Danyeli 9:12 - Luganuzi Luswanu Kuli Wanhu Wose 2002

¹² Hambi 'gwe nha wakondya lu kwituma zono watya vyono kocitendela 'se, hamonga ne walongola wetu. Wukayilipiciza Yelusalemi kwe magazo mawaha gono gakali hamba si gananozwa mwi'kaya linji lyo lyose mono yinze yiyi.

Danyeli 9:12 ပူးပေါင်းရင်းမြစ်များ

1 Watemi 3:9

Holeka nghukunena wumhele mahala. Hambi nha nghuhila niwateme wanhu wako mu ling'ani, kanyhi sume kumanya zimbi ne ziswanu. Hambi 'ne nosuma wule kuwatema wanhu wako wenji muno wono wenha wawa?”

2 Watemi 22:16

zono Muwaha Mulungu yakutya, “Ane no Muwaha Mulungu, noyilipiciza Yelusalemi, hamonga ne wanhu wayo wose, nha vyono zandicigwe mu citabu, nha vyono mutemi yazisomile.

Jobu 12:17

Mwene kawawusizaga mahala, iwatemi, kawanozaga walongola wawa walele.

Zabuli 148:11

Mumulumbe nanye nyo watemi, we'nze hamonga ne wanhu wose walongola, ne walamuzi wose we'nze.

Zabuli 2:10

Holeka 'lu anye nyo watemi, mwitumamilaje mahala, hulicizenyi uwukagwe wuno, anye mo wawaha we yinze.

Zimbazi 8:16

I wawaha wakutema so wutazi wangu, hamonga ne walongola, sunga ne walamuzi wose we'nze.

Isaya 43:28

Sunga ne watemi wenyu, nawo wakahavufya i hanhu hangu hono helile. Holeka ku soko yiyo, nane nghaleta wongomezwe kuli Isilayeli. Nghawaleka wanhu wangu Isilayeli watovulwe.”

Isaya 44:26

Ninga kolo mwitumami wangu yakuwila, nane kolo nghumutuma mwitumami wangu ho yakalajile ze mahweso gangu, nane niganozaga mahweso gago hamonga no wuwile wuwo viwa vya mbeka. Nane nghuyilonjela Yelusalemi, nha vyono wanhu wowuya wekale mumo kanyhi, na vyono ne makaya ga Yuda gozengwa kanyhi. Ne makaya gago, i matongo gayo gokwinulwa.

Yelemiya 30:7

Ninga lizuwa lyo wogofye likuza, hasina hamba lizuwa linji lyono lyolowa lihwanile ne lizuwa lilyo, lizuwa lyo wugaye we wanhu wangu, wo lulelo lwa Yakobo, ninga hamba nhavivyo, wolopona du.”

Yelemiya 32:23

Ninga nawo wali weza kuza mono yisi yiyi, no kuyisola yiwe yawo, hamba si wasaka no kugebata ne malajilizo gako yaye, hamba kwikala mu mikalile ye mejizo gako ng'o. Hamba si wasuma kwituma nha vyono wali wuwalajilize wetume. Holeka nagwe luno wawaletela magayo gaga gose.

Yelemiya 39:16

vyono mbite nghamulonjele Ebedimeleki u Muetiyopiya, nha vyono yalonjile u Muwaha Mulungu, we mihanga, u Mulungu wa Isilayeli. Nghawa kumubitila Ebedimeleki nghawa kumulonjela nghatya vyono, u Muwaha Mulungu katya nhavi, “Lanje! Ane nolilipiciza likaya lili nha vyono nalonga, hamba si nolimotya yaye. Na kolo zizi zikwijela, nagwe go mweneco koloziwona kwe meso gako.

Yelemiya 44:23

Holeka sunga ne magazo gaga, gamuzizenyi, ku soko ye vilavywa vye makumbiko genyu, gono mwali kuyilavizya milungu yinji, no kumusutizya u Muwaha Mulungu, na kanyhi vyono si mukusaka kugatyatya ne malajilizo gakwe.”

I Cililo 1:12

“Alu Yelusalemi yikumulilila munhu wo wose mono yakupuluta, yikutya, ‘Ta muwone! Hasina hamba yunji mono yatuga magayo mawaha gono genha gaga nha vyono ane ninha.’ Magayo gono Muwaha Mulungu yamheleye mwi'kuwo lyakwe.

I Cililo 2:13

Woyi he gwe Yelusalemi! Go mwendece wangu Yelusalemi! Alu waco ho nolonga cici kanyhi? Ho nosuma wule kukusindamika? Hambi nha hasina munhu hamba monga, mono yatamiswa nha vivi. Hambi magayo gako nha gasina mupaka nhe lilenga. Hasina hamba witumbilo kanyhi.

I Cililo 2:17

Alu Muwaha Mulungu, nhondo ketuma zono yali yazitemizye kuzituma. Kacihodanga yasina lusungu nha vyono yacilonjela. Kawapela walugu wetu wusume, kawapela wusangalale so wutamiswe wetu.

I Cililo 4:6

Ne wanhu wangu watuga wulipicizwe wuwaha muno si nhe wanhu wa Sodoma, wono wepamila ne lifwa lye nhinicizo mu muwoko wo Mulungu.

Ezekiyeli 13:6

Hambi wugubulilwe wawo nha wugubulilwe wo wulambi du, no wuwile wawo wose nha wuwile wa bwete du. Ati wakwiyitya nha vyono wakuwila zinghani zangu, ninga 'ne no mweneco, ho si niwatumile yaye. Hamba nhavivyo wene wakwihwesa nha vyono zinghani zawo zowa za mbeka!

Ezekiyeli 5:9

Ku soko aluno mukwituma zinghani zose zono si zikunyendeza. Holeka nane noyilipiciza muno Yelusalemi mu nghango yono nghali nayitendela ne lizuwa linji, mu nghango yono si nilayitendela kanyhi yaye.

Danyeli 12:1

Nayo malayika mono yali yavwalile myenda ye bafuta, yakanonjela nene Danyeli, yakatya, “Mwi'pango lyono kolokuziza Mikayeli u mulongola we Wamalayika, mono kawadimaga wanhu wako, baho lyolowa yipago lyo wugaye wuwaha muno. Wugaye wono wukali nejela mu madaha go gose, ku wulawa vyono lyamuliziza likungugo, sunga mu madaha gago. Na kolo likuza lidaha lilyo, i wanhu we nghungugo yako, wono matagwa gawo gandicigwe mu citabu co Mulungu, wose wolopona.

Yoweli 2:2

Nalyo kanyhi lyolowa yizuwa lya citi no wukalale, yizuwa lye mavunde no wutitu tuku. Hambi litewa yiwaha lye zinzije, nha lyologubika matunda kotya citi. Cikali hamba si nejela cinhu cono cinha vivi, mu vilo vyono vyapuluta, hamba mu vilo vyono vikuza si cilejela yaye.

Amosi 3:2

“Muli makungugo gose ga mono yinze, ane nghamumanyenyi nyenye no kumukamisenyi. Na yiyi yo yikuleka no wubi wenyu wukuwa wakogofya. Holeka nane yinojeye nimulipicizenyi so masutya genyu.”

Zakaliya 1:6

Nane nghawapela i wasogo zenyu suguzi hamonga no wulajiize, mu nzila ye wetumami wangu wawizi. Ninga wene wakalema kuzityatya, hodu nane nghawa kuwaleka, wakatuga wugaye wuwaha. Ninga kanyhi wakanena no kumanya vyono, Ane no Muwaha Mulungu, we Mihanga, nakondya kuwalipiciza nha vyono yiwanojeye, nha vyono nali nalamula niwatendela.

Zakaliya 1:8

Nghamuwona malayika wo Muwaha Mulungu, yali yali mucanyha ye fwalasi ndunghu, yali yemile behi ne mibici ye mihadasi mwi'lolo. Mu nyuma yakwe hali hozili fwalasi zinji ze liwala lidunghu, na ze liwala lye 'hali ne zinzelu.

Zakaliya 7:12

wakakamufya ne zinhumbula zawo zikawa nghamu ku wuhulice. Na vyono si wasaka no kugahuliciza ne mafundo, gono nawapelela muli wawizi we katali, hodu, nane nghawakolelwa muno likuwo.

Matayo 24:21

Hambi mu vilo vivyo nha vyolowa vyo wugaye wuwaha muno muno, wono wukali si nejela hamba hadodo kuwulawa ku mwamulizo we yinze sunga nalu, hamba si wulejelela lukulu kanyhi.

Matayo 5:18

Nghumulonjelenyi mbeka, vyono sunga u wulanga ne yinze zilapuluta, ninga hasina hamba nghani ndodo, hamba cipinga cidodo co Wulajilize cono cowuswa, sunga kolo zose zakondya kufisilizwa.

Maluko 13:19

Hambi mwipango lilyo, nha kolowa no wugazwe wono wukali sinejela ku wulawa vyono u Mulungu yayiwumba yinze sunga nalu, hamba siwulejela kanyhi.

Luka 21:22

Hambi ivilo vivyo nha vyo vilo vyo wulipicizwe, ho zose zono zandikwa zifisilizwe.

Walumi 15:8

Hambi nha nghumulonjelenyi vyono Kilisito yawetumamila Wayahudi, ho yawalajile u Wihuwilwa wo Mulungu, no wihuwizo wono u Mulungu yawapela walezi wetu ho wufisilizwe,