Danyeli 9:3 - Luganuzi Luswanu Kuli Wanhu Wose 2002

³ Nane nghamulomba Muwaha Mulungu ko winenenyhezi, nghaleka kulya, nghavwala magunila, nghawa kwikala mu mavu.

Danyeli 9:3 ပူးပေါင်းရင်းမြစ်များ

2 Samwili 12:16

Dawudi yakamulomba Mulungu so mwana yuyo ho yanoje. Na mu mapango gago Dawudi yakalema kulya ndigwa. Na mu mapango ge cilo yenjilaga mu cumba cakwe, kawa yagonile hasi du sunga wokwela.

Ezila 10:6

Baho Ezila yakawuka ha mwande ye Nyumba yo Mulungu, yakenjila mu nyumba ya Yehohanani u mwana wa Eliyashibu, yakagona baho, akuno yakulila so wu wula wihuwilwa wa wono walawa ku wuhamywe. Nayo siyalya hamba kung'wa yaye.

Ezila 8:21

Bahalya ha cikolongo ca Ahava nghalavya wulajilize, wanhu wose cilece kulya, ho cinenenyheze hali Mulungu wetu, cimulombe yacilongolele, kanyhi yacidime viswanu mu muhinzo wetu, ne wana wetu, hamonga ne zisawo zetu.

Ezila 9:5

Cipango co wulavye we cilavywa ce cinyamihe cali ceza kufika nghenuka ne vivwalo vyono videmuce, nghafugama, nghalomba, akuno nimwaliye ne maganza gangu Muwaha Mulungu, u Mulungu wangu.

Nehemiya 9:1

Mu mwezi wuwo, mwi'zuwa lye makumi mejete na yine, i wanhu wa Isilayeli wakekongholela hamonga, wakaleka kulya, ho walajile wukalale wawo so wubi wawo.

Esita 4:16

“Ale wubite wukawakonghole Wayahudi wose wa mwi'kaya lya Susa, mulece kulya, kanyhi munombele. Mulece kulya hamba kung'wa cinji vilo vidatu cilo ne misi. Nane hamonga ne wetumami wangu we cicekulu conoza nhavivyo. Hanyuma ane nomubitila mutemi, hamba niwe nha neza kuwukawaniza wulajilize. Hono nghufwa so yiyo, hodu lece mbite nghafwe lece yiwe nha vyono yowa.”

Jobu 42:6

Holeka aluno, nghuziwonela cevu zose zono nalonga, nane nghunena mu manghundi ne mavu.”

Zabuli 35:13

Ninga wene lono wali watamigwe, ane nghavwala magunila, nghulajila vyono nghalaye, neyigaza ko wuleka kulya ndigwa. Nghawa kulomba akuno ninamizye mutwe wangu.

Isaya 22:12

Nayo Muwaha Mulungu we mihanga, yamucemenyi ho mulile ko wukalale, mucete mitwe yenyu, muvwale magunila.

Yelemiya 33:3

“Wunyheme 'ne, nane nokupitula, nane nokulajila zinghani zimbaha, zono si wuzimanyile yaye.

Ezekiyeli 36:37

U Muwaha Mulungu yakutya nhavi, “Nane nolowaleka Waisilayeli walombe kanyhi wutazi kuli'ne. Nolowaleka wonjelezece mwi'walo lyawo, wawe wenji nhe 'tewa lye zingholo.

Danyeli 6:10

Nayo Danyeli yali yeza kumanya vyono lilajilizo lilyo lyawicilwa ne citanjilo, yakawa kubita ku kaya yakwe. Na mu cinyumba ca kucanyha ku golofa ya mu kaya yakwe, cali cina madilisha gono vyali vidomile na Yelusalemi. Baho, yakafugama ha madilisha ge nyumba yakwe, vyono gali gali mwazi, yakamulomba Mulungu nghanghulo yidatu kwe zuwa, nha vyono yali yazoweye.

Danyeli 9:2

Nene Danyeli, nasomaga mu vitabu i visiwanulwe, akuno nghwihwesa ze myaka makumi mupunghati yono Yelusalemi yolowa yili mu wongomezwe, vyono Muwaha Mulungu yamulonjela muwizi Yelemiya.

Danyeli 9:20

Nane Danyeli, nghajendelela du kulomba, nghunena wubi wangu, hamonga no wubi we wanhu wangu Waisilayeli, no kumulomba u Muwaha Mulungu, u Mulungu wangu yayinozeleze Nyumba yakwe.

Danyeli 9:4

Nghamulomba Muwaha Mulungu, u Mulungu wangu, nghawunena u wubi we wanhu wangu. Nghalomba nghatya, “Gwe go Muwaha Mulungu, yo gwegwe Muwaha, nase cikogopile gwegwe du. Nagwe wibate ne cilagane cako, kanyhi wuli lusungu kuli wono wakwendile, no kwituma zono kulajilizaga.

Yoweli 1:13

Ale, muvwale magunila, mulile, anye nyo wakohani mono mwitumaga ha cikumbicilo! Mubite mu Nyumba yo Mulungu mukalile cilo cose! Hambi nha heza hasina vilavywa vyo wuhemba ne divayi, vyono momulavizya Mulungu wenyu mu Nyumba yakwe.

Yoweli 2:12

Alu Muwaha Mulungu yakutya, “Munene mu zinhumbula zenyu mumhitucile nene, ko wuleka kulya, no wulila muno.

Yona 3:5

Nawo i wanhu wa Ninawi wakehuwila i nghani yo Mulungu. Holeka wakawa kulamula nha vyono wanhu wose walece kulya, ne wanhu wose, ku wulawa wanhu mututu, sunga ne wadodo wose wavwale magunila, ho walajile nha vyono wakondya kunena.

Matayo 17:21

Ne licisi lye liwala lilino, si lyosumika kuwingwa, langa hono si ko wulombe no wuleka kulya.]”

Luka 2:37

Nayo yakekala mufwile sunga mu cipango cico, nayo yali yafika myaka makumi munana na mine ku wulawa u wulelwe wakwe. Na mu cipango cico cose, si yawukaga mu Nyumba yo Mulungu, na mu wuleko kulya, no kumuhemba Mulungu cilo na misi.

Metumo ge Watumwa 10:30

Kolineliyo yakatya, “Alu vyapuluta vilo vidatu vyono mwipango kotya lili, lye saa tisa ne misi, nalombaga mu nyumba yangu, kumbe kwa nhinicizo du, munhu mono yali yavwalile vivwalo vyono vikung'alala, yakema hali nene,