Danyeli 9:4 - Luganuzi Luswanu Kuli Wanhu Wose 2002

⁴ Nghamulomba Muwaha Mulungu, u Mulungu wangu, nghawunena u wubi we wanhu wangu. Nghalomba nghatya, “Gwe go Muwaha Mulungu, yo gwegwe Muwaha, nase cikogopile gwegwe du. Nagwe wibate ne cilagane cako, kanyhi wuli lusungu kuli wono wakwendile, no kwituma zono kulajilizaga.

Danyeli 9:4 ပူးပေါင်းရင်းမြစ်များ

1 Watemi 8:23

yakalomba yakutya, “Gwe go Muwaha Mulungu, go Mulungu wa Isilayeli, hasina Mulungu yunji mono yehwanile gwegwe kuko ku wulanga, hamba mono 'si hasi! Hambi agwe nha kukamisaga wihuwizo wako kuli wanhu wako, no kuwulajila u lusungu lwako kuli wene, lono wakukuhulika kwe zinhumbula zawo zose.

2 Zinghomo 7:14

nawo wanhu wangu wono wakucemwa mwi'tagwa lyangu hono, wenenenyheze no kulomba kuli'ne, no kunondola kanyhi wagalece ne metumo gawo mabi gono wali kwituma, nane nowahulika kuko ku wulanga, nowanenela no wubi wawo, no kuyimotya kanyhi yisi yawo.

Ezila 10:1

Baho Ezila, lono yalombaga ha Nyumba yo Mulungu, akuno yakulila no kunena wubi wuwo, yipuga yiwaha lye Waisilayeli, we cilume na we cicekulu, hamonga ne wana wawo wose, wakamuziza Ezila, akuno wakulila muno muno ko wukalale.

Nehemiya 1:5

“Gwe go Muwaha Mulungu wa ku wulanga, agwe wuli Muwaha, nase cikogopile gwegwe, kanyhi agwe wuli lusungu, kukamisaga cilagane cako kuli wono wakwendile gwegwe no kwituma wulajilize wako.

Nehemiya 9:32

“Holeka 'gwe Mulungu, go Mulungu wetu, wuwaha wako wucizize! Mono wuli wo kogofya, kanyhi wuli we vilungo! Mono kukamisaga ko wihuwilwa cilagane no lusungu lwako, hamonga no wihuwizo wako. Ku wulawa mu vilo vyono watemi wa Ashuli waciwonelaga, sunga na lulu hose, magayo malinga gono gakondya kucagana! I watemi wetu ne walongola wetu, ne Wakohani wetu, ne wawizi, ne walezi wetu, hamonga ne wanhu wose, cili mu wugaye. Holeka wukumbucile vyono cagaya muno!

Zabuli 32:5

Nghawa kuwuvumila wubi wangu hali'gwe, hamba sinawuhundika wavu wangu. Nghawona viswanu, mvumile wubi wangu hali'gwe go Muwaha Mulungu, nagwe wukawa kunenela wubi wangu wose.

Wutuluce 20:6

Ninga nghuwawonela lusungu maelufu na maelufu, wawalya wono webate malajilizo gangu.

Yelemiya 3:13

Langa ane yono nghusaka kuli 'gwe, wuvumile masutya gako gose nha vyono wali wamubedegala u Muwaha Mulungu, u Mulungu weko. Kanyhi wunene, nha vyono wali kusenyha ne milungu mijenzi, hasi ye mibici yose yono yina mahamha gono gadedewaye, hamba kugebata malajilizo gangu yaye. Vyo nghutya ane no Muwaha Mulungu.

Yelemiya 32:23

Ninga nawo wali weza kuza mono yisi yiyi, no kuyisola yiwe yawo, hamba si wasaka no kugebata ne malajilizo gako yaye, hamba kwikala mu mikalile ye mejizo gako ng'o. Hamba si wasuma kwituma nha vyono wali wuwalajilize wetume. Holeka nagwe luno wawaletela magayo gaga gose.

Danyeli 6:10

Nayo Danyeli yali yeza kumanya vyono lilajilizo lilyo lyawicilwa ne citanjilo, yakawa kubita ku kaya yakwe. Na mu cinyumba ca kucanyha ku golofa ya mu kaya yakwe, cali cina madilisha gono vyali vidomile na Yelusalemi. Baho, yakafugama ha madilisha ge nyumba yakwe, vyono gali gali mwazi, yakamulomba Mulungu nghanghulo yidatu kwe zuwa, nha vyono yali yazoweye.

Danyeli 9:3

Nane nghamulomba Muwaha Mulungu ko winenenyhezi, nghaleka kulya, nghavwala magunila, nghawa kwikala mu mavu.

Luka 1:72

Yakatya, kowawonela lusungu walezi wetu. No kukumbucila cilagane cakwe cono celile.

Walumi 8:28

Kanyhi cimanyile vyono, muli zose, u Mulungu ketumanaga no kumalila hamonga na wose wono wamwendile, nha cinji, wawalya wono yawacema nha vyono yali yehwesize.

Wukumbucize wo Wulajilize 5:10

Ninga nghuwawonela lusungu maelufu na maelufu wono wanyendile, kanyhi wagebate ne malajilizo gangu.

Wukumbucize wo Wulajilize 7:12

“Na hono mugahulice malajilizo gaga mugakamise no kugetuma ko wihuwilwa, u Muwaha Mulungu, u Mulungu wenyu, nayo kojendelela kucikamisa cilagane cakwe cono yacinoza nanye, kanyhi komulajilenyi no lusungu lwakwe luwaha, nha vyono yawehuwiza walezi wenyu.

Wukumbucize wo Wulajilize 7:21

Holeka anye mulecele lukulu kuwa no woga ku so wanhu wawa, hambi Muwaha Mulungu, u Mulungu wenyu, nha yali hamonga nanye. Mwene nha yo Muwaha Mulungu mono Yalawiliciye, kanyhi yo mweneco du mono yanojeye wanhu wamogope.

Wukumbucize wo Wulajilize 7:9

Kanyhi mweze kukumbucila vyono Muwaha Mulungu, u Mulungu wenyu, yo Mulungu monga du, kanyhi mwihuwilwa. Mono kosuma kukamisa cilagane cakwe, no kulajila lusungu lwakwe luwaha kuli ndelo maelufu na maelufu ga wono wamwendile, kanyhi webate ne malajilizo gakwe.

Yakobo 1:12

Mumoti munhu mono yakukangalila wujelwe, hambi kolo yeza yasuma, nha kopegwa i cihumbilizwa co wumi cono Mulungu yawatemezezya wawalya wono wamwendile.

Yakobo 2:5

Wandugu zangu, wendece, hulicizenyi ta! U Mulungu yakondya kuwahagula iwanhu waciwa wa mu yinze yiyi, ho wawe wagoli wo wihuwilo, kanyhi wawubocele wutemi wono yawatemezeza wa walya wono wamwendile.