Danyeli 8:21 - Luganuzi Luswanu Kuli Wanhu Wose 2002

²¹ Nayo mvulati yiyo, wo wutemi wo Wugiliki. Nalyo lihembe lyono lili haciligati ye meso, yo mutemi mulongozi.

Danyeli 8:21 ပူးပေါင်းရင်းမြစ်များ

Danyeli 10:20

Nayo malayika yakanyitya, “Mwene Danyeli, wumanyile 'mbi cono cilecile nghukuziza? Ane nghuziza, ho nghugubulile zono zandicigwe mu Citabu, ze Mbeka. Nalu yinojeye mbuye kanyhi ku Pelisiya, cikalewane na malayika mulindilizi wa ku Pelisiya. Na kolo zizo zakondya, ale, nayo malayika mulindilizi wa ku Wugiliki kokuza.

Danyeli 11:2

Holeka aluno zono nokulonjela, zo ze mbeka. Nayo malayika yakatya, “Ho wali watemi wanji kanyhi wadatu, wono wotema mu Pelisiya. No mutemi we kane, mono kowatyatya, yuyo kowa mugoli muno si nhe wanji wose. Nayo kolo yakutuga vilungo so wugoli wakwe, kokwisumaniza no wutemi wo Wugiliki.

Danyeli 11:3

Hanyuma kanyhi, u mutemi we vilungo nayo kolokwinuka. Nayo kolotema kwe vilungo no kwituma nha vyono yakusaka mweneco.

Danyeli 2:39

Na mu nyuma yako, kolotema mutemi yunji, mono sikolowa ne lilumbo liwaha nha vyono winha 'gwe. Hanyuma kanyhi wolokuza wutemi we kadatu, wo wutemi we shaba, wono wolotema yinze yose.

Danyeli 7:6

Na lono nali nghali nanjile, hobaho nghawona kanyhi lilimu linji. Ne lilimu lilyo nalyo lyali lihwanile suwi, ninga lyene lyali lina mabawa mane mu mugongo walyo, genha mabawa ga ndeje, lina mitwe mine, likapegwa wulajilize.

Danyeli 8:20

“Alu, yiyilya nduwilu ye mahembe mejete yono wuyiwene, yiyo, wo wutemi wo Wumedi na Pelisiya.

Danyeli 8:22

Nago i mahembe mane gono gacindice lono lihembe lilongozi libeneceye, wo watemi wane wono wololawa mwi'kungugo limonga lyono lyologawanuka, kanyhi lyolowa lisina vilungo nha vyono wutemi wulongozi wono wali wina vilungo.

Zakaliya 9:13

Nomwitumamila Yuda yawe kotya wo wupinde wo musilikale, na Isilayeli yawe kotya zo songa. Nowetumamila wanhu wa ku Sayuni wawe kotya wo mumaje, wehome ne wanhu wo Wugiliki.”