Danyeli 8:4 - Luganuzi Luswanu Kuli Wanhu Wose 2002

⁴ Nane nghawa niyilanjiliye nduwilu yiyo, yikucinya ne mahembe gayo ku lubavu lwa kumwezi, na kusumuka, na kutakama. Ninga hamba nhavivyo, hali hasina nimu hamba monga, yono yasuma kuyimila, hamba kwiponya mu vilungo vye nduwilu yiyo. Langa yetuma nha vyono yali yendile yeneco, yikekumya mu nhumbula yayo yeneco.

Danyeli 8:4 ပူးပေါင်းရင်းမြစ်များ

1 Watemi 22:11

Muwizi monga wa muli wawizi wawo, litagwa lyakwe Zedekiya u mwana wa Cenana, yakenozeza mahembe ga cuma, yakamulonjela Ahabu yakutya, “Muwaha Mulungu yakutya nhavi, ‘Mu mahembe gaga, kosuma kuwahoma wanhu wa Siliya, nagwe kowasumila lukulu.’ ”

Jobu 10:7

Agwe nha wumanyile vyono 'ne si nili musutyi, kanyhi na vyono hasina munhu wo wose mono konhaziza kuli'gwe.

Zabuli 44:5

Nase, mu vilungo vyako, mo cikuwasumila walugu wetu, heya, sunga cikusuma kuwakanyanjila ku soko ye vilungo vyako.

Zabuli 50:22

“Ale ta mwihwesaje viswanu ze nghani yiyi, anye wose mono mumbedegaye, ale mwilanjililaje, ane nomongomezenyi wose, hamba hasina mono kosuma kumuponyenyi yaye.

Zabuli 7:2

Na hono wulece kunozeza nhavivyo, wene wokuza wahawanje nha simba, wanghwejele kutali, kono kowa kusina mono komhonya.

Ezekiyeli 34:21

Hambi nye nha mwazikoma zingholo zono zitamigwe, mukaziwinjila kutali ne litewa.

Danyeli 11:16

Nayo mutemi wa Siliya kolowatendela wanhu wa Misili, nha vyono kolowa yendile mweneco, na holowa hasina witazize. Kanyhi kolokwinjila mu yisi ye cilagane, no kuyitemela lukulu.

Danyeli 11:36

“Nayo mutemi wa Siliya, kolokwituma nha vyono kolowa yendile mweneco. Kolokwidunhumula, no kwiwona vyono mwene yo yeza muwaha kuciza milungu yose, kanyhi yamucizize sunga no Mulungu Mono Yalawiliciye. Nayo kolosuma kuzinoza zizo, sunga lidaha lifice lyono Mulungu kolomulipiciziza. Nayo Mulungu kolokwituma nha vyono yakondya kuwaga.

Danyeli 5:19

Nayo yali mogopwe ne wanhu wose we makungugo ne zimbeyu na we milonjele yose, wamogopaga muno muno no kucicima. Lono yasakaga kumuwulaga yunji, yamuwulagaga du. Na lono yasakaga kumuwopolela yunji yekale mumi, yamuwopolelaga du. Yawapelaga lilumbo wono yasakaga, na wono yasakaga kuwanyetye, yawanyetyaga.

Danyeli 5:30

Na mu cilo cico, Belishaza mutemi we Wababiloni yakawulagwa.

Danyeli 7:5

Ne lilimu lye kejete, lyali linhe dubu. Nalyo lyali limile kwe migulu yalyo ya ku nyuma. Kanyhi likawa lilumile mafupa madatu ga mbavu mu meno galyo. Hanyuma likaza lizi likalitya, “Winuce wulye nyama nyinji nha vyono wukusuma.”

Danyeli 8:7

Nane nghawa vyo niyilanjiliye mvulati yiyo du, vyono yikuyitowanga nduwilu. Mvulati yiyo yali yina yikuwo yiwaha, yikagabenanga sunga ne mahembe gagalya mejete ge nduwilu. Nayo nduwilu yali yisina vilungo, si yasuma hamba kwitaza bwete ng'o. Holeka yikagumilwa ho hasi no kukanyanjizwa, hakawa hasina hamba munhu mono kosuma kuyiponya yaye.

Mika 5:8

Nawo wo lulelo lwa Yakobo wono wolowa wakali wasigaye mumo mu makungugo, wolowa nha simba yono yili mu mbago mu wupelembi, hamba mu wudimilo, yikwagana zingholo no kuzizumhila no kuzihawanga, hawa hasina hamba no witumbilo wo kupona yaye,

Wukumbucize wo Wulajilize 33:17

Yusufu yali vilungo, yenha nghambaku, ne mahembe ge nimu ya mu mbago. Mahembe gakwe viling'aniye na wanhu maelufu, wo mu mulango wa Manase, ne wanhu elufu yikumi wo mulango wa Efulayimu. Ne mahembe gago, go kozihomela zinghungugo zose, yaziwinje sunga ko ku mhelo ye yinze.”