Danyeli 9:13 - Luganuzi Luswanu Kuli Wanhu Wose 2002

¹³ Wukucilipiciza ko wulipicizwe wose, wono wukulongwa mu Wulajilize wa Musa. Ninga hamba nhavivyo, 'gwe go Muwaha Mulungu, go Mulungu wetu, nase cikali napituka, ciwulece wubi wetu hamba kuyityatya i mbeka yako, ho cikwendeze gwegwe.

Danyeli 9:13 ပူးပေါင်းရင်းမြစ်များ

2 Watemi 22:16

zono Muwaha Mulungu yakutya, “Ane no Muwaha Mulungu, noyilipiciza Yelusalemi, hamonga ne wanhu wayo wose, nha vyono zandicigwe mu citabu, nha vyono mutemi yazisomile.

Jobu 36:13

“Na wose wono wamusina Mulungu mu mikalile yawo, wekalaga wena makuwo. Hamba watuje wulipicizwe, wene si walombaga wutazi yaye.

Zabuli 119:18

Wunuguze meso gangu, ho niziwone zo wizine wa mu wulajilize wako.

Zabuli 119:27

Wunyijize nzila yo wibate we malajilizo gako, nane nozihwesa ze metumo gako go wizine.

Zabuli 119:73

Gwegwe go mweneco yo wamumba kwe miwoko yako, ale, wumhele mahala, niyijize ze malajilizo gako.

Zabuli 85:4

Wucigomole, 'gwe go Mulungu, go Mukombozi wetu, wulece kuciwonela likuwo kanyhi.

Isaya 31:1

Woyi hee, kuli wose wono wabitaga kulondola wutazi ku Misili. Hambi nha wetumbiye vilungo vyo winji we wasilikale wa Misili, nha cinji, zifwalasi ne matuka go wulugu, hamonga ne wasilikale. Ninga hamba si wamwitumbiye Muwaha Mulungu, u Mulungu mono yelile wa Isilayeli, hamba si wakumulomba yawapele wutazi.

Isaya 42:9

Ne zinghani zono nazilonga katali, alu mbeka zakondya kwijela. Ninga aluno nomulonjelenyi ze nghani mhya, hamba ziwe zikali si nanza kwijela.”

Isaya 43:22

U Muwaha Mulungu yakutya nhavi, “Ninga anye nyo nghungugo ya mwali Isilayeli mwakondya kunghatala, kanyhi hamba si mwendaga no kuhemba nene.

Isaya 64:6

Nase wose cili wanyo wubi, sunga ne metumo getu gono gakwijela nha maswanu, gose gatipiye du. Na ku soko yo wubi wetu, ceza cihwanile nhe mahamha gono ganyalile gakuputwa no kupemheluswa ne mbeho.

Isaya 64:7

Heza hasina hamba yumonga mono yakukulomba, hamba mono yakulondola wutazi kuli'gwe. Hambi nha wihundice hali'se, kanyhi wakondya kucileka ku soko yo wubi wetu.

Isaya 9:13

Nawo wanhu wa Isilayeli, wakali du sinanena, hamba yiwe Muwaha Mulungu we mihanga yakondya kuwalipiciza, ninga hamba si wakumuwuyila ng'o.

Yelemiya 2:30

Nghamulipicizenyi, ninga wulipicize wangu wono nghamulipicizenyi, hamba si wakwila cinji yaye, nanye hamba si mwenda ho nimugomolenyi. Mukawawulaga i wawizi wenyu, mukehwana nhe simba yono yisagahaye muno.

Yelemiya 30:14

Ne wendece wenyu wose, wakondya kumusemwenyi, hamba si womululenyi kanyhi yaye. Nane nghamuhomenyi nha muli walugu, no wulipicizwe wukawa wukali muno, ku soko yo wubi wenyu vyono winji muno, hambi i metumo genyu mabi, nha gali gonjelezeka muno.

Yelemiya 31:18

“Kanyhi hulika i wanhu wa Isilayeli wakulonga ko wusungu wuwaha wakutya, ‘Gwe go Muwaha Mulungu, ase, cali cihwanile nhe ndama, yono si mbope no lufungo, ninga wacifunda ciwe ne cihuliko. Holeka luno, wucigomole kuli'gwe, nase nha ciwikanize cikuwuyile gwegwe du, go Muwaha Mulungu, go Mulungu wetu.

Yelemiya 44:23

Holeka sunga ne magazo gaga, gamuzizenyi, ku soko ye vilavywa vye makumbiko genyu, gono mwali kuyilavizya milungu yinji, no kumusutizya u Muwaha Mulungu, na kanyhi vyono si mukusaka kugatyatya ne malajilizo gakwe.”

Yelemiya 44:27

Nane nolanjilila ta, hono motuga wumoteswe. Ninga hamba si momoteswa ng'o, langa mokongomezwa wose du. Wose molofwa du, wanji wolofwa ko wulugu, na wanji wolofwa so nzala, hasina hamba monga wa muli'nye, mono kolosigala yaye.

Yelemiya 5:3

Mwene u Muwaha Mulungu kalangaga wihuwilwa, hambi nha yamutowenyi, nanye hamba kuhulika ng'o, yakamukunhulanjenyi, ninga anye mukalema ku wiyijize. Hambi nha mwali musina cihuliko, hamba si mwasaka kuwuleka wubi wenyu.

I Cililo 5:21

Cikukulomba wucigomole kuli'gwe, 'gwe go Muwaha Mulungu, cikunena wucigomole! Wucigomolele kanyhi lukumyo lwetu lwe katali.

Ezekiyeli 16:43

Ane nghuwona, 'mba, wasemwa zono nakutendela ha wudodo wako, holeka alu weza kwituma zinghani, zono zikunghoza'ne likuwo. Na yiyi yo yikaleka wutuje wulipicizwe ku soko ya zizo. Alu nhawule 'gwe, wukawa wukwihanza-hanza mu wusenyha wako, ne vinhu vye liwifyo?” Azi zo yakutya u Muwaha Mulungu.

Danyeli 9:11

Ne Waisilayeli wose, wakondya 'lu kuwubena wulajilize wako, hamba si wakuzityatya kanyhi yaye zono wawalonjela. Holeka ase cili wasutyi du hali'gwe, na ku soko yiyo, holeka nagwe wukaciletela malijito gose gago gono mandice mu Wulajilize wa Musa, u mwitumami wako.

Hoseya 7:10

No wiwoni we Waisilayeli wukuwahomelela weneco, ninga muli zizo zose zono zejela, hamba siwasuma kumbuyila ane no Muwaha Mulungu, u Mulungu wawo.

Hoseya 7:14

Hambi nha si wakusuma kulomba kuli 'ne kwe nhumbula yo winenenyhezi yaye, langa wakwigwisa no kwigalagaza hasi nha vyono wanozaga wono si wamumanyile Mulungu. Na lono wakulomba so wuhemba ne divayi, wakwisalanga-salanga mu miwili no kwipela nghomele nha wono si wamumanyile Mulungu. Nhondo hamba watye, wo wubedegazici waco wuwu.

Hoseya 7:7

“Mu moto we likuwo lyawo wakawawulaga walongola wawo. Ne watemi wawo wakawa kuwulagwa yumonga yumonga, ninga hasina hamba monga mono yakulomba wutazi kuli'ne.”

Luka 24:45

Hanyuma yakawagubulila mahala gawo, ho wasume kugatanga Mandiko Gono Gelile.

Yohana 10:35

Hono Mulungu yawatezaga milungu, wawalya wono wapegwa i nghani yakwe, holeka nase cimanyile vyono, Imandiko Gono Gelile, galongaga imbeka nhondo zose.

Yohana 6:45

Yandikwa ne wawizi, ‘Iwanhu wose wokwijizwa no Mulungu.’ Muli wose mono yakumuhulika Baba, no kwiyijiza muli Mwene, yuyo yo yakuza kwangu.

Yohana 8:32

Nanye moyimanya i mbeka, nayo i mbeka yomuwicenyi welecele.”

Waefeso 4:21

Ninga yimanyice vyono mwahulika zinghani zakwe, na vyono muli watyatyi wakwe, mukejizwa vyono yi mbeka yili muli Yesu.

Wukumbucize wo Wulajilize 29:4

Ninga sunga nalu, Muwaha Mulungu si yamulecenyi mumanye zono zamwijelelenyi kuko ku Misili.

Yakobo 1:5

Na hono muyenyu yunji yawe yanjiye mahala, ale, yimunojeye yamulombe Mulungu mono komupela, hambi Mulungu nha kawapelaga wose ko winji, na kwe nhumbula swanu.