize wo Wulajilize 7:19

Kanyhi mukumbucile ze litamwa lyo kogofya lyo wukoma, lyono mwaliwona nyenye nyo weneco ne meso genyu, ne mapoto, ne mezino mawaha, no wusume, ne vilungo, vyono Muwaha Mulungu, u Mulungu wenyu, yetumila yakamuwusenyi mu yisi ya Misili. Na mu nzila yiyo du, yakawongomeza Wamisili. Holeka kowongomeza ne wanhu wawa wose, wono aluno anye mukuwogopa.

Wukumbucize wo Wulajilize 8:19

Holeka mulecele lukulu kumusemwa Muwaha Mulungu, u Mulungu wenyu, hamba kuyityatya milungu yinji no kuyihemba no kuyitumamila. Na hono mwijelele munoze nhavivyo, nghumusugulenyi izuwali vyono mbeka wose mokongomezwa.

Wukumbucize wo Wulajilize 9:26

Nane nghawa kulomba nghatya, ‘Gwe go Muwaha Mulungu, wulece kuwongomeza wanhu wako, i wanhu wono wawaponya no kuwawusa ku yisi ya Misili kwe vilungo viwaha, na ko wusume wuwaha.

Yoshuwa 24:31

Waisilayeli, wali wajendeleye kumwitumamila Muwaha Mulungu vilo vyose vyo wikale wa Yoshuwa, sunga na lono Yoshuwa yali yakondya kufwa, wene wali wajendeleye kwituma nhavivyo sunga na mu vilo, lono wali wakali womi, i wanyamhala, wono waziwona weneco, zose zono Muwaha Mulungu yetuma kuli Waisilayeli.