Danyeli 9:5 - Luganuzi Luswanu Kuli Wanhu Wose 2002

⁵ “Ase cetuma wubi, kanyhi cili wabi, cituma nghani 'mbi muno. Hambi nha cazilema zinzila zako, cakondya kuzileka ne ziswanu zono wacilajila.

Danyeli 9:5 ပူးပေါင်းရင်းမြစ်များ

2 Watemi 18:12

Samaliya yikagwa, vyono wene Waisilayeli si wenda kumuhulika Muwaha Mulungu, u Mulungu wawo, wakacibena ne cilagane cono yacinoza kuli wene, wakagabeza ne malajilizo gono wapegwa na Musa u mwitumami wo Muwaha Mulungu. Wakalema kuzihulika, hamba kuzitumama kose.

2 Watemi 21:15

Nane nozinoza zizi kuli wanhu wangu, ku soko wakondya kwituma wubi hali'ne, wanghoza likuwo, ku wulawilila lono walezi wawo wawucila ku Misili, sunga nalu.”

Ezila 9:6

Nghawa kumulomba nghutya, “Gwe Muwaha Mulungu, ane nghwiwonela cevu muno hamba kukwinulila ne meso gangu. Hambi wubi wetu nha wacila muno. Nawo wonjelecela sunga ko ku wulanga.

Zabuli 106:6

Cinoza wubi nhe walezi wetu, cituma zo wavu, cituma zimbi.

Zabuli 119:102

Nghali hamba si ninawubedegala yaye, wijize wako, hambi nha yo gwegwe du yo wuli mwijizi wangu.

Zabuli 119:176

Nghuyumba-yumba, nha ngholo yono yajiliye, holeka wuze wunondole ane no mwitumami wako, hambi nha si nigasemwaga malajilizo gako.

Zabuli 18:21

Ane niyityatyaga nzila yo Muwaha Mulungu du, hamba nghali namuleka Mulungu wangu.

Isaya 53:6

Ase wose cinha zingholo zono zajiliye, munhu yakubita na nzila yakwe mweneco. Ninga Muwaha Mulungu yakamulipiciza so sese, u wulipicizwe wono wali wucinojeye sese co weneco.

Isaya 59:13

Cakubeza, cikakulema, si casaka hamba no kukutyatya bwete. Kanyhi cikuvumila nha vyono mbeka cawewonela wanji, kanyhi cikakuleka. Mbeka mahweso getu mabi, ne zinghani zetu zose za wulambi.

Isaya 64:4

Kanyhi hasina hamba munhu monga mono yamuwona, hamba kuhulika zo Mulungu yunji wo wose mono yehwanile gwegwe, mono ketumaga metumo gono genha gaga, kuli wose wono wamwitumbiye.

Yelemiya 14:20

Gwe go Muwaha Mulungu, ase cetuma wubi muno hali 'gwe, holeka aluno, cikuwuvumila wubi wetu, hamonga no wubi we walezi wetu.

Yelemiya 14:7

Nawo i wanhu wangu, wakundilila wakutya, ‘Hamba wuwe u wubi wetu wukucihomelela, ninga 'gwe go Muwaha Mulungu wucitazaje du, nha vyono gwegwe wehuwiza. Na mbeka, ase cikulecile kali kenji du, na kanyhi cituma wubi hali'gwe.

Yelemiya 3:25

Holeka alu yicinojeye cigone hasi so cevu cetu, cilece zisoni zetu zicifunice. Hambi ase hamonga ne walezi wetu, nha cikalaga cikwituma wubi du hali Muwaha Mulungu, u Mulungu wetu, kanyhi hamba si cigebate ne malajilizo gakwe.”

Yelemiya 30:14

Ne wendece wenyu wose, wakondya kumusemwenyi, hamba si womululenyi kanyhi yaye. Nane nghamuhomenyi nha muli walugu, no wulipicizwe wukawa wukali muno, ku soko yo wubi wenyu vyono winji muno, hambi i metumo genyu mabi, nha gali gonjelezeka muno.

