Danyeli 9:20 - Luganuzi Luswanu Kuli Wanhu Wose 2002

²⁰ Nane Danyeli, nghajendelela du kulomba, nghunena wubi wangu, hamonga no wubi we wanhu wangu Waisilayeli, no kumulomba u Muwaha Mulungu, u Mulungu wangu yayinozeleze Nyumba yakwe.

Danyeli 9:20 ပူးပေါင်းရင်းမြစ်များ

Ezila 10:1

Baho Ezila, lono yalombaga ha Nyumba yo Mulungu, akuno yakulila no kunena wubi wuwo, yipuga yiwaha lye Waisilayeli, we cilume na we cicekulu, hamonga ne wana wawo wose, wakamuziza Ezila, akuno wakulila muno muno ko wukalale.

Nehemiya 1:6

Holeka wunangaje 'gwe go Muwaha Mulungu. Wuhulicize wulombe wangu, nha vyono nghukulomba misi ne cilo so wetumami wako Waisilayeli. Nghuvumila vyono ase co wanhu wako, Waisilayeli citumile wubi. Walezi wangu na nene no mweneco, cetuma wubi hali 'gwe.

Zabuli 145:18

Muwaha Mulungu yali behi, na wose wono wakumucemeleza, kuli wose wono wakumucemeleza, kwe nhumbula yo winenenyhezi.

Zabuli 32:5

Nghawa kuwuvumila wubi wangu hali'gwe, hamba sinawuhundika wavu wangu. Nghawona viswanu, mvumile wubi wangu hali'gwe go Muwaha Mulungu, nagwe wukawa kunenela wubi wangu wose.

Muganuzi 7:20

Na mbeka, hasina munhu wo wose mono'nze mono yali ling'ani, mono ketumaga ziswanu du nhondo zose, hamba kwituma wubi yaye.

Isaya 56:7

“Anye nanye nomutegulenyi ku Sayuni kwi'tunda lyangu lyono lyelile. Nimusangalazizenyi mu Nyumba yangu yo wuhembelo, mbocele sunga ne makumbiko genyu gono mowa kundavizya mu cikumbicilo cangu. Ne Nyumba yangu, yocemwa Nyumba yo wuhembelo we wanhu wose we makungugo gose.”

Isaya 58:9

Na lono mukulomba, nane nomupitulenyi wulombe wenyu. Na hono munyheme, nane nokwidika. “Na hono mbeka mulecele lukulu kuwewonela wanji, hamonga no wukonyeza wanhu na cidole ko kuwabedegala, no kulecela lukulu makani gose mabi,

Isaya 6:5

Nane hobaho nghawa kutya, “Woyi hee! Nha najilila! Hambi nghani zose zono nongaga mu mulomo wangu, nha ziwezaga 'mbi du, nane cikalane hamonga ne wanhu wono wekalaga wakulonga makani mabi du. Ninga nane luno ho nakondya kumuwona Mutemi, u Muwaha Mulungu we mihanga!”

Isaya 65:24

Nane nowa kuwapitula u wulombe wawo kuli'ne na lono wene wakali si nadumya wulombe wawo.

Danyeli 10:12

Hanyuma malayika yakajendelela kulonga nane, yakatya, “Gwe Danyeli, wulece kogopa. Hambi Mulungu nha yakondya kuwuhulika wulombe wako, ku wulawilila lono wamulombela ha lulongozi, wukenenenyheza, ho wutuje wizuce. Holeka nane niza ho nghuletele lipitulo lyo wulombe wako.

Danyeli 10:2

Na mu mapango gago, ane Danyeli, nali nili mu cililo majuma madatu.

Danyeli 11:45

Kologahoma sunga ne mahema gakwe mawaha muno ge citemi-temi, haciligati ye lilenga ne litunda lyono lizenjigwe Nyumba yo Mulungu. Ninga hamba nhavivyo, vyo kolofwa du, na holowa baho, hasina hamba munhu wo wose mono kolomutaza.”

Danyeli 9:16

Agwe wacidima mu vilo vyono vipulute, holeka cikukunena, wulece kuyikolelwa likuwo Yelusalemi. Hambi nha lye 'kaya lyako, litunda lyako lyono lyelile. Hambi i wanhu wose we ma'si gono gacipilime, nha wakuyihosa Yelusalemi, hamonga ne wanhu wako, ku soko yo wubi wetu, hamonga no wubi we walezi wetu wono wetuma.

Zakaliya 8:3

Alu nowuya 'ne ku Yelusalemi, likaya lyangu lyono lyelile, niwe kwikala mumo. Likaya lyocemwa likaya lye mbeka. Ne litunda lyo Muwaha Mulungu we Mihanga, nalyo lyocemwa litunda lyono lyelile.

Metumo ge Watumwa 4:31

Nawo waza kukondya kulomba, i hanhu baho hono wali wehangulizize, hakasinjisika, nawo wose wakamemywa u Muhe Mono Yelile. Nawo wose wakawa kwanza kuyiganula nghani yo Mulungu wasina woga.

Walumi 3:23

Iwanhu wose wetumile wubi no kucepucilwa no lukumyo lo Mulungu.

Yakobo 3:2

Hambi na sese wose nha cisutyaga kali kenji. Ninga hone munhu sikasutyaga mu wulonje wakwe, munhu yuyo kowa yakwilaniciye, kanyhi kosuma kuwimila muwili wakwe wose.

Wugubule 21:10

Baho, malayika yakanhegulila mu Muhe ko kwitunda liwaha, kanyhi yitali, yakandajila i likaya lyono lyelile, yo Yelusalemi, nalyo likutima kulawa kuli Mulungu ku wulanga,

Wugubule 21:2

Nghaliwona likaya lyono lyelile, nalyo likutima kulawa kuli Mulungu kucanyha, nayo yo Yelusalemi 'mhya. Nalyo lyali iwikanizize lukulu nha bibi halusi muhambwe viswanu, mono yawikanizwe so mulume wakwe.