Danyeli 8:3 - Luganuzi Luswanu Kuli Wanhu Wose 2002

³ Na lono nali nili baho he kolongo lya Ulayi, nghawona nduwilu yono yina mahembe matali muno mejete. Na muli mahembe gago, limonga lyali yitali si nhe liyagwe, kanyhi lyali yipya, lyono lyacindika lono liyagwe lyali lyakondya kucindika.

Danyeli 8:3 ပူးပေါင်းရင်းမြစ်များ

1 Zinghomo 21:16

Nayo Dawudi yakamuwona malayika yemile, akuno yanyasuye no mumaje mu muwoko wakwe, yewikanize ho yayongomeze Yelusalemi. Hobaho Dawudi, hamonga ne walongola wose we wanhu, wono wali wavwalile vivwalo vye magunila, wakenama, no wusu wawo wukapamiza ho hasi.

Ezila 1:2

“Ali, lyo lilajilizo lyono yalilavya Koleshi mutemi wa ku Pelisiya, nalyo lyatezaga. U Muwaha Mulungu, u Mulungu wa ku wulanga, yahagula niwe mutemi mu yinze yose, kanyhi yamhela no mulimo wo kumuzenjela Nyumba yakwe ku Yelusalemi ya Yuda.

Ezila 4:5

Nawo wajendelela kwituma nhavivyo mu vilo vyo wutemi wa Koleshi u mutemi wa Pelisiya, sunga na mu vilo vyo wutemi wa Daliyo u mutemi wa Pelisiya.

Esita 1:3

Na mu mwaka we kadatu wa mu wuteme wakwe, mutemi Ahasuwelo, yakanoza sikukuu mbaha, yakawalalika i wawaha ne vitung'ati wose wa mu yisi ya Pelisiya no Wumedi. Kanyhi ne wetumbilwa wose wa mu yisi yakwe, wakacemwa ho yaduwane nawo.

Isaya 13:17

Muwaha Mulungu yakutya, “Nawasagahiza likuwo Wamedi, wabite wakayihome Babiloni. Kanyhi wene hamba si wolosaka fweza hamba zahabu yaye.

Isaya 21:2

Ane niwuwona wugubulilwe we metumo go wukali, wugubulilwe wo wugaluci no wongomezwe. Lipuga lye wasilikale wa Elamu, likuhoma! Lipuga lye wasilikale wa Mediya, nalyo ligapilime makaya! Alu langa Mulungu kogawusiza lukulu magazo gono galetwa na Babiloni.

Isaya 44:28

Nghumulonjela Kulo, nghutya, ‘Agwe yo gwegwe mono kowufisiliza wuhile wangu, nagwe konoza zono nghukulajiliza kololajiliza Yelusalemi yizengwe kanyhi hamonga no musinji we Nyumba yo Mulungu.’ ”

Yelemiya 51:11

U Muwaha Mulungu kawasagahiza i watemi wa Mediya, hambi nha yakusaka yayongomeze Babiloni. Na yiyo yo nzila yono kokwitumamila ho yayilipicize Babiloni, ku soko vyono wene wayihodanga Nyumba yakwe. Nawo i walongola we milewo, wakulajiliza wakutya, “Ale! Nolenyi zisonga zenyu! Muwikanize ne zingula zenyu!

Danyeli 10:5

Nali neza kugalamila kucanyha, nghawona munhu yunji yavwalile myenda ya bafuta, na mu ciwino, yewopile musipi wa zahabu.

Danyeli 2:39

Na mu nyuma yako, kolotema mutemi yunji, mono sikolowa ne lilumbo liwaha nha vyono winha 'gwe. Hanyuma kanyhi wolokuza wutemi we kadatu, wo wutemi we shaba, wono wolotema yinze yose.

Danyeli 5:31

Hobaho Daliyo u Mumedi yakawusola wutemi wuwo, nayo lizika lyakwe yali yaficile myaka makumi mutandatu na myejete.

Danyeli 6:28

Nayo Danyeli yakamoteswa muno, mu vilo vyo mutemi Daliyo na Kulo u Mupelisiya.

Danyeli 7:5

Ne lilimu lye kejete, lyali linhe dubu. Nalyo lyali limile kwe migulu yalyo ya ku nyuma. Kanyhi likawa lilumile mafupa madatu ga mbavu mu meno galyo. Hanyuma likaza lizi likalitya, “Winuce wulye nyama nyinji nha vyono wukusuma.”

Danyeli 8:2

Na mumo mu wugubulilwe wuwo, nghewona nili mwi'kaya lya Susa, lya mu yisi ya Elamu lyono lipilimwe ne majinji. Nane nali nimile he 'kolongo lya Ulayi.

Danyeli 8:20

“Alu, yiyilya nduwilu ye mahembe mejete yono wuyiwene, yiyo, wo wutemi wo Wumedi na Pelisiya.

Zakaliya 1:18

Na mu wulajilwe we kejete, nghawona mahembe mane ga nghongolo.

Zakaliya 2:1

Kanyhi mu wulajilwe wangu wunji, nghawona munhu mono yali yebate mulejehe wo kupimila.

Zakaliya 5:1

Hobaho kanyhi nghenula meso, nghawa kuwona citabu ciguluce mucanyha.

Zakaliya 5:5

Hobaho malayika yu yulya mono calonganaga, yakejela hamwande yangu kanyhi yakanyitya, “Wulanje! Ko cili cinhu cinji kanyhi cono cikuza!”

Zakaliya 5:9

Nghenula meso nghalanga kucanyha, nghawawona we cicekulu wejete waguluce wakuza kono nali nimile wena mabawa gono gali vilungo muno kotya ga Yobwa. Wakayinula nhoto yiyilya wakawa kuguluka nayo.

Zakaliya 6:1

Kanyhi nghenula meso gangu, nghawona magali mane go wulugu gakuza gakulawilila haciligati ye matunda mejete ga shaba.

Wuwale 24:2

Yakawagana kuko i wanhu Waisilayeli wasitile nghambi, mulango na nghambi yawo. U Muhe wo Mulungu yakawa kumutonga,

Yoshuwa 5:13

Na lono Yoshuwa yali yasejelela ha Yeliko, yakawona munhu nhinicizo, yemile ha mwande yakwe, yebate ne limaje. Yoshuwa yakamusejelela yakamuwuza yakamutya, “Agwe wuli lubavu lwetu, hamba wuli mulugu wetu?”

Wugubule 13:11

Hanyuma kanyhi, nghawona yilimu linji likulawila, likulawa kusi ye'si. Nalyo lyali lina mahembe mejete, gono genha ge nyana ye ngholo, nalyo lyalongaga nhe lizoka.

Wugubule 5:6

Hanyuma nghawona u Mwana we ngholo yemile haciligati ye ligoda lyo wutemi, yapilimwe mbavu zose na vivilya viwumbwa vyumi, hamonga na wawalya wawaha. Na yuyo Mwana we ngholo yakawa kwijela nha muwulagwe. Yali yena mahembe mupunghati, ne meso mupunghati, nayo yo myuhe mupunghati yo Mulungu, i myuhe yono yali yategulwa hanhu hose mono'nze yose.