Danyeli 9:17 - Luganuzi Luswanu Kuli Wanhu Wose 2002

¹⁷ Holeka 'gwe go Mulungu wetu, nghukunena wuhulice wulombe wangu, hamonga no wunene wangu. Nghukunena wuyinozeleze Nyumba yako, yono yali yakondya kuhodangwa. Wuyinozeleze, ne wanhu wose ho wamanye vyono agwe yo gwegwe go Mulungu.

Danyeli 9:17 ပူးပေါင်းရင်းမြစ်များ

1 Watemi 8:28

Gwe go Muwaha Mulungu, u Mulungu wangu, ane nili mwitumami wako. Holeka wuhulice wulombe wangu, wumhele ne visakwa vyangu vyono nghukulomba izuwali.

Nehemiya 1:6

Holeka wunangaje 'gwe go Muwaha Mulungu. Wuhulicize wulombe wangu, nha vyono nghukulomba misi ne cilo so wetumami wako Waisilayeli. Nghuvumila vyono ase co wanhu wako, Waisilayeli citumile wubi. Walezi wangu na nene no mweneco, cetuma wubi hali 'gwe.

Zabuli 119:135

Wumulicile zo wuwe wako, wunyijize zo wutonji wako.

Zabuli 4:6

Kowali wenji wono walombaga wakutya, “Gwe go Muwaha Mulungu, wucimotyaje muno muno! Kanyhi wucilanje ko lusungu!”

Zabuli 67:1

Wuciwonele lusungu go Mulungu, wucilugute, wucilanje ko wuswanu.

Zabuli 67:2

I yinze yose ho yimanye wutonji wako, ne makungugo gose ho gamanye vilungo vye mhonelo yako.

Zabuli 74:3

Ale winuce wukole mucanyha, ye matongo gagano ge vilo vyose. Nawo walugu wakondya kuhodanga vinhu vyose, vya mu Nyumba yo Mulungu.

Zabuli 80:1

Wucihulicize 'gwe go mudimi wa Isilayeli, mono kuwatongaga wana wa Yusufu, nhe zingholo. Agwe mono wikaye mwi'goda lyako lyo wuwaha, mucanyha ye makelubi,

Zabuli 80:19

Gwe go Muwaha Mulungu, u Mulungu we mihanga, wucigomole, wucilanje ko lusungu lwako, nase coponywa.

Zabuli 80:3

Gwe go Mulungu, cikukunena wucilanje ko wuswanu wako, nase coponywa.

Zabuli 80:4

Gwe go Muwaha Mulungu, go Mulungu we mihanga, alo kojendelela sunga nili kuwusimbila, wulombe we wanhu wako?

Zabuli 80:7

Gwe go Mulungu we mihanga, wucilanje ko lusungu lwako, nase coponywa.

Isaya 48:11

Na zose zono nitumile, nizitumila mu wuhile wangu, Hamba si nolecela lukulu litagwa lyangu litovulwe hamba kuleka yunji yahanje nane lukumyo, hambi lukumyo lulo, nha lwangu du nene nili wene.”

I Cililo 3:56

Nane nali neza kukulomba wuhulice cililo cangu, nagwe wukahulika.

I Cililo 5:18

Hambi litunda lye Sayuni nha lyalekwa lyekala lili wene, ne macewe gakupilima-pilima mu matongo galyo.

Danyeli 9:19

Gwe go Muwaha Mulungu, cikukunena wucihulice. Gwe go Muwaha Mulungu, wucinenele wubi wetu. Gwe go Muwaha Mulungu, wucihulice, kanyhi wucipele zono cikukulomba. Na mu nzila yiyo, wanhu wose ho womanya vyono wuli Mulungu. Holeka wulece kutinya yaye! Hambi likaya lili nha lyako du gwegwe, hamonga ne wanhu wono wali mugati yalyo.”

Yohana 16:24

Sunga na lulu, mukali si nalombela cinji mwi'tagwa lyangu. Lombenyi, nanye mopegwa, nyemo yenyu ho yikwilanicile.

2 Wakolinto 1:20

Ku soko vyono muli mwene u wihuwizo wose wo Mulungu waweza “Heya.” Holeka ku soko yiyo, i “Heya” yetu yikuwa kulongwa mu nzila ya Kilisito, ku soko yo kumukumyo Mulungu.

Wugubule 21:23

Ne likaya lilyo si likusaka izuwa, hamba mwezi, vilimulicile, hambi u lukumyo lo Mulungu nha lolukuwa kulimulicila, ne zitala zalyo, yo yuyo u Mwana we ngholo.