Danyeli 9:6 - Luganuzi Luswanu Kuli Wanhu Wose 2002

⁶ Hamba si cawahuliciza sunga ne wetumami wako wawizi, wono wayilonjelaga nghani yako mwi'tagwa lyako kuli watemi wetu, na kuli walongola wetu, na kuli walezi wetu, sunga na kuli likungugo lyose.

Danyeli 9:6 ပူးပေါင်းရင်းမြစ်များ

2 Watemi 18:12

Samaliya yikagwa, vyono wene Waisilayeli si wenda kumuhulika Muwaha Mulungu, u Mulungu wawo, wakacibena ne cilagane cono yacinoza kuli wene, wakagabeza ne malajilizo gono wapegwa na Musa u mwitumami wo Muwaha Mulungu. Wakalema kuzihulika, hamba kuzitumama kose.

2 Zinghomo 33:10

Holeka hamba yawe Muwaha Mulungu yamusugula Manase hamonga ne wanhu wakwe, ninga wene wakalema, hamba si wasaka kumuhuliciza yaye.

Ezila 9:7

Ase co wanhu wako, cetuma wubi winji hali'gwe, ku wulawilila mu vipango vye walezi wetu sunga nalu. Na ku soko yo wubi wetu wuwo, sese hamonga ne watemi wetu, ne wakohani wetu, cikegwiliza mu miwoko ye watemi we zisi ze cijenzi. Cikawulagwa no kuhizwa, sunga cikasolwa nha cili wafungwa. Cakondya kukozwa cevu ciwaha muno muno nha vyono yinha zuwali.

Nehemiya 9:30

Mu myaka yose, agwe wawasugulaga ko wukangalile. Wukawejiza wawizi, ho wawalonjele, ninga wanhu wako wakawa wali ciziwi. Holeka nagwe wukawaleka, wakatowa ne walugu wawo wa mu makungugo ganji.

Nehemiya 9:32

“Holeka 'gwe Mulungu, go Mulungu wetu, wuwaha wako wucizize! Mono wuli wo kogofya, kanyhi wuli we vilungo! Mono kukamisaga ko wihuwilwa cilagane no lusungu lwako, hamonga no wihuwizo wako. Ku wulawa mu vilo vyono watemi wa Ashuli waciwonelaga, sunga na lulu hose, magayo malinga gono gakondya kucagana! I watemi wetu ne walongola wetu, ne Wakohani wetu, ne wawizi, ne walezi wetu, hamonga ne wanhu wose, cili mu wugaye. Holeka wukumbucile vyono cagaya muno!

Nehemiya 9:34

Walezi wetu, ne watemi wetu, ne walongola wetu, hamonga ne wakohani, hamba si walityatya Lilajilizo lyako, hamonga no Wulajilize wako wono wawapela.

Yelemiya 26:5

Kanyhi na vyono, munojeye muzicelelele zinghani ze wetumami wangu i wawizi, wono nikalaga nghumuletelenyi ku wulawa na katali. Ninga anye si mwazicelelela yaye zono wamulonjelajenyi.

Yelemiya 29:19

Na zizi zose zolomuzizenyi, vyono si mwasaka kuzihulika zinghani zangu, zono namulonjelajenyi kenji na kenji, mu nzila ye wetumami wangu i wawizi, nanye hamba kuzihulika yaye.

Yelemiya 44:16

“Gwe Yelemiya, ase cayilemela lukulu nghani yono wacilonjela, mwi'tagwa lyo Muwaha Mulungu.

Yelemiya 7:13

Nanye mwetuma u wubi wuwu wose, hamba niwe namulonjelenyi zizi zose kali kenji na kenji, ninga nye mukalema kuhulika 'ne. Yali yiwe yili ciba le, hono mwali mulece kwidika, lono nali kumucemenyi.

Yelemiya 7:24

Ninga wene si wahulika 'ne, hamba kuzicelelela bwete, zono nawalonjela. Wene waketuma zimbi vyono wasakaga weneco mu zinhumbula zawo. Wakacila kuwa wabi muno, wakawuka ku wuswanu.

Danyeli 9:10

Nagwe go Muwaha Mulungu, go Mulungu wetu, lono wacilonjelela nha vyono, yicinojeye mikalile yetu, yityatye nha vyono winha wulajilize wako wono wacipelela muli wetumami wako i wawizi, ninga ase hamba si cakuhuliciza yaye.

Danyeli 9:9

Ninga agwe, wuli lusungu, kanyhi wuli munenezi, hamba ciwe ase cakondya kukugaluka no kukuleka.

Matayo 23:37

“Gwe Yelusalemi, Yelusalemi, mono wukuwa kuwawulaga iwawizi, sunga no kuwatowanga ne mabwe awalya wono watumwagwa u kwako. Kalinga kono nasakaga kuwakongholela iwanago kono kwangu, nha vyono nghuku yivikunyanjililaga viziyoziyo vyayo hasi ye mabawa gayo, ninga hamba si wenda yaye.

Metumo ge Watumwa 13:27

Hambi wono wekaye ku Yelusalemi, hamonga ne wawaha wawo, si wamumanya mwene vyono yo Muponyi. Hamba si wasuma kuzimanya zinghani ze wawizi zono zasomwaga vilo vyose mu Sabato. Hamba nhavivyo wakagafisiliza i mandiko so kumuwulaga Yesu.