Danyeli 9:24 - Luganuzi Luswanu Kuli Wanhu Wose 2002

²⁴ “Mu myaka makumi mupunghati kali mupunghati, wo wutali we cipango cono Mulungu yaciwika, co kuwimila wubi, hamonga ne masutya, muli wanhu wako na mwi'kaya lyako lyono lyelile. U wubi wolonenelwa, ne ling'ani ye cibitilila yolotema. Na mwi'pango lilyo, u wugubulilwe hamonga no wuwizi, ho vilawa vya mbeka. Ne Nyumba yo Mulungu nayo, yilasiwanulwa.

Danyeli 9:24 ပူးပေါင်းရင်းမြစ်များ

2 Zinghomo 29:24

Nawo wakohani wakaziwulaga, wakayisola sakami yazo, wakayimiza mu cikumbicilo, yiwe cilavywa co wubi ho wawanozeze Waisilayeli wose mulamu. Hambi mutemi nha yali yalajiliza nha vyono, yinojeye vilavywa vinyanywe, hamonga ne vilavywa so wubi, vilavywe ku so Waisilayeli wose.

Zabuli 2:6

“Namutemya mwitilwa mafuta wangu, yatemile ku Sayuni, litunda lyangu lyono lyelile!”

Zabuli 45:7

Agwe mbeka wendile wiling'ano, ninga si wendile wubi, na ku soko yiyo, holeka Mulungu, u Mulungu wako yakakuhagula, nayo yakakujidila nyemo mbaha muno kuciza wayago.

Isaya 42:4

Nayo hamba si kotukuwika mutima hamba kukatala yaye, langa mwene koleta ling'ani kono'nze. Ne zi'si zose zolindila mejizo gakwe.”

Isaya 51:6

Ale, mugalamile kucanyha muwulanje wulanga, muyilanje kanyhi ne yinze! Mumanye vyono wuwo wulanga wokwajilila nha lyosi yinze nayo, yolosakala nha mwenda muhuma, ne wanhu wayo wolofwa nha mahazi. Ninga wukombozi wono nghuwuleta, awo langa wokwikala cibitilila. No wiling'ano wangu si wolowembulwa yaye.

Isaya 51:8

hambi nha wosakala wose nho mwenda wono wulijigwe ne makuni! Ninga wukombozi wono nghuwuleta, awo langa wokwikala cibitilila. No wiling'ano wangu wokwikala cibitilila.”

Isaya 56:1

Nayo Muwaha Mulungu yakuwalonjela i wanhu wakwe yakutya, “Ale, mwitumaje zo wiling'ano na ze ling'ani, holeka nane nomuponyenyi mbela.

Isaya 61:1

Muwaha Mulungu, kamemya'ne no muhe wakwe. Kasiwanula ho niwaganulile luganuzi luswanu i waciwa, niwaponye wono wadejepe mu nhumbula niwanzize zo wulecelwe wawo awalya i wahamywa, no wulecelwe wa kuli wafungwa mu jela.

I Cililo 4:22

Alu Sayuni yakondya kulipicizwa so wubi wayo. Holeka Muwaha Mulungu, hamba si kucileka cijendelele kuwa mu wuhamywe yaye. Langa agwe Edomu, u Muwaha Mulungu kokulipiciza du, kanyhi kowanzalika no wubi wako.

Ezekiyeli 28:12

“Gwe go munhu, wumulilile ko wusungu u mutemi wa Tulo, so zinghani zono zomwagana. Wumulonjele nha vyono, ane no Muwaha Mulungu nghumutya nhavi, Agwe wali wuli musambo wo mugoloka. Kanyhi wali wumemile mahala, hamonga no wusikame wo wuswanu!

Ezekiyeli 4:5

Hambi nha nakondya kukutemezezya'gwe lizuwa limonga limonga liwe nha wo mwaka monga monga, sunga lono wulipicizwe wawo wulamalicila.

