Danyeli 8:13 - Luganuzi Luswanu Kuli Wanhu Wose 2002

¹³ Hanyuma yayo, nghahulika malayika yakumuwuza malayika muyagwe, yakutya, “Alo zizi zono zijeye mu wugubulilwe, ho zojendelela sunga nili lo? Hamba wuwu wubi wono wukuwimila u wulavye we makumbiko, nawo wojendelela sunga nili? Ma, lipuga lya ku wulanga nalyo, hamonga ne Nyumba yo Mulungu, navyo ho vyojendelela kukanyanjilwa sunga nili?”

Danyeli 8:13 ပူးပေါင်းရင်းမြစ်များ

Zabuli 74:10

Alu 'gwe go Mulungu, u mulugu ho kojendelela kukusekanga sunga nili? Alu mwene ho wolitovula litagwa lyako sunga cibitilila?

Zabuli 74:9

Vitanjilo vyetu vyose vyono vyelile, sicikuviwona lu, alu ceza cisina hamba muwizi. Hamba si cimanyile zizi, zojendelela kuwa nhavivi sunga nili!

Zabuli 79:5

Gwe go Muwaha Mulungu, alu kosimba cibitilila? Alu likuwo lyako lyokwaka nha moto sunga nili?

Isaya 28:18

Ne cilagane cenyu cono mwali mwalagana ne lifwa, hamonga ne yisi ye wafu, vyose vyowembulwa, hamba si vyokwima yaye. Ne lihuhuji kolo lyeza kuza, lyolomusumenyi.

Isaya 6:11

Nane nghawuza nghatya, “Gwe Muwaha Mulungu, alu zizi zokwijela nili?” Nayo yakapitula yakanyitya, “Zizino zokuza kolo makaya gose gekala matongo gasina wanhu, sunga kolo zikaya zekala bwete, ne yisi yalekwa wuciwa wuwaha.

Isaya 63:18

Ase co wanhu wako wasiwanulwe, cali cakondya kusolwa ne walugu wetu kwa cidaha cidodo du, nawo wakawukanyajizanga wuhembelo wako.

Isaya 9:6

Hambi nha calelelwa mwana! Capegwa mwana wa cilume! Nayo yo kowa yo mutemi wetu. Ne litagwa lyakwe kocemwa, “Mwijizi wo Wizine, Mulungu mono yali Vilungo.” “U sogo yetu we Cibitilila, Mutemi wo Mulamu.”

Yelemiya 12:10

Ne wadimi wenji wakondya kuwuhodanga u mugunda wangu we mizabibu wayikanyanjiza migunda yangu no kuyinoza yisi yangu yono niyendile yiwe nyika.

