Danyeli 9:14 - Luganuzi Luswanu Kuli Wanhu Wose 2002

¹⁴ Gwe go Muwaha Mulungu, go Mulungu wetu, wali wiwikanize wucilipicize, na vyo wanoza. Hambi 'gwe nha kwitumaga ze ling'ani nhondo zose. Ninga ase hamba kukuhulika yaye.

Danyeli 9:14 ပူးပေါင်းရင်းမြစ်များ

2 Zinghomo 12:6

Nayo mutemi Lehobowamu, hamonga ne walongola wose, wakavumila nha vyono mbeka wetuma wubi. Wakawa kutya “Mbeka zono Muwaha Mulungu yakwituma, zo ze ling'ani.”

Ezila 9:15

Ninga agwe go Muwaha Mulungu wa Isilayeli, agwe yo wuli we ling'ani, hambi nha kucileka cikale cili womi. Holeka nase cikunena wubi wetu ne masutya getu hali'gwe, hamba si cinojeye kuza na ha mwande yako.”

Nehemiya 9:33

Wetuma viswanu kucilipiciza, kanyhi wuketuma ze ling'ani, hambe nha cakunozeza wubi.

Zabuli 111:7

Metumo gakwe ga ling'ani, kanyhi ga mbeka. Ne mejizo gakwe gose nha mehuwilwa nhondo zose.

Zabuli 116:5

Muwaha Mulungu yo munghala wuswanu wose, no wihuwilwa, Mulungu wetu, yo Mulungu wo lusungu.

Zabuli 119:137

Gwe Muwaha Mulungu, wuli mwihuwilwa, ne zining'aniza zako zo ze mbeka.

Zabuli 51:14

Gwe go Mulungu, u Mulungu we mhonelo yangu, wumhonye ne lifwa lyono nojeye nifwe. Nane nokwanza ko lwimbo, vyono agwe kwitumaga ling'ani.

Wutuluce 9:27

Mutemi Falawo yakatuma munhu yakawacema Musa na Haluni, yakawatya, “Aluno ane nakondya kwituma wubi, u Muwaha Mulungu yo we ling'ani yali wene, ninga ane ne wanhu wangu, wose cili wabi.

Yelemiya 12:1

Gwe go Muwaha Mulungu, hamba ciwangane nagwe muli zangu, agwe ninga vyo kojendelela kuwa mu mbeka du. Holeka nane luno, nosuma kukuwuza zinghani zono zinojeye wiling'ano, nha vyono nhavi, Alu mwene, nhawule i wanhu wabi nawo wamoteswe muno? Hamba nhawule i wanhu wono si wehuwilwa nawo wekaye wacehile?

Yelemiya 31:28

Kanyhi yolowa nha vyono, mu nghango yono nali nanjiliye muno wene ho wakulwe, wagwiswe, wapondangwe, wongomezwe, hamonga no kutendelwa vibi, ale, yo nghango yiyo kanyhi, nolanjilila muno sunga wahadikwe, wazengwe.

Yelemiya 4:17

Woloyipilima Yelusalemi nha wanhu wono wawulindilize mugunda, hambi i wanhu wayo, nha wakondya kumbedegala ane no Muwaha Mulungu. Vyo yakutya u Muwaha Mulungu.

Yelemiya 44:27

Nane nolanjilila ta, hono motuga wumoteswe. Ninga hamba si momoteswa ng'o, langa mokongomezwa wose du. Wose molofwa du, wanji wolofwa ko wulugu, na wanji wolofwa so nzala, hasina hamba monga wa muli'nye, mono kolosigala yaye.

I Cililo 1:5

Ne walugu wa Yelusalemi wakondya kuyisuma no kuyibata mu vilungo vyawo. Nayo Muwaha Mulungu yayileka yinjile mu magazo, ku soko yo wubi wayo winji. Ne wanagwe nawo, wakondya kusolwa no kutegulwa kutali.

Ezekiyeli 16:43

Ane nghuwona, 'mba, wasemwa zono nakutendela ha wudodo wako, holeka alu weza kwituma zinghani, zono zikunghoza'ne likuwo. Na yiyi yo yikaleka wutuje wulipicizwe ku soko ya zizo. Alu nhawule 'gwe, wukawa wukwihanza-hanza mu wusenyha wako, ne vinhu vye liwifyo?” Azi zo yakutya u Muwaha Mulungu.

Danyeli 4:34

Mutemi yakatya, “Na lono myaka mupunghati yali yakondya kupuluta, nghenula meso gangu kucanyha, ne mahala gangu gakambuyila kanyhi, nghamulumba Mulungu Mono Yalawiliciye, nghamupela lilumbo no lukumyo mwene mono kekalaga cibitilila. “Mwene kolotema cibitilila. No wutemi wakwe hamba siwuladuma yaye.

Danyeli 9:7

Gwe go Muwaha Mulungu, agwe yo gwegwe mono kwitumaga nhondo zose ze ling'ani. Ninga ase yo ciyiletelaga cevu nhondo zose sese co weneco du. Na yiyi yo nghani ya mbeka kuli sese wose mono cikaye mu Yuda na mu Yelusalemi, sunga na kuli Waisilayeli wose, wono waweyagaziza mu ma'si ge behi na go kutali, vyono wali si wehuwilwa kuli'gwe.