Danyeli 9:18 - Luganuzi Luswanu Kuli Wanhu Wose 2002

¹⁸ Holeka nghukunena wucihulicize 'gwe go Mulungu, wucilanje, wuwuwone no wugaye wetu vyono cikugaya, ne magazo ge likaya lyono walicemela litagwa lyako. Nase cikukulomba, hambi nha cimanyile vyono agwe wuli lusungu, si cikukulomba vyono ase cituma ze ling'ani yaye.

Danyeli 9:18 ပူးပေါင်းရင်းမြစ်များ

1 Watemi 8:29

Weze kuyilanga Nyumba yiyi misi ne cilo, i hanhu baha hono gwegwe wahahagula, ho wuwe kuhembelwa. Alu, wuhulicize 'ne, lono cidomile ne Nyumba yako yiyi nghukulomba.

2 Watemi 19:16

Alu 'gwe go Muwaha Mulungu, nghukunena wuzilanje zizi zono zeza kucijelela. Kanyhi wuzihulice na zose ze maligo zono Senakelibu yakuzilonga, na vyono yakukutovula agwe go Mulungu mumi.

Zabuli 116:1

Ane nimwendile Muwaha Mulungu, hambi nha kahulikaga, hambi nha kahuliciza cililo co wulombe wangu.

Zabuli 25:6

Gwe go Muwaha Mulungu, wukumbucile zo wuwaha wo wuswanu wako, wulukumbucilaje no lusungu lwako, hambi nha vikalaga cibitilila na cibitilila.

Wutuluce 3:7

Nayo Muwaha Mulungu yakawa kumutya, “Gwe Musa, ane nakondya kuwuwona wugaye we wanhu wangu wa ku Misili, nicihulika ne cililo cawo, vyono wakusaka waponywe ku wulawa mu miwoko ye wemilizi wawo, wono wakuwetumya ciwanda wanda. Nane nizimanyile zose zo wugazwe wawo.

Isaya 37:17

Alu 'gwe go Muwaha Mulungu wucihulice, kanyhi wuzilangaje zono zeza kucijelela. Kanyhi wuzihulikaje zinghani zose zono Senakelibu yakukulonga agwe no kukutovula go Mulungu mumi.

Isaya 43:7

Hambi nha wanhu wangu nene ane nawawumba ho wamhele lukumyo.’ ”

Isaya 64:12

Alu na muli zizi zose, agwe ho kojendelela kwiyimila du? Alu mwene, ho sikocitaza ng'o, ho kocileka cijendelele kutamiswa mu nghango yono hamba si cosuma kuyikangalila?

Isaya 64:6

Nase wose cili wanyo wubi, sunga ne metumo getu gono gakwijela nha maswanu, gose gatipiye du. Na ku soko yo wubi wetu, ceza cihwanile nhe mahamha gono ganyalile gakuputwa no kupemheluswa ne mbeho.

Yelemiya 14:7

Nawo i wanhu wangu, wakundilila wakutya, ‘Hamba wuwe u wubi wetu wukucihomelela, ninga 'gwe go Muwaha Mulungu wucitazaje du, nha vyono gwegwe wehuwiza. Na mbeka, ase cikulecile kali kenji du, na kanyhi cituma wubi hali'gwe.

Yelemiya 14:9

Hamba nhawule winha munhu mono yatinuswe, nhe citung'ati mono si kosuma kuponya? Ninga mbeka, agwe go Muwaha Mulungu wuli hamonga nase! Nase cili wanhu wako du, holeka dedede, wulece kucileka.’ ”

Yelemiya 15:16

Agwe wanonjela zinghani zako, nane nghazihuliciza muno. Ane nili wako, agwe go Muwaha Mulungu, we mihanga vyose. Holeka ne zinghani zako zimemile mu nhumbula yangu na nyemo hamonga no wusangalale.

Yelemiya 25:29

Nane nowanza u mulimo wangu wo kongomeza, nowanziza mwi'kaya lyangu no mweneco. Alo wene wakwihwesa nha vyono si wolipicizwa lo? Ng'o yaye, langa wolipicizwa du. Hambi 'ne, nha nowaletela wulugu i wanhu wose wono wali mono'nze. Vyo nghutya ane no Muwaha Mulungu, we Mihanga.

Yelemiya 36:7

Na lunji wosuma kumulomba Muwaha Mulungu, no kupituka no kuzileka zinzila zawo i zimbi. Hambi u Muwaha Mulungu nha kakondya kuwogofya muno i wanhu wawa, kwe likuwo lyakwe liwaha, hamonga no wukali wakwe.”

Yelemiya 37:20

Nalu wuhulicize 'gwe go mutemi. Ane nghukunena, wulece kungomoleza kanyhi ku jela, ku kaya ya Yonazani. Hambi hono wungomoleze kuko, ane mbeka nofwila kuko.”

Ezekiyeli 36:22

“Holeka alu, wuwalonjele wawo Waisilayeli, zono ane no Muwaha Mulungu nghuwalonjela nghutya nhavi, Alu zono nozituma, si nozituma ku soko yenyu anye nyo Waisilayeli, aa ng'o! Langa nozituma ku soko ye litagwa lyangu lyono lyelile, lyono anye mwakondya kulikoza cevu hanhu hose hono mukubita.

Ezekiyeli 36:32

Ho yimanyice kuli'nye, anye nyo Waisilayeli, nha vyono ane si nghwituma zizi ku soko yenyu nyenye, aa, ng'o! Langa nghwituma nghani zizi, anye ho mukolwe soni no kuwona cevu ku soko ye makani mabi gono mwali kwituma. Vyo nghutya ane no Muwaha Mulungu.”

Danyeli 9:7

Gwe go Muwaha Mulungu, agwe yo gwegwe mono kwitumaga nhondo zose ze ling'ani. Ninga ase yo ciyiletelaga cevu nhondo zose sese co weneco du. Na yiyi yo nghani ya mbeka kuli sese wose mono cikaye mu Yuda na mu Yelusalemi, sunga na kuli Waisilayeli wose, wono waweyagaziza mu ma'si ge behi na go kutali, vyono wali si wehuwilwa kuli'gwe.

Wuwale 6:27

Nayo Muwaha Mulungu yakatya, “Hono waliwice litagwa lyangu kuli Waisilayeli. Ale nane nowalugutiza.”

1 Wakolinto 1:2

nase, cikumwandicilenyi anye mono muli likanisa lyo Mulungu lyono lili kuko ku Kolinto. Anye mono mwakondya kwezezwa mu wilunza na Kilisito Yesu, kanyhi mukacemwa ho muwe wanhu wo Mulungu, hamonga ne wanhu wose, hanhu ho hose, wono wakumulomba u Muwaha wetu Yesu Kilisito, u Muwaha wawo, sunga na sese nhavivyo.