Danyeli 9:26 - Luganuzi Luswanu Kuli Wanhu Wose 2002

²⁶ Na ku ndumilizo ye vilo vivyo, u mulongola muhagulwa wo Mulungu, kolowulagwa mbula soko. Nalyo likaya hamonga ne Nyumba yo Mulungu, vyolokongomezwa ne wasilikale wo mutemi we vilungo. Nayo ndumilizo yolokuza nhe lihwazi. Kanyhi wolokuza wulugu hamonga ne magazo, vyono Mulungu yakondya kuviwikaniza.

Danyeli 9:26 ပူးပေါင်းရင်းမြစ်များ

2 Samwili 21:5

Nawo Wagibeyoni wakatya, “Wumanyile! Sawuli yali yena wuhile yaciwulaje ase wose, yalece kusigala hamba yumonga mumi, mu yisi yose ya Isilayeli.

Zabuli 22:15

Mumelo wangu wanyala nhe lizaye, no lulimilwangu lukwinamatila mu zinzagasa zangu, wandeka fwiye mu manghundi.

Isaya 28:2

Ninga 'gwe, walekaje, hambi Muwaha Mulungu, nha yena yunji mono yuli vilungo, we citung'ati, mono kowahoma. Yuyo, kokuza nho mukukunzo we mvula ye mabwe, nho mukukunzo we malenga menji, nago goyigubika yisi yose.

Isaya 28:22

Holeka mulece kuwubedegala wusugule wangu wono nghumusugulenyi! Na mbeka hono muwubedegale, mumanye nha vyono kowa kukamu muno kuli'nye ku wupone. Hambi 'ne nha nakondya kuzihulika nha vyono Muwaha Mulungu, koyongomeza yisi yose.

Isaya 53:8

Yakebatwa, yakaling'anizwa, yakategulwa yawulagwe, na hali hasina mono yawucelelela wusungu wakwe, mwene yawulagwa so wubi we wanhu wetu.

Isaya 8:7

Holeka nane no Muwaha Mulungu, aluno nomuleka mutemi wa Ashuli yaze hamonga ne wasilikale wakwe wo wulugu, wayihome Yuda. Nawo wohuluma nhe lihwazi lye malenga ge likolongo lya Efulata, nha vyono galapukaga.

Yelemiya 46:7

Hamba nani lo mono kokwinyasula nhe likolongo lya Nile, hamba kotya nhe likolongo lyono lilapuce malenga galyo?

Yelemiya 51:42

Lilenga lifika mu Babiloni, nayo yifunikwa so winji we mawingo gayo.

Danyeli 11:10

“Nawo i wana wo mutemi wa Siliya, wolokonghola yipuga yiwaha muno lye wasilikale, wewikanize so wulugu. Nayo yumonga wa muli wene, kolokwipongholeza nhe lihwazi, yakagakundujize magomawakali ge walugu.

Danyeli 11:17

“Nayo mutemi wa Siliya, kolotyatilila, yetumamile wasilikale wakwe wose. Na kolo yakubita, si kolowongomeza yaye wutemi we walugu wakwe, langa kolonoza mulamu, kanyhi welunze nayo. Nayo mutemi wa Siliya, kolomukombola mwanagwe we cicekulu vitole no mutemi wa Misili. Ninga mahweso gakwe go wihomi, si goloficilicila kanyhi yaye.

Danyeli 11:22

No munhu wo wose mono kolojela kumwimila, hamba yawe mukohani Muwaha wo Mulungu, munhu yuyo kolofwagulwa no kuwusizwa lukulu.

Danyeli 11:36

“Nayo mutemi wa Siliya, kolokwituma nha vyono kolowa yendile mweneco. Kolokwidunhumula, no kwiwona vyono mwene yo yeza muwaha kuciza milungu yose, kanyhi yamucizize sunga no Mulungu Mono Yalawiliciye. Nayo kolosuma kuzinoza zizo, sunga lidaha lifice lyono Mulungu kolomulipiciziza. Nayo Mulungu kolokwituma nha vyono yakondya kuwaga.

Danyeli 9:27

Nayo mutemi yuyo, kolokwilumbaniza ne wanhu, myaka mupunghati. Na kolo vikupuluta nusu ye vilo vivyo, kologawusiza lukulu makumbiko, hamonga ne vilavywa. Ne Nghani yo Wogofye muno, yolowikwa mu cizuli ce Nyumba yo Mulungu, nayo yolokwikala baho, sunga lono kolokuziza mono yayiwika baho, vitang'anile no wongomele wono Mulungu yakondya kumuwajila.”

Hoseya 1:9

Muwaha Mulungu yakamutya Hoseya, “Mucemelaje litagwa lyakwe ‘Loami’ (Nhunizo yayo, ‘Si wanhu wangu.’) Ku soko wanhu wa Isilayeli, si wanhu wangu, nane si nili Mulungu wawo.”

Amosi 8:8

Na ku soko yiyo, holeka yisi yocicima, ne wanhu wose wa mu'si yose, wowa mu wugaye. Ne yisi yose yolosinjisika; yolokwibuka no kung'welela, nhe likolongo lye Nile ku Misili.

Amosi 9:5

Muwaha Mulungu we mihanga kayipamizaga yisi, nayo yinze yiwa kucicima, na wose wono wekaye mumo wolila. Ne yinze yose yolokwibuka no kug'welela kotya nhe likolongo lye Nile ku Misili.

Nahumu 1:8

Langa mwene kawongomezezaga lukulu walugu wakwe, nhe 'hwazi lyono likuhuluma. Nawo wono wakwisumaniza nayo, kawafisaga sunga ko ku wufwe wawo.

Matayo 22:2

“Uwutemi wa ku wulanga wihwanile no mutemi mono yamunozeza u mwanagwe, zindigwa ze halusi.

Matayo 22:7

Nayo u Mutemi yakasimba muno muno, yakawatuma i wasilikale wakwe, ho wabite wakawongomeze i wawulaji wawalya, hamonga no kuliticimiza i likaya lyawo.

Matayo 23:38

Ale, holeka i Nyumba yo Mulungu wako nagwe yokwikala 'tongo.

Matayo 24:2

Yesu nayo yakawatya, “Heya ho baho, mosuma kugawona gaga gose! Ninga mbeka nghumutyenyi, hasina yibwe hamba limonga lyono lilasigala baha, mucanyha ye libwe liyagwe, langa i vinhu vyose vyologwiswa hasi.”

Maluko 13:2

Nayo Yesu yakamutya, “Ma, wukugawona mazengo gaga mawaha? Hasina hamba libwe limonga lyono lyolosigala mucanyha ye libwe liyagwe, hambi gose nha golokumulwa.”

Maluko 13:7

Nanye kolo mukuhulika zo wulugu ne zinganuzi zo wulugu, mulece kogopa. Hambi zinghani zizi nha sizoleka kuza, ninga indumilizo yeneco yikali sinaza.

Maluko 9:12

Nayo yakawatya, “Heya, Eliya kokwamula kuza kuviwikaniza vyose. Ninga hamba nhavivyo, nhawule, lu, yandicigwe mu Mandiko Gono Gelile, vyono, u Mwana wo Munhu kotuga magazo menji no kobedegalwa?

Luka 21:24

Wanji wowulagwa no mumaje, wanji wolosolwa mateka, wategulwe ku nghungugo zose, ne likaya lya Yelusalemi, lyolokanyagwa ne wanhu we makungugo ganji, sunga vipango vyawo vilawa fisilizwa.”

Luka 21:6

“Gaga gose gono mukugawona, vilo vyolokuza, lono si lyololekwa baha libwe limonga mucanyha mwi'bwe liyagwe, lyono si lyologwiswa hasi.”

Luka 24:26

Wulenyi, si yali yimunojeye Kilisito kugazwa nhavivyo, ho yenjile mu nhojo yakwe?”

Luka 24:46

Yakawatya, “Vyo yandikwa, vyono yimunojeye Kilisito yatamiswe, na mwizuwa lye kadatu yimunojeye yazuce muli wafu.

Yohana 14:30

Si nomulonjelenyi muno kanyhi, hambi u muwaha we yinze yiyi nha yakuza, nayo hamba si kosuma cinji kuli'ne.

2 Wakolinto 5:21

Kilisito yali yasina wubi, ninga Mulungu yamunoza yawe wubi ku soko yetu, nase mu wilunza nayo, ho cisume kuhanga u wiling'ano wo Mulungu.

Wagalatiya 3:13

Kilisito yacikomboza mu wulijitwe wo Wulajilize, hambi nha yawusola u wulijitwe wuwo ku soko yetu, vyono i Mandiko gakulonga, “Muli wose mono kotumbikwa mu musalaba, yuyo mulijitwe.”

1 Petelo 2:21

Na zizo zo mwacemelwa, hambi Kilisito mweneco nha yagazwa ku soko yenyu, yakamulecelenyi musambo, ho muyityatye i mikalile yakwe.

1 Petelo 2:24

U mwene yawudinghulila u wubi wetu mu muwili wakwe mu musalaba, ho cisume kufwa ku lubavu lo wubi, no kuwumipila ku wiling'ano. Na muzinghomele zakwe, anye mo mwaponyezwa.

1 Petelo 3:18

Hambi Kilisito mweneco nha yafwa ku soko yo wubi wetu, yafwa kamonga du yikakwila, u munhu we ling'ani ku soko ye wabi, ho yamutegulenyi anye kuli Mulungu. Yawulagwa mu muwili ninga yakanozwa mumi mu Muhe,