Ezekiyeli 4:6

Nagwe kolo wazikondya zizo, wipitucizaje kanyhi, wugonele ku lubavu lo kulume vilo makumi mane, so wubi wa Yuda. Nayo yowa nhavivilya du, lizuwa limonga limonga, lyowa nha wo mwaka monga monga wo wulipicizwe wawo.

Walawi 25:8

“Nanye muwale myaka mupunghati yiwe kali mupunghati, no wutowelele wayo, yowa myaka makumi mane ne 'cenda.

Walawi 8:15

Musa yakawa kuyisola ng'ombe yiyo, yakawa kuyiwulaga. Yakayisola sakami yayo, yakayibaka mu mahembe ge cikumbicilo gose vyono mane kwe cidole cakwe, yakaceza cikumbicilo. Hanyuma i sakami yono yali yikali yisigaye, yakawa kuyita baho hasi ye cikumbicilo. Na mu nzila yiyi, yakawa yacisiwanula no kuceza cikumbicilo.

Zakaliya 4:14

Hanyuma ho yakanonjela yakatya, wo wanhu i wejete wono Mulungu yawahagula no kuwetila mafuta ho wamwitumamile Muwaha Mulungu we yinze yose.”

Wuwale 14:34

Nanye motuga magayo ku soko yo wubi wenyu, mu myaka makumi mane. Nayo yowa, mwaka monga wukwinjila mwi'zuwa limonga, lya mu vilo vivilya makumi mane vyono mwetumamila, lono mwayitandilila yisi. Nanye ho mosuma kumanya i cambuzi co kunema 'ne!

Matayo 1:21

Nayo kolela mwana we cilume, nagwe komucemela ilitagwa lya Yesu, hambi u mwene nha yo kolowaponya iwanhu wakwe mu wubi wawo.”

Matayo 11:13

Ne mejizo gose ge wawizi no Wulajilize wa Musa, vyose vyawila muli ze madaha gaga.

Matayo 4:5

Hanyuma Setani yakawa kumutegula Yesu sunga ko ku Yelusalemi kwi'kaya lyono lyelile, yakawa kumuwika ku cizuli ce litembe lye Nyumba yo Mulungu,

Maluko 1:24

yakazoza, yakutya, “Alu wina nghanici nase, agwe Yesu wa Nazaleti? Alo kuza ho wucongomeze? Nghumanyile vyono wuli nani, yo gwegwe mono welile wo Mulungu!”

Luka 1:35

Malayika yakapitula yakamutya, “U Muhe mono yelile kokuziza, ne vilungo vyo Mulungu Mono Yalawiliciye vyokusiciliza. Holeka mwana mono kolela, kocemwa Yelile, Mwana wo Mulungu.

Luka 21:22

Hambi ivilo vivyo nha vyo vilo vyo wulipicizwe, ho zose zono zandikwa zifisilizwe.

Yohana 1:41

Andeleya yakamula kumulondola u muwahawe Simoni, yakamutya, “Cimuwona Mesiya” (nhunizo yayo Kilisito.)

Yohana 3:34

Hambi mono yatumwa no Mulungu, nha yo kalongaga zinghani zo Mulungu, hambi u Mulungu nha yakumupela munhu yuyo Muhe wakwe wusina cipimo.

Metumo ge Watumwa 3:14

Yali munhu muswanu na yali yelile. Ninga anye mwamulema, mukasaka munhu yunji mono yali muwulaji yo yawopolelwe.

Metumo ge Watumwa 3:22

Hambi mbeka Musa nha yalonga yakatya, ‘U Muwaha Mulungu, komwinulilenyi muwizi nha nene, mono kolawa muli nyenye mo weneco.’

Metumo ge Watumwa 4:26

Iwatemi we yinze wakewikaniza, Ne wawaha wakekonghola hamonga, Ho wamuleme Muwaha na Kilisito wakwe.’

Walumi 5:10

Hambi ase lono cali cikali cili sili nayo, u Mulungu yakacilamulila mu wufwe wo mwanagwe. Naluno vyono cakondya kwilamula no mwene, yili calinze vyono coponywa so wumi wa Kilisito.

