Danyeli 9:21 - Luganuzi Luswanu Kuli Wanhu Wose 2002

²¹ Na lono nali nghali njendeleye mu wulombe wangu, hodu yu yulya Gabuliyeli mono namuwona mu wugubulilwe wangu wulongozi, yakawa kuza yaguluce, yakatima hono nali nimile. Ne madaha gago, gali go madaha go kulavya vilavywa vye makumbiko ge cinyamihe.

Danyeli 9:21 ပူးပေါင်းရင်းမြစ်များ

1 Watemi 18:29

Nawo wakajendelela du kuzoza no kwinoza kotya wamangha lukwale, sunga mu mapango ge makumbiko ge cinyamihe. Ninga hamba nhavivyo, hasina hamba lipitulo lyolyose lyono walituga, hamba lizi bwete kuhulikwa.

1 Watemi 18:36

Na yikawa mu wulavya likumbiko lye cinyamihe, u muwizi Eliya, yakasejelela ha cikumbicilo yakalomba yakutya, “Gwe go Muwaha Mulungu, go Mulungu wa Abulahamu na Isaka na Yakobo, nghukulomba zuwali, yimanyice nha vyono agwe yo gwegwe go Mulungu wa Isilayeli, na vyono nane nili mwitumami wako. Nane nizinoza zizi zose ku soko ye nghani yako.

Zabuli 103:20

Nanye nyo wamalayika mono muli vilungo, mumukumye Muwaha Mulungu, mukumyenyi anye mono mwibate ze malajilizo gakwe, mono mwibate ne nghani yakwe!

Zabuli 104:4

Kuyinozaga mbeho yiwa yo munhu wo kutuma, u moto nawo hamonga ne malambi gayo, kawa yo mwitumami wako.

Zabuli 141:2

No wulombe wangu wukuficile nha wuvumba, sunga no winule we mawoko gangu, wuweze nhe likumbiko lya mwi'daha lye cinya mihe.

Wutuluce 29:39

Nyana nongozi wuyiwulaje hakali mitondo, na ye kejete nayo wuyiwulaje mwi'pango lye cinyamihe.

Isaya 6:2

Kanyhi hali howali Wamalayika wono wali wemile wamupilime. Ne Wamalayika wawo, wose wali wena mabawa mutandatu-mutandatu. Mabawa mejete wegubikaga wusu, ne mejete wegubikaga i miwili yawo, na ganji mejete go wagulucilaga.

Ezekiyeli 1:11

Ne mabawa gavyo, gali matandakule gepamize, ciwumbwa ne libawa lye ciyagwe cono vihegame naco. Agalya i mabawa ganji mejete mejete, vyali vigubucize miwili yavyo.

Ezekiyeli 1:14

Navyo i viwumbwa vyumi, vyamanghaga ako na ako no kuwuya kotya limuli.

Ezekiyeli 14:14

Hamba i wanhu wawa wadatu nha cinji Noha, Danyeli, na Jobu, wali wawe wakali wekaye baho, u wuswanu wawo si wali wutaze cinji co cose, langa wuswanu wawo wali wuwaponye wumi wawo weneco du. Vyo yakutya u Muwaha Mulungu.

Danyeli 10:10

Ninga hanyuma hadodo, u munhu yuyo yakanyibata no muwoko, yakawa kunyinula, yakawa kusimya fugame, ne miwoko yangu yibate hasi. Ninga mwi'daha lilyo, nali nghali du nghucicima.

Danyeli 10:16

Hanyuma malayika yuyo mono yejelaga yehwanile munhu, yakawugolola muwoko wakwe, yakamhamiza mulomo wangu Nane nghamutya, “Gwe muwaha, wugubulilwe wuwu, wukunyhepula vilungo vyangu, si nghusuma no kwiyimila ho ndece kucicima.

Danyeli 10:18

Hanyuma kanyhi malayika yakanyibata, na hobaho vilungo vyangu vikawa kumbuyila kanyhi.

Danyeli 8:16

Hanyuma kanyhi nghahulika lizi likucema ku nhumbi ye likolongo lya Ulayi, likutya, “Agwe Gabuliyeli, wumulolosezaje yuyo nhunizo ya zono yaziwene.”

Danyeli 8:18

Ninga lono yali yakali kulonga, ane nghagwa hasi nghawa kuzilika. Ninga mwene yakanyibata, yakanyinula, yakasimya nghema ne magulu gangu.

Matayo 27:46

Na mu saa tisa, Yesu yakalila ne lizi yiwaha, yakatya, “Eli, Eli, lamasabakatani?” Inhunizo yayo, wo wutya, “Mulungu wangu, Mulungu wangu, so cici wukundeka?”

Luka 1:19

Malayika yakamupitula yakatya, “Ane nili Gabuliyeli, mono nyimaga hali Mulungu, nane nhumwa ho nongane nagwe, nghuletele Luganuzi lulu Luswanu.

Luka 1:26

Mu mwezi wo mutandatu, malayika Gabuliyeli yatumwa no Mulungu, yabite kwi'tumbi lyono likucemwa Nazaleti ya ku Galilaya.

Metumo ge Watumwa 10:3

Yali nha saa tisa ne misi, yakawona ciwonelela mu wugubulilwe, Malayika wo Mulungu yakwinjila mugati no kumutya, “Kolineliyo.”

Metumo ge Watumwa 10:9

Imitondo yaco, lono wanhu wawalya i wadatu wali wakali mu muhinzo, ninga wali wali behi no kufika ku Yopa, Petelo yakabita kucanyha ku golofa mu saa sita ye misi, kulomba.

Metumo ge Watumwa 12:7

Kumbe, Malayika wo Muwaha yakema nhinicizo hali mwene, no wuzelu wukabulila mu nyumba yiyilya ye jela. Malayika yakamusinhusa Petelo, yakamutya “Winuce mbela.” Ho baho imanyolo gakadumuka mu mawoko gakwe.

Metumo ge Watumwa 3:1

Izuwa linji Petelo na Yohana lono wenjilaga mu Nyumba yo Mulungu saa tisa ye misi, mu cidaha co kulombela.

Wahebelaniya 1:14

I Wamalayika, yo myuhe du yono yikumwitumamila u Mulungu, nayo u Mulungu kawatumaga ho wawataze wawalya wono wowubocela u wukombozwe.

Wahebelaniya 1:7

Na kuli ze wamalayika, u Mulungu yakutya, “U Mulungu yakuwanoza wamalayika wakwe kuwa myuhe, ne wetumami wakwe kuwa lilambi lyo moto.”

Wugubule 9:17

Ale, nhavivyo vyo naziwona zizo zifwalasi, hamonga na wawo wono wali wazipandile zizo zifwalasi. Nawo wali wena ngula mu zimhambaga zawo zono zali ndunghu nha moto, zono zali zina liwala lye bulu nhe libwe lyo wuguzi wukamu, lyono lina liwala lye mavunde, ne liwala lye henjelu, nhe cibiliti. Ne mitwe ye zifwalasi zizo, yali yinha nha mitwe ye zisimba, nawo moto ne lyosi, ne cibiliti, vyalawilaga mu milomo yazo.