Yelemiya 44:3

vyono i wanhu wayo wetuma zimbi muno, wakanghoza 'ne likuwo. Hambi nha wayilavizyaga makumbiko milungu yinji, no kuyitumamila milungu yono wene si wayihembaga ku wulawa na katali, hamba nyenye, hamba ne walezi wenyu, si wayihembela lukulu.

I Cililo 1:18

“Ninga Muwaha Mulungu yo we ling'ani, hambi nha yo nene mono si nali kwenda kumuhulika. Holeka muhulicizaje anye wanhu wose, muwuwone wugaye wangu. Hambi i wazelelo wangu hamonga ne wacekulu, nha wakondya kusolwa no kutegulwa kutali.

I Cililo 1:20

“Alu 'gwe go Muwaha Mulungu, wulangaje ta wusungu wono nina nawo mu nhumbula yangu! Ne nhumbula yangu nha yatulilwa muno no wukalale, ku soko yo wubi wangu. Alu mu zinzila, mweza mowuli wuwulaji, na mu milango namo, molili yifwa.

I Cililo 3:42

“Ase mbeka cetuma wubi no kukuleka, ninga nagwe go Muwaha Mulungu, hamba si wacinenela.

Ezekiyeli 5:6

Ninga Yelusalemi yagabedegala malajilizo gangu, nokwilajila vyono yene yo 'mbi muno si nhe ma'si ganji gono galipilime. Hambi Yelusalemi nha yalema kuwibata malajilizo gangu, hamonga no wulajilize wangu.

Ezekiyeli 6:9

wolokwiyagalila mu zinghungugo zinji, wakekale kuko nha wafungwa. Nawo lono wowa wali kuko, wolonghumbucila lono wali mugati ye makungugo, no kumanya nha vyono yo nene mono niwalipicize no kuwakoza cevu, ku soko yo wuwula wihuwilwa wawo. Hambi nha wakondya kundeka 'ne, no kwenda vihwani si nha nene. Holeka ku soko yiyo, wolowa wakondya kwiyavufya weneco ku soko yo wubi, hamonga ne makani ge cevu gono wetumaga.

Danyeli 9:11

Ne Waisilayeli wose, wakondya 'lu kuwubena wulajilize wako, hamba si wakuzityatya kanyhi yaye zono wawalonjela. Holeka ase cili wasutyi du hali'gwe, na ku soko yiyo, holeka nagwe wukaciletela malijito gose gago gono mandice mu Wulajilize wa Musa, u mwitumami wako.

Danyeli 9:15

“Gwe go Muwaha Mulungu go Mulungu wetu, agwe walajila vilungo vyako, wukawawusa wanhu wako mu yisi ya Misili, ne vilungo vyako vikali vikumbuciywe. Ase mbeka cikusutizya, kanyhi cikuwuvumila wubi wetu.

Danyeli 9:9

Ninga agwe, wuli lusungu, kanyhi wuli munenezi, hamba ciwe ase cakondya kukugaluka no kukuleka.

Hoseya 1:2

Baho lulongozi lono Muwaha Mulungu yalonga ne Waisilayeli mu nzila ya Hoseya, Muwaha Mulungu yakamutya Hoseya, “Wubite wukatole, mucekulu musenyha, sunga ne wanagwe nawo wowa wasenyha nha vyono yenha nyina yawo. Nhavivyo ne wanhu wangu Waisilayeli, nawo wakondya kundeka, alu waweza wasenyha.”

Malaki 3:7

Anye, mwihwanile ne walezi wenyu walongola, wagabedegala malajilizo gangu, hamba kugebata yaye. Ale mbuyilenyi nene, nane nomuwuyilenyi nanye. Ninga hono mutye, ‘Alu citende wule ho cisume kukuwuyila?’

Wahebelaniya 3:12

Holeka wandugu zangu, mwilanjililaje, halece kuwa na yunji muli nyenye, mono yena i nhumbula yimbi nhavivyo, mono si yehuwiye no kumuleka u Mulungu mumi.