Danyeli 8:25 - Luganuzi Luswanu Kuli Wanhu Wose 2002

²⁵ Kanyhi mwene vyono musugu, holeka kolomoteswa na mu zinzila zakwe zose zo wulambi. Kolowa mwidunhumuzi, kanyhi kolowongomeza wanhu wenji wono wali wazoweye kwikala wapolile. Kanyhi kolokwihoma no Mutemi we watemi. Ninga hamba nhavivyo, kolobenanjizwa, na holowa hasina munhu wo kumutaziza.

Danyeli 8:25 ပူးပေါင်းရင်းမြစ်များ

Jobu 34:20

No munhu kosuma kufwa nhinicizo ne cilo. Hambi Mulungu nha kawatowaga wanhu wajilila na we vilungo kawawulagaga.

Yelemiya 48:26

U Muwaha Mulungu yakutya nhavi, “Ale, muying'wesaje Mowabu, ying'we yigale. Hambi nha yakondya kumbedegala 'ne, Holeka ku soko yiyo, Mowabu yokwigalagaza mu madeko gayo, ne wanhu woyisekanga muno.

I Cililo 4:6

Ne wanhu wangu watuga wulipicizwe wuwaha muno si nhe wanhu wa Sodoma, wono wepamila ne lifwa lye nhinicizo mu muwoko wo Mulungu.

Danyeli 11:12

Nayo mutemi wa Misili kolokwidunhumula so wusume wakwe, hamonga no winji muno we wasilikale wa Siliya wono yawawulaje. Ninga hamba si kojendelela nhondo zose kuwa no wusume wuwo.

Danyeli 11:45

Kologahoma sunga ne mahema gakwe mawaha muno ge citemi-temi, haciligati ye lilenga ne litunda lyono lizenjigwe Nyumba yo Mulungu. Ninga hamba nhavivyo, vyo kolofwa du, na holowa baho, hasina hamba munhu wo wose mono kolomutaza.”

Danyeli 7:26

Nago mahakama ga ku wulanga, go gololavya u wuling'anizi, gomuwusiza vilungo vyakwe no kumongomezeza lukulu.

Danyeli 7:8

Na lono nagasunjililaga mahembe gaga, nghawona kanyhi yihembe linji yidodo lyono lyakunghumukaga likulawila ha ciligati ye mayagwe. Likagakula i mahembe madatu ga muli gono gali gali baho wulawa mwamulizo. Ne lihembe lilyo lyali lina meso ga munhu, no mulomo wono walongaga ko widunhumuzi muno muno.

Danyeli 8:11

Hamba nhavivyo, likamwavufya u Muwaha we lipuga lya ku wulanga, likemila sunga ne vilavywa vye makumbiko ge nhondo zose, vyono wamulavizyaga, likayihodanga ne Nyumba yo Mulungu.

Danyeli 9:25

Holeka wuzimanyaje zizi, kanyhi wuzizuce, vyono ku wulawilila mu madaha lono u wulajilize wulalajilizwa, nha vyono Yelusalemi yizengwe kanyhi, sunga mu mapango gono kolokuziza u mulongola muwaha u muhagulwa wo Mulungu, yolowa yakondya kupuluta majuma mupunghati. Na Yelusalemi mu madaha gago, yolowa yakondya kuzengwa wupya, hamonga ne mabalabala gayo, yolowa yakondya kuzenjelwa sunga ne magomawakali gono gali vilungo. Nayo yolokondya kuzengwa mu majuma makumi mutandatu na nyejete. Ninga i vilo vivyo, vyolowa vilo vyo wugaye.

Metumo ge Watumwa 12:23

Ho baho baho Malayika wo Muwaha yakamugwisa Helode hasi, vyono si yamupela Mulungu lilumbo lilyo. Yakaligwa ne mang'onyo, yakafwa.

2 Watesalonike 2:3

Mulece kukongwa na munhu wo wose mu nzila yo yose yilya. Hambi i lizuwa lilyo nha silyosuma kuza, sunga awulya u Wubezi Wuwaha wamule kuza, ayulya u Munhu mubi yamule kwijela mono u mudumo wakwe wo wajilile wo lukulu.

2 Watesalonike 2:8

Ale baho ho yuyo nayo u Mubi ho kolokwijelela, ninga u Muwaha Yesu kolo yakuza, kolomuwulaga ko muhe wo mulomo wakwe, no kumwajiliziza lukulu ko wung'alale wo wuze wakwe.

Wugubule 17:14

Nawo wokwihoma no Mwana we ngholo, ningo Mwana we ngholo, hamonga na wawala wono yawacema, kanyhi yakawahagula, i wanhu wehuwilwa, kowasuma wawo, vyono u mwene yo Muwaha we wawaha, kanyhi yo Mutemi we watemi.”

Wugubule 19:16

Na mu vivwalo vyakwe hamonga na mu mugulu wakwe, yali mwandikwe litagwa lya, “U Mutemi we watemi, no Muwaha we wawaha.”