Danyeli 9:11 - Luganuzi Luswanu Kuli Wanhu Wose 2002

¹¹ Ne Waisilayeli wose, wakondya 'lu kuwubena wulajilize wako, hamba si wakuzityatya kanyhi yaye zono wawalonjela. Holeka ase cili wasutyi du hali'gwe, na ku soko yiyo, holeka nagwe wukaciletela malijito gose gago gono mandice mu Wulajilize wa Musa, u mwitumami wako.

Danyeli 9:11 ပူးပေါင်းရင်းမြစ်များ

2 Watemi 18:12

Samaliya yikagwa, vyono wene Waisilayeli si wenda kumuhulika Muwaha Mulungu, u Mulungu wawo, wakacibena ne cilagane cono yacinoza kuli wene, wakagabeza ne malajilizo gono wapegwa na Musa u mwitumami wo Muwaha Mulungu. Wakalema kuzihulika, hamba kuzitumama kose.

2 Watemi 22:16

zono Muwaha Mulungu yakutya, “Ane no Muwaha Mulungu, noyilipiciza Yelusalemi, hamonga ne wanhu wayo wose, nha vyono zandicigwe mu citabu, nha vyono mutemi yazisomile.

Isaya 1:3

Hamba ne zing'ombe, nha zimumanyile mono yazisawile, ne zindogowe nazo, zimanyile manyi manyi hanhu hono mutwa wawo kazidimilaga. Ninga woyi hee! I wanhu wangu Waisilayeli si wamanyile yaye, hamba kwizuka du bwete.”

Isaya 43:28

Sunga ne watemi wenyu, nawo wakahavufya i hanhu hangu hono helile. Holeka ku soko yiyo, nane nghaleta wongomezwe kuli Isilayeli. Nghawaleka wanhu wangu Isilayeli watovulwe.”

Yelemiya 16:11

Nagwe wuwapitule, wuwalonjele zono u Muwaha Mulungu yakulonga yakutya nhavi, ‘I walezi wenyu, wandeka ane no Mulungu wawo, wakawa kuyihemba milungu yinji, no kuyitumamila. Wakalemela lukulu no kugahulika i mejizo gangu.

Yelemiya 2:29

Alo mwina nghanici nane? Hamba nhawule mweza musina cihuliko kuli'ne?

Yelemiya 30:14

Ne wendece wenyu wose, wakondya kumusemwenyi, hamba si womululenyi kanyhi yaye. Nane nghamuhomenyi nha muli walugu, no wulipicizwe wukawa wukali muno, ku soko yo wubi wenyu vyono winji muno, hambi i metumo genyu mabi, nha gali gonjelezeka muno.

Yelemiya 32:23

Ninga nawo wali weza kuza mono yisi yiyi, no kuyisola yiwe yawo, hamba si wasaka no kugebata ne malajilizo gako yaye, hamba kwikala mu mikalile ye mejizo gako ng'o. Hamba si wasuma kwituma nha vyono wali wuwalajilize wetume. Holeka nagwe luno wawaletela magayo gaga gose.

Yelemiya 40:3

Nalu yakondya kwituma no kufisiliza zose zono yalonga. Na zizi zose ziwagana, ku soko i wanhu wako wetuma wubi hali Muwaha Mulungu, no kumubedegala mwene.

Yelemiya 44:22

Kanyhi mulanje nha vyono, ne yisi yenyu yakondya kuwa matongo, hasina hamba munhu mono yekaye mumo. Hambi nha ceza cinhu ca kogofya muno. Sunga ne wanhu weza kulitumamila litagwa lyayo nha wulijitwe. Hambi u Muwaha Mulungu, nha si kosuma kujendelela kuwukangalila u wubi wenyu, hamonga ne mabi genyu gono mukwituma.

Yelemiya 44:23

Holeka sunga ne magazo gaga, gamuzizenyi, ku soko ye vilavywa vye makumbiko genyu, gono mwali kuyilavizya milungu yinji, no kumusutizya u Muwaha Mulungu, na kanyhi vyono si mukusaka kugatyatya ne malajilizo gakwe.”

Yelemiya 6:19

Nagwe go 'si, wuhulicize! Wuwone vyono neza kugalipiciza i mahweso gawo, no kuwongomeza i wanhu wawa, hambi nha wagalema i mejizo gangu, hamba kuzibocela yaye zinghani zangu.

Yelemiya 9:26

Wamisili, Wayuda, Waedomu, Waamoni, na Wamowabi, hamonga ne wanhu wono wekalaga mu nyika, wono wekalaga na mvwili fupi.” Hambi wanhu wawa wose, hamonga ne Waisilayeli wose, nha walame, ninga si wacikamise i cilagane cono wene walajiye citanjilo cayo. Holeka wakali nalama mu zinhumbula.

Danyeli 9:13

Wukucilipiciza ko wulipicizwe wose, wono wukulongwa mu Wulajilize wa Musa. Ninga hamba nhavivyo, 'gwe go Muwaha Mulungu, go Mulungu wetu, nase cikali napituka, ciwulece wubi wetu hamba kuyityatya i mbeka yako, ho cikwendeze gwegwe.

Danyeli 9:5

“Ase cetuma wubi, kanyhi cili wabi, cituma nghani 'mbi muno. Hambi nha cazilema zinzila zako, cakondya kuzileka ne ziswanu zono wacilajila.

Zakaliya 1:6

Nane nghawapela i wasogo zenyu suguzi hamonga no wulajiize, mu nzila ye wetumami wangu wawizi. Ninga wene wakalema kuzityatya, hodu nane nghawa kuwaleka, wakatuga wugaye wuwaha. Ninga kanyhi wakanena no kumanya vyono, Ane no Muwaha Mulungu, we Mihanga, nakondya kuwalipiciza nha vyono yiwanojeye, nha vyono nali nalamula niwatendela.

Zakaliya 7:12

wakakamufya ne zinhumbula zawo zikawa nghamu ku wuhulice. Na vyono si wasaka no kugahuliciza ne mafundo, gono nawapelela muli wawizi we katali, hodu, nane nghawakolelwa muno likuwo.

Zakaliya 8:13

Nye, nyo wanhu wa Yuda na Isilayeli! Ha mwamulizo, wajenzi welijitaga weneco wose wakatya, ‘Wongomezwe wono wawutuga wanhu wa Yuda na Isilayeli, ale, wukutuje na gwegwe.’ Ninga ane nomuponyenyi, sunga ne wajenzi wapitule ne mahweso gawo kanyhi, walongane munhu na muyagwe wawe kutya, ‘Ale, wubocele wulugutizwe, nha vyono wawubocela wanhu wa Yuda na Isilayeli. Holeka mwime mukamile kanyhi mulece kogopa.’ ”

Wukumbucize wo Wulajilize 8:20

Na hono mulece kumuhulika Muwaha Mulungu, ale mokongomezwa nhe makungugo gago gono Mulungu kogongomezeza hali'nye.”