Danyeli 9:25 - Luganuzi Luswanu Kuli Wanhu Wose 2002

²⁵ Holeka wuzimanyaje zizi, kanyhi wuzizuce, vyono ku wulawilila mu madaha lono u wulajilize wulalajilizwa, nha vyono Yelusalemi yizengwe kanyhi, sunga mu mapango gono kolokuziza u mulongola muwaha u muhagulwa wo Mulungu, yolowa yakondya kupuluta majuma mupunghati. Na Yelusalemi mu madaha gago, yolowa yakondya kuzengwa wupya, hamonga ne mabalabala gayo, yolowa yakondya kuzenjelwa sunga ne magomawakali gono gali vilungo. Nayo yolokondya kuzengwa mu majuma makumi mutandatu na nyejete. Ninga i vilo vivyo, vyolowa vilo vyo wugaye.

Danyeli 9:25 ပူးပေါင်းရင်းမြစ်များ

2 Samwili 15:25

Mutemi yakamulonjela Zadoki yakatya, “Alu, wusole Lisanduku lye Cilagane wuligomoleze mwi'kaya. Hono Muwaha Mulungu yawe yendezwe nane, ale mwizuwa linji kolongomola kanyhi kono Yelusalemi nize nililanje, hamonga ne hanhu hono liwicigwe.

Ezila 4:24

Mulimo wo kuyizenga Nyumba yo Mulungu wukema, sunga mu mwaka we kejete wo wutemi wo mutemi Daliyo mutemi wa Pelisiya.

Ezila 7:1

Myaka minji yali yeza kupuluta ya mu wuteme wo mutemi wa Alitashasita mutemi wa ku Pelisiya, kukawa na munhu yunji yitagwa lyakwe Ezila. Nayo mutemi yakazityatilila zinghani za Ezila ku wulawilila kuli wakukuze sunga ko kuli Haluni, u mukohani muwaha, nha vyono wityatye wayo wukulolosa. Ezila, yali mulelwe na Selaya mwana wa Azaliya, mwana wa Hilikiya.

Ezila 7:8

Wakatuluka ku wulawilila ku Babiloni, mwi'zuwa lilongozi lya mu mwezi mulongozi.

Nehemiya 3:1

Uwuzenji kanyhi lwe kejete lwe majinji ge likaya, wali wuli nhavi. Umukohani muwaha Eliyashibu, hamonga ne wanduguze wakohani, wakawuzenga mulango muwaha we zingholo, wakaweza. Wakalisimya ne lilango liwaha. Wakageza ne majinji hamonga no munala wayo wa ligana limonga, sunga no munala wa Hananeli.

Nehemiya 4:2

Yakawa kucilonga ha mwande ye wendece wakwe, ne cipuga ce wasilikale we Cisamaliya yakutya, “Alu i wayahudi wawa, wono watimbile nhavivi wakunoza ci? Mwene wakujela kuzenga kanyhi likaya lili? Wakwihwesa so wulavya makumbiko, wowusuma mulimo wuwu mwi'zuwa limonga? Hamba wakwihwesa, vyono wadahile kugahimbula mabwe mu wulawa mumo mu malundo ge malongo, nago ninga ho gakondya kutakamila ho moto?”

Nehemiya 4:8

Hobaho wakekonghola hamonga ho waze kwihoma na Yelusalemi, ho wacipamanjize cilece kujendelela no luzengo.

Nehemiya 6:15

U mulimo wose wuketumwa vilo makumi mahano na vyejete, majinji gose gakawa gakondya. Cikawumala mulimo wuwu, mwi 'zuwa lye makumi mejete ne hano, lya mu mwezi wa Eluli.

Zabuli 71:10

Hambi i walugu wangu nha wakunonganga, nawo wono wakusepasepa, wakwilumbaniza hamonga,

Muganuzi 3:3

cipango co kuwulaga, ne cipango co kuponya, cipango co kumwagula, ne cipango co kuzenga,

Isaya 55:4

Hambi nha namunoza Dawudi yawe mutemi, no mulongola kuli makungugo gose. Kanyhi muli mwene, mo nghalajilila vilungo vyangu kuli makungugo.

Isaya 9:6

Hambi nha calelelwa mwana! Capegwa mwana wa cilume! Nayo yo kowa yo mutemi wetu. Ne litagwa lyakwe kocemwa, “Mwijizi wo Wizine, Mulungu mono yali Vilungo.” “U sogo yetu we Cibitilila, Mutemi wo Mulamu.”

Danyeli 8:11

Hamba nhavivyo, likamwavufya u Muwaha we lipuga lya ku wulanga, likemila sunga ne vilavywa vye makumbiko ge nhondo zose, vyono wamulavizyaga, likayihodanga ne Nyumba yo Mulungu.

Danyeli 8:25

Kanyhi mwene vyono musugu, holeka kolomoteswa na mu zinzila zakwe zose zo wulambi. Kolowa mwidunhumuzi, kanyhi kolowongomeza wanhu wenji wono wali wazoweye kwikala wapolile. Kanyhi kolokwihoma no Mutemi we watemi. Ninga hamba nhavivyo, kolobenanjizwa, na holowa hasina munhu wo kumutaziza.

Danyeli 9:23

Wukumbuciye vyono lono wanziza kumulomba Mulungu, nayo yakakupitula. Mwene yakwendile, holeka niza ho nghulonjele lipitulo lyakwe kuli'gwe. Holeka nghukunena wuhulicizaje muno, lono neza kukuloloseza wugubulilwe wuwo.

Mika 5:1

Anye nyo wanhu wa Yelusalemi, mwikongholaje so wihomi! Hambi nha cakondya kupilimwa! Nawo wamuhoma u mulongola wa Isilayeli!

Mika 5:2

Muwaha Mulungu yakutya, “Agwe Betelehemu Efulata, agwe yo gwegwe wuli cikaya cidodo mu Yuda, ninga nomuhagula yunji ku wulawa muli'gwe mono kowa mutemi wa Isilayeli, mono wulawo wakwe wo we katali na katali.”

Matayo 13:23

Nayo i mbeyu yono yagwila mu muhangha muswanu, yihwanile u munhu mono yakuyihulika inghani yiyo no kuyizuka, no munhu yuyo kalelaga i mikalo, ne mbeyu monga yilavyaga mhece igana limonga, na yinji yikulavya makumi mutandatu, na yinji makumi madatu.”

Matayo 24:15

“Kanyhi moliwona, ‘lyono likucemwa.’ Iwifyo lyo wuhodanje, lililya lyono lyalongwa no muwizi Danyeli, lyolowa limile i hanhu hono helile.” (Ale baho, mono yakusoma, yezuce i nhunizo yayo.)

Maluko 13:14

“Molowona liwifyo lyo wuhodanjice limile hono si hanhu halyo. (Mono yakusoma yezuce nhunizo yayo!) Na baho iwanhu wono wali mu Yudiya, wamanyhile mu matunda.

Yohana 1:41

Andeleya yakamula kumulondola u muwahawe Simoni, yakamutya, “Cimuwona Mesiya” (nhunizo yayo Kilisito.)

Yohana 4:25

Nayo u mucekulu yakamutya, “Manyile vyono Kilisito yakuza, na kolo yakuza mwene, kocilonjela zose.”

Metumo ge Watumwa 3:15

Mukawa muwulaga ayulya mono yo mwamulizo wo wumi. Ninga Mulungu yamuzukula, nase yo sese mono cili wahomelezi we nghani yiyi.

Metumo ge Watumwa 5:31

Yuyo yo Mulungu yamwinula sunga ko ku muwoko wakwe wo kulume, yakawa Mulongola no Muponyi, yawapele wanhu Isilayeli u wunene, ho wanenelwe uwubi wawo.

Metumo ge Watumwa 8:30

Filipo yakamumanyhilila, na baho, yakamuhulika yuyo munhu yakusoma mu citabu co muwizi Isaya, baho Filipo yakamuwuza, “Wule wukwizuka zizo zono wukuzisoma?”

Waefeso 5:16

Mucitumamilaje viswanu i cilejeho cono mwina naco, ku soko alu i vilo avi vyaweza vibi.

Wugubule 1:5

kanyhi na ku wulawa kuli Yesu Kilisito, u muhomelezi mwihuwilwa, u mulongozi kuzukulwa muli wafu, mono yatemile i watemi we yinze. Mwene yacendile, na so isakami yakwe, yakaciwopola kulawa mu wubi wetu,

Wugubule 19:16

Na mu vivwalo vyakwe hamonga na mu mugulu wakwe, yali mwandikwe litagwa lya, “U Mutemi we watemi, no Muwaha we wawaha.”