Danyeli 9:19 - Luganuzi Luswanu Kuli Wanhu Wose 2002

¹⁹ Gwe go Muwaha Mulungu, cikukunena wucihulice. Gwe go Muwaha Mulungu, wucinenele wubi wetu. Gwe go Muwaha Mulungu, wucihulice, kanyhi wucipele zono cikukulomba. Na mu nzila yiyo, wanhu wose ho womanya vyono wuli Mulungu. Holeka wulece kutinya yaye! Hambi likaya lili nha lyako du gwegwe, hamonga ne wanhu wono wali mugati yalyo.”

Danyeli 9:19 ပူးပေါင်းရင်းမြစ်များ

2 Zinghomo 6:21

Wuhulice wulombe wangu, hamonga no wulombe we wanhu wako Waisilayeli, lono nawo wakukulomba akuno walanzizye wusu wawo hanhu baha. Holeka cikukunena, wucihulice, kuko ku wulanga, wucinenele.

2 Zinghomo 6:39

ale, wuhulice wulombe wawo, ku wulawa kuko kono wikaye ku wulanga, wuwawonele lusungu, wuwanenele wanhu wako wubi wawo.

Isaya 43:7

Hambi nha wanhu wangu nene ane nawawumba ho wamhele lukumyo.’ ”

Yelemiya 14:7

Nawo i wanhu wangu, wakundilila wakutya, ‘Hamba wuwe u wubi wetu wukucihomelela, ninga 'gwe go Muwaha Mulungu wucitazaje du, nha vyono gwegwe wehuwiza. Na mbeka, ase cikulecile kali kenji du, na kanyhi cituma wubi hali'gwe.

Yelemiya 14:9

Hamba nhawule winha munhu mono yatinuswe, nhe citung'ati mono si kosuma kuponya? Ninga mbeka, agwe go Muwaha Mulungu wuli hamonga nase! Nase cili wanhu wako du, holeka dedede, wulece kucileka.’ ”

Yelemiya 25:29

Nane nowanza u mulimo wangu wo kongomeza, nowanziza mwi'kaya lyangu no mweneco. Alo wene wakwihwesa nha vyono si wolipicizwa lo? Ng'o yaye, langa wolipicizwa du. Hambi 'ne, nha nowaletela wulugu i wanhu wose wono wali mono'nze. Vyo nghutya ane no Muwaha Mulungu, we Mihanga.

Ezekiyeli 20:14

Ninga kanyhi, hodu ngheyimila. Nane nanoza nhavivyo ku soko ye litagwa lyangu, ho lilece kwavufywa ha meso ga we makungugo, wono wambona vyono nghuwawusa i wanhu wa Isilayeli ku Misili.

Ezekiyeli 20:22

Ninga kanyhi hodu ngheyimila. Nanoza nhavivyo, ku soko ye litagwa lyangu, ho lilece kwavufywa ha meso ga we makungugo, wono wawona vyono nghuwawusa i wanhu wa Isilayeli mu yisi ya Misili.

Ezekiyeli 20:9

Ninga kanyhi hodu nghawa kwiyimila. Ninga zizo, netuma ku soko ye litagwa lyangu, ho lilece kwavufywa ha meso ga we makungugo wono wali wekaye hamonga nawo, wono ha meso gawo, nemanyiza kuli Isilayeli nha vyono nowawusa mu yisi ya Misili.

Ezekiyeli 36:22

“Holeka alu, wuwalonjele wawo Waisilayeli, zono ane no Muwaha Mulungu nghuwalonjela nghutya nhavi, Alu zono nozituma, si nozituma ku soko yenyu anye nyo Waisilayeli, aa ng'o! Langa nozituma ku soko ye litagwa lyangu lyono lyelile, lyono anye mwakondya kulikoza cevu hanhu hose hono mukubita.

Ezekiyeli 39:25

U Muwaha Mulungu yakatya, “Ninga aluno hodu, nowawonela lusungu i wana wa Yakobo, i wanhu wa Isilayeli, niwamotye kanyhi. Hambi nha nghuliwonela wivu i litagwa lyangu lyono lyelile.

Danyeli 9:18

Holeka nghukunena wucihulicize 'gwe go Mulungu, wucilanje, wuwuwone no wugaye wetu vyono cikugaya, ne magazo ge likaya lyono walicemela litagwa lyako. Nase cikukulomba, hambi nha cimanyile vyono agwe wuli lusungu, si cikukulomba vyono ase cituma ze ling'ani yaye.

Amosi 7:2

Mu wulajilwe wuwo, nghawona nzije zikulya vinhu vyose vyono videdewaye mu'si. Nane hanyuma nghatya, “Gwe Muwaha Mulungu nghukunena, uwanenelaje wanhu wako! Alu wanhu wako ho wowumipa vye wule? Hambi nha wacefu, kanyhi wasoceye!”

Wuwale 14:19

Holeka alu 'gwe go Muwaha Mulungu, ku so wuwaha wako, no lusungu lwako, lono silupitukaga, nghukulomba wuwanenelaje wanhu wawa wubi wuwu, nha vyono kuwanenelaga du, ku wulawa lono wawuka ku yisi ya Misili.”

Wuwale 6:27

Nayo Muwaha Mulungu yakatya, “Hono waliwice litagwa lyangu kuli Waisilayeli. Ale nane nowalugutiza.”

Luka 11:8

I mbeka, si kokwinuka yamupele vyono mwendece wakwe, langa ku soko yo wulombelombe wono si wukuduma wo munhu yuyo, kokwinuka yamupele vyono yakusaka.

Metumo ge Watumwa 15:17

Wanhu wono wasigaye, wolonyiziza, Ne wanhu wose wono si Wayahudi wono nawacemela litagwa lyangu, womulondola Muwaha.

Waefeso 1:12

Holeka ase mono calongola kumwitumbila Kilisito, yicinojeye cilukumyaje u lukumyo lo Mulungu!

Waefeso 1:6

Ninga cimukumyaje u Mulungu ku soko ye lihewa lyakwe lyo lukumyo muli Mwanagwe mwendece.

Waefeso 3:10

alu i wawaha ne vilungo vya ku wulanga ho vimanyizizwe mu nzila ye Likanisa, ho wasume kugamanya i mahala go Mulungu gono gena mihilimo minji.