1 Wakolinto 1:30

U Mulungu mweneco du yo yamulunzenyi anye na Kilisito Yesu. U Mulungu yamunoza Kilisito, yo yawe go mahala getu, na mu nzila yakwe du, ase mo cikulamulilwa no Mulungu, cikuwa cili wanhu wo Mulungu mono celile, kanyhi mono cakondya kukombozwa nayo.

Wafilipi 3:9

no kwilunziza nayo lukulu. Alu ane si nghuwusacila lukulu kanyhi u wiling'ano wa mu wuhulika u wulajilize, hambi alu nha nawutuga u wiling'ano wono wukwijelela mu nzila yo kumwihuwila Kilisito, u wiling'ano wono wukulawa kuli Mulungu, wono wukuziza mu wihuwilo.

Wakolosayi 1:20

Holeka u Mulungu yadumula nghani kuyilamula yinze no mweneco. U Mulungu yakanoza mulamu mu nzila ye sakami ya Kilisito mu musalaba, holeka yakawa yakondya kuvilamula vinhu vyose no mwene, ivinhu vya mono'nze na vya ku wulanga.

Wakolosayi 2:14

yakapatila lukulu u lwandiko lono lwacizijilaga lono lwali lucidomile, hamonga no wulajilize wayo, yakaluwusiza lukulu, yakalukomanhila mu musalaba.

Wahebelaniya 10:14

Na ku so cilavywa cakwe cimonga, yawanoza no kuwa wakwilaniciye cibitilila, wawo wono wakwezwa u wubi wawo.

Wahebelaniya 2:17

Holeka yali yimunojeye yehwane wanduguze muli zose, ho yawe Mukohani wawo Muwaha, mono yali lusungu kanyhi mwihuwilwa muli zose zono zibitile kuli Mulungu, ho wubi we wanhu wunenelwe.

Wahebelaniya 7:26

Holeka Yesu yo Mukohani Muwaha mono kocikwila muno muno mu visakwa vyetu. U mwene Yelile, yasina hamba yilema, hamba wubi muli mwene musina, yali musina mwipuga lya wanyo wubi, nayo yenuywe sunga ko ku wulanga.

Wahebelaniya 9:26

hambi nha hono yali yiwe nhavivyo, nha yali yimunojele Kilisito yagazwe kali kenji ku wulawa mu mwamulizo wo wuwumbwe we yinze. Ninga alu vipango avi lono vikusejelela ku mudumo wayo, u mwene yejela kamonga du, ho yawuwuse u wubi mu wilavya mweneco kuwa yikumbiko.

2 Petelo 1:1

Ane yo nene Simoni Petelo, u mwitumami no mutumwa wa Yesu Kilisito. Nghumwandicilenyi nyenye mono so wuswanu wo Mulungu wetu, hamonga no Mukombozi Yesu Kilisito, mwapegwa u wihuwilo wuwulya wo wuguzi wukamu wono capegwa na sese.

1 Yohana 3:8

Ninga mono yakwituma wubi, yuyo yo wa Setani, hambi Setani nha ketumaga zo wubi ku wulawa mwamulizo. Ninga u Mwana wo Mulungu yakaza mononze ho yayihodanje i milimo ya Setani.

Wugubule 14:6

Hanyuma nghamuwona kanyhi malayika yunji yaguluce mu wulanga, yena no Luganuzi Luswanu lwe cibitilila lo Mulungu, ho yaluganule kuli wanhu wose wono wekaye mono'nze, kuli makungugo gose, ne zimbeyu zose, ne wanhu we milonjele yose, na kuli wanhu wose we mawala gose.

Wugubule 3:7

“Kuli malayika we likanisa lya Filadelifiya wandice nhavi, ‘Ayi yo nghani yono yikulawa kuli mwene mono yelile kanyhi we mbeka, mono yena wufunguwo wa Dawudi, mono kawudigulaga, hamba hasina kanyhi munhu mono kosuma kudinda, mono kadindaga, hamba hasina kanyhi munhu mono kosuma kuwudigula.