Danyeli 9:16 - Luganuzi Luswanu Kuli Wanhu Wose 2002

¹⁶ Agwe wacidima mu vilo vyono vipulute, holeka cikukunena, wulece kuyikolelwa likuwo Yelusalemi. Hambi nha lye 'kaya lyako, litunda lyako lyono lyelile. Hambi i wanhu wose we ma'si gono gacipilime, nha wakuyihosa Yelusalemi, hamonga ne wanhu wako, ku soko yo wubi wetu, hamonga no wubi we walezi wetu wono wetuma.

Danyeli 9:16 ပူးပေါင်းရင်းမြစ်များ

Nehemiya 9:8

Wukamuwona vyono mwihuwilwa kuli'gwe, wukawika cilagane nayo, wukamwilahiza vyono kowapela wo lulelo lwakwe yisi ya Kanani. Ne yisi ye Wahiti, ne Waamoli. Ne yisi ye Wapelizi, Wayebusi, ne Wagiligashi. Ho yiwe yisi yono zindelo zakwe zowa kwikala. Wakamisa wihuwizo wako. Vyono agwe wuli mwihuwilwa.

Zabuli 143:1

Gwe go Muwaha Mulungu, wuhulice wulombe wangu! Ku soko ye ling'ani yako, holeka wuhulice wulombe wangu! Kanyhi wumhitule ku soko yo wihuwilwa wako.

Zabuli 31:1

Nghutiziza kuli'gwe go Muwaha Mulungu, so wutazi wako, ho ndece kukozwa cevu, wumhonye ko wiling'ano wako.

Zabuli 41:13

Yalumbwe Muwaha Mulungu, u Mulungu we Waisilayeli wulawa cibitilila ne cibitilila! Heya! Heya!

Zabuli 71:2

Wunimule, wumhonye, ku soko yo wiling'ano wako, wuteje likutu lyako!

Zabuli 79:4

Caweza wanhu mono cikutovulwa ne wekalani wayetu, ne wekalani wayetu weza kucisekanga no kucizwajiza.

Zabuli 85:4

Wucigomole, 'gwe go Mulungu, go Mukombozi wetu, wulece kuciwonela likuwo kanyhi.

Zabuli 89:51

Gwe go Muwaha Mulungu, walugu wako wakumusekanga mutemi wako, muhagulwa wako. Wakumuliganga ko kose kono yakubita.

Wutuluce 20:5

Wulece kuvihemba hamba kuvitumamila, hambi ane no Muwaha Mulungu, u Mulungu wako, nha nili Mulungu wo wivu, Nane nghuwalipiciza wana wubi we walezi wawo, sunga ku lulelo lwe kadatu na lwe kane lwa wono wasulile.”

Isaya 5:25

Alu u Muwaha Mulungu, yakondya kuwakolelwa likuwo wanhu, wakwe, nalu yagoloye muwoko wakwe ho yawalipicize. Matunda golosinjisika, ne miwili ya wono wafwiye, yololekwa yipinile mu zinzila nha takataka. Ninga hamba nhavivyo, i likuwo lyo Muwaha Mulungu, hamba si lyolomalika yaye, u muwoko wakwe vyo wowa wugoloywe du, ho yajendelele kulavya wulipicizwe.

Yelemiya 24:9

Nane noloweyagaziza mu zinghugugo zose za kono'nze, ho watuje wongomezwe wubi. Ne wanhu wose wolowezwajiza no kuwahosa hamonga no kuwasekanga, no kuwalijita, ho hose hono noloweyagaziza.

Yelemiya 29:18

Nane nomutyatililenyi no wulugu, ne nzala, hamonga ne matamwa. Ne makungugo gose ga mono'nze, golokwinjilwa no wizine wuwaha muno. Ne hanhu hose hono nowa niweyagazize, i wanhu wa mumo wolotinuswa no kogofywa muno muno ku soko ya zizo zono zolomwijelelenyi Ne wanhu wose wolomusekanjenyi, no kulitumamila litagwa lyenyu nha cinhu cilijitwe.

Yelemiya 32:31

Ne wanhu we likaya lili, wekalaga wakunghoza likuwo ku wulawilila mwizuwa lyono lyazenjelwa. Holeka nane, nakondya kulamula nha vyono ciba nilyongomeze,

Yelemiya 32:32

ku soko ye metumo mabi gose gono wetumaga i wanhu wa Isilayeli na Yuda, hamonga ne watemi wawo, ne walongola wawo, ne wakohani wawo, hamonga ne wawizi wawo.

Ezekiyeli 22:4

Hambi nha wuli musutyi ku soko yo wuwulaji wako, hamonga no wiyavufya wuli wene so vihwani vyono wavinoza, na ku soko yiyo, lizuwa lyako lyasejelela, ne lipango lyako lyafika! Na yiyi yo soko yono nghawaleka we makungugo ganji wakusimanje, ne we ma'si ganji nawo, wakusekanje.

Ezekiyeli 5:14

No munhu wo wose wa mu nghungugo zose wono wamupilimenyi, mono kowa kukola baho, kolowa musecenyi.

Danyeli 11:45

Kologahoma sunga ne mahema gakwe mawaha muno ge citemi-temi, haciligati ye lilenga ne litunda lyono lizenjigwe Nyumba yo Mulungu. Ninga hamba nhavivyo, vyo kolofwa du, na holowa baho, hasina hamba munhu wo wose mono kolomutaza.”

Danyeli 9:20

Nane Danyeli, nghajendelela du kulomba, nghunena wubi wangu, hamonga no wubi we wanhu wangu Waisilayeli, no kumulomba u Muwaha Mulungu, u Mulungu wangu yayinozeleze Nyumba yakwe.

Yoweli 3:17

“Nagwe go Isilayeli baho ho kolomanyila vyono ane yo nene Muwaha Mulungu wako. Nikaye mu Sayuni mwi'tunda lyangu lyono lyelile. Nayo Yelusalemi yowa likaya lyangu lyono lyelile, hamba wajenzi si wolisuma yaye.

Zakaliya 8:3

Alu nowuya 'ne ku Yelusalemi, likaya lyangu lyono lyelile, niwe kwikala mumo. Likaya lyocemwa likaya lye mbeka. Ne litunda lyo Muwaha Mulungu we Mihanga, nalyo lyocemwa litunda lyono lyelile.

2 Watesalonike 1:6

No Mulungu kokwituma ling'ani; kowalipa u wugaye, wawo wono wukumugazenyi anye,

1 Yohana 1:9

Langa hono ciwuvumile u wubi wetu, u mwene u Mulungu yo mwihuwilwa, kanyhi yali ling'ani, nayo kocinenela u wubi wetu wose, no kucikwema ne masutya getu gose.

1 Samwili 2:7

Kawanozaga wanhu wanji wawa waciwa, na wanji wawa wagoli wanji kawanyetyaga, na wanji kawakumyaga.