Danyeli 8:8 - Luganuzi Luswanu Kuli Wanhu Wose 2002

⁸ Nayo mvulati, yikedunhumula muno muno, na ku soko yo widunhumuzi wayo, lihembe lyayo likawa kubeneka.

Danyeli 8:8 ပူးပေါင်းရင်းမြစ်များ

2 Zinghomo 26:16

Ninga u mutemi Uziya, yali yeza kuwona vyono yatuga vilungo, hodu yakawa kwinjilwa no wikumye. No wikumye wuwo, wukawa kumwinjiza mu wituma zimbi. Yakamubedegala Muwaha Mulungu, u Mulungu wakwe, so winjila mweneco mu Nyumba yo Mulungu, no kufusa wuvumba, mu cikumbicilo co kufusiza wuvumba.

Esita 9:4

Yikawa yamanyika na wose vyono Moledekayi yo yawa ne vilungo viwaha mwi'kulu, na vyono yajendelelaga kanyhi kutuga vilungo.

Yelemiya 49:36

Noleta mbeho yiyipute Elamu, ku wulawa mbavu zose, niweyagazize wanhu wayo mbavu zose, nawo weyagale watizize mu ma'si gose, hawe hasina hamba yisi monga yono si wotiziza.

Yelemiya 5:27

Kanyhi, wehwanile u mupelembi, mono kamemyaga zindeje mwi'tundu lyakwe, ale nhavivyo nawo vyo wamevizye mu zikaya zawo, i vinhu vyono wavitecile. Na yiyo yo soko yono yikuleka weza wali vilungo, kanyhi wagoli.

Ezekiyeli 16:7

Langa nghakunoza wuwiluce nho mubici muswanu. Nagwe wukawiluka wina ne vilungo, wukatalimha muno, wukawa muhinza muswanu muno. Ne vitombo vyako, vikawa vimile viswanu muno, ne zimvwili zako nazo zikawiluka viswanu, ninga hamba nhavivyo wali wuli cipwi du.

Ezekiyeli 28:9

Alu wule, kojendelela du kwiyitya agwe wuli mulungu, sunga na baho lono weza kukuwulaga? Ninga wumanye nha vyono, agwe, kowa vyo wuli munhu du kuli mono yakukuwulaga, hamba si kowa nha wuli mulungu yaye.

Danyeli 11:4

Ninga ku soko yo wuteme wakwe we vilungo, wutemi wakwe wolokwigawa no kulawa hane. Ne watemi wanji wono si wali mu lulelo lwakwe, wawo wo wolowuhala wutemi wakwe. Ninga hamba nhavivyo, si wolowa ne vilungo nha vyono yali yenha mwene.

Danyeli 4:31

Na lono yali yakali yakuzilonga zinghani zizi, lizi likalongana nayo kulawa ku wulanga likatya, “Mutemi Nebukadineza wuhulicizaje lu, zono nane nghukulonjela! Alu, wakondya kuwusizwa vilungo vyo wutemi wako.

Danyeli 5:20

Ninga 'lu, vyono yalajila wivuni no wukali, hamonga no wu wula cihuliko, hodu yakawa kuwuswa mu wutemi, no kuwajiliza mukumbo wakwe wo wutemi, yakalyajiliza ne lilumbo lyakwe.

Danyeli 7:2

nazo zono naziwona mu ndoto mu cilo cico, zo zino, Mbeho yakukunzaga kulawa mbavu zose, yikwisumaniza mucanyha ye lilenga.

Danyeli 7:6

Na lono nali nghali nanjile, hobaho nghawona kanyhi lilimu linji. Ne lilimu lilyo nalyo lyali lihwanile suwi, ninga lyene lyali lina mabawa mane mu mugongo walyo, genha mabawa ga ndeje, lina mitwe mine, likapegwa wulajilize.

Danyeli 8:22

Nago i mahembe mane gono gacindice lono lihembe lilongozi libeneceye, wo watemi wane wono wololawa mwi'kungugo limonga lyono lyologawanuka, kanyhi lyolowa lisina vilungo nha vyono wutemi wulongozi wono wali wina vilungo.

Danyeli 8:5

Na lono nali nghali kwihwesa nghani yiyi nhunizo yayo nyhici lo. Hodu hobaho mvulati nghali yikawa kuza yifunyhile, yikulawilila ku lubavu lwa kumwezi, yali yimanyhile muno muno, sunga ne migulu yayo hamba si yapamizaga hasi yaye. Nayo mvulati yiyo, yali yina yihembe lyono lilawiye haciligati ye meso gayo.

Danyeli 8:7

Nane nghawa vyo niyilanjiliye mvulati yiyo du, vyono yikuyitowanga nduwilu. Mvulati yiyo yali yina yikuwo yiwaha, yikagabenanga sunga ne mahembe gagalya mejete ge nduwilu. Nayo nduwilu yali yisina vilungo, si yasuma hamba kwitaza bwete ng'o. Holeka yikagumilwa ho hasi no kukanyanjizwa, hakawa hasina hamba munhu mono kosuma kuyiponya yaye.

Matayo 24:31

Ne lizi yiwaha lye ndulele, lyolohulikwa, nayo kolowatuma i wamalayika wakwe, nawo wolowakonghola i wahagulwa wakwe ku wulawa ku zimbavu zose vyono yine ze yinze, kuwulawilila ku mudumo awu wo wulanga, sunga ko ku mudumo muyagwe.”

Maluko 13:27

Hanyuma yayo kolowatuma wamalayika wakwe, kolowakonghola iwahagulwa wakwe kulawa ku zimbavu zose yine za kono'nze, ku wulawa ku mwamulizo we yinze, sunga ko ku ndumo nyagwe ye yinze.”

Wukumbucize wo Wulajilize 31:20

Ho yiwe kolo nawenjiza mu yisi yono yina moso, yisi yono nehuwiza vyono nowapela i walezi wawo, nawo kolo walya vya mumo weguta, kanyhi wajina, ninga woloyiwuyila milungu yinji wayihembe no kuyitumamila, wolondeka no kucibena cilagane cangu kuli wene, hambi lu kanyhi nha wakondya kwiguta.

Wugubule 7:1

Hanyuma ya zizo, nghawona wamalayika wane, wemile mu zinhuzi zose ze yinze vyono yine, akuno webatilize mbeho ze yinze, ho mbeho yilece kuputa mu'nze hamba hadodo, hamba mu yisi, hamba mu malenga, hamba mu mabici.