Danyeli 9:7 - Luganuzi Luswanu Kuli Wanhu Wose 2002

⁷ Gwe go Muwaha Mulungu, agwe yo gwegwe mono kwitumaga nhondo zose ze ling'ani. Ninga ase yo ciyiletelaga cevu nhondo zose sese co weneco du. Na yiyi yo nghani ya mbeka kuli sese wose mono cikaye mu Yuda na mu Yelusalemi, sunga na kuli Waisilayeli wose, wono waweyagaziza mu ma'si ge behi na go kutali, vyono wali si wehuwilwa kuli'gwe.

Danyeli 9:7 ပူးပေါင်းရင်းမြစ်များ

Ezila 9:13

Hamba no wulipicizwe wa kuli'se, wono wetumwa no Muwaha Mulungu so wubi ne masutya getu, cimanyile vyono agwe go Mulungu wetu, wacilipiciza hadodo du vyono si cali cinojeye cilipicizwe, kanyhi wacileka cijendelela kuwumipa.

Ezila 9:15

Ninga agwe go Muwaha Mulungu wa Isilayeli, agwe yo wuli we ling'ani, hambi nha kucileka cikale cili womi. Holeka nase cikunena wubi wetu ne masutya getu hali'gwe, hamba si cinojeye kuza na ha mwande yako.”

Nehemiya 9:33

Wetuma viswanu kucilipiciza, kanyhi wuketuma ze ling'ani, hambe nha cakunozeza wubi.

Zabuli 119:137

Gwe Muwaha Mulungu, wuli mwihuwilwa, ne zining'aniza zako zo ze mbeka.

Zabuli 44:15

Misi yose nikaye nghuwona cevu, no wusu wangu wumemile soni zose,

Zabuli 51:14

Gwe go Mulungu, u Mulungu we mhonelo yangu, wumhonye ne lifwa lyono nojeye nifwe. Nane nokwanza ko lwimbo, vyono agwe kwitumaga ling'ani.

Zabuli 51:4

Nane nghusutizya gwegwe du wuli wene, nituma zimbi hali gwegwe. Holeka lono wukuning'aniza, wukunoza viswanu, hambi nha wina ling'ani lono wukundipiciza.

Isaya 11:11

Na yolowa mwizuwa lilyo, U Muwaha Mulungu kolokwitumamila kanyhi vilungo vyakwe, yawagomole wanhu wakwe wono wowa wakali wasigaye ku Ashuli, na ku Misili, na ku Patilosi, na ku Kushi, na ku Elamu, na ku Sinali, na ku Hamati, ne zi'si zose za ku zimhwani.

Isaya 45:16

Ne wanhu wono wasesaga vihwani wose wolokozwa soni, na wose hamonga wolopuvywa.

Yelemiya 12:1

Gwe go Muwaha Mulungu, hamba ciwangane nagwe muli zangu, agwe ninga vyo kojendelela kuwa mu mbeka du. Holeka nane luno, nosuma kukuwuza zinghani zono zinojeye wiling'ano, nha vyono nhavi, Alu mwene, nhawule i wanhu wabi nawo wamoteswe muno? Hamba nhawule i wanhu wono si wehuwilwa nawo wekaye wacehile?

Yelemiya 23:6

No mutemi yuyo kolo yatema, i wanhu wa Yuda, wolowa wekaye wapolile. Hambi u mutemi yuyo nha kolocemwa, ‘U Muwaha Mulungu Muponyi wetu.’ ”

Yelemiya 24:9

Nane noloweyagaziza mu zinghugugo zose za kono'nze, ho watuje wongomezwe wubi. Ne wanhu wose wolowezwajiza no kuwahosa hamonga no kuwasekanga, no kuwalijita, ho hose hono noloweyagaziza.

Yelemiya 3:25

Holeka alu yicinojeye cigone hasi so cevu cetu, cilece zisoni zetu zicifunice. Hambi ase hamonga ne walezi wetu, nha cikalaga cikwituma wubi du hali Muwaha Mulungu, u Mulungu wetu, kanyhi hamba si cigebate ne malajilizo gakwe.”

Yelemiya 32:32

ku soko ye metumo mabi gose gono wetumaga i wanhu wa Isilayeli na Yuda, hamonga ne watemi wawo, ne walongola wawo, ne wakohani wawo, hamonga ne wawizi wawo.

Yelemiya 33:16

Ne wanhu wose wa Yuda sunga na wa Yelusalemi, woloponywa no kwikala wapolile. Ne likaya lyolocemwa, ‘U Muwaha Mulungu yo ling'ani yetu.’

Yelemiya 4:17

Woloyipilima Yelusalemi nha wanhu wono wawulindilize mugunda, hambi i wanhu wayo, nha wakondya kumbedegala ane no Muwaha Mulungu. Vyo yakutya u Muwaha Mulungu.

Yelemiya 7:19

Wene wakwihwesa nha vyono wakunhamisa nene, kumbe ho wakwitamisa weneco, hamonga no kwiyiletela cevu ca bwete.

Ezekiyeli 16:63

Nane baho, ho nolomunenelenyi i masutya genyu gose gono mwetuma. Ninga anye molowa mugakumbuciye no kukolwa cevu, hamba no kulonga cinji kanyhi.” Vyo yakutya u Muwaha Mulungu.

Ezekiyeli 36:31

Holeka nanye mokumbucila zinzila zenyu zimbi, ne metumo genyu gono si maswanu, nanye mokwiwona cevu, ku soko yo wubi wenyu hamonga ne mawifyo genyu.

Ezekiyeli 5:10

Na mu ndipicizwa yiyo, iwalezi wa mu Yelusalemi, wololya i wana wawo, nawo wana wololya walezi wawo. Nolomulipicizenyi no kumwiyagazizenyi mu malanga gose, kanyhi holowa hasina hamba yunji mono yalasigala mumi.

Ezekiyeli 6:12

Nawo wono wali ku zi'si zo kutali, wotamwa no kufwa, nawo wono wali baho behi, wowulagwa no wulugu. Nawo wono wowa wakali wasigaye, awo lizala lyowakopola. Nawo wose woliwona likuwo lyangu vyono linha.

Danyeli 9:14

Gwe go Muwaha Mulungu, go Mulungu wetu, wali wiwikanize wucilipicize, na vyo wanoza. Hambi 'gwe nha kwitumaga ze ling'ani nhondo zose. Ninga ase hamba kukuhulika yaye.

Danyeli 9:18

Holeka nghukunena wucihulicize 'gwe go Mulungu, wucilanje, wuwuwone no wugaye wetu vyono cikugaya, ne magazo ge likaya lyono walicemela litagwa lyako. Nase cikukulomba, hambi nha cimanyile vyono agwe wuli lusungu, si cikukulomba vyono ase cituma ze ling'ani yaye.

Danyeli 9:8

Sunga ne watemi wetu, hamonga ne walongola wetu, sunga ne walezi wetu, wose wetuma nghani za cevu no kwituma wubi hali'gwe, go Muwaha Mulungu.

Amosi 9:9

“Langa nolavya wulajilize no kuwapemenha wanhu wa Isilayeli, nha vyono wapemenhaga wuhemba mu luheneko. Nowapemenha wene, ku wulawa mu makungugo, no kuwawusa wose wono wasina cambuzi.

Walumi 6:21

Alu mwatuga cambuzi mu cici, kuli zizo zono mukuziwonela cevu alu? Ku soko mudumilizo wa zizo, nha yifwa.

Wukumbucize wo Wulajilize 32:4

“Muwaha Mulungu yo mukamisi wenyu mono yali vilungo, mono si kasinjisikaga, kanyhi yali ling'ani muli zakwe zose. Mulungu wenyu mwihuwilwa kanyhi yo we mbeka.

Wukumbucize wo Wulajilize 4:27

Muwaha Mulungu kolomwiyagazenyi, mwiyagalile mu makungugo ganji, na kuko, wayenyu wacefu du wo wolosigala wekale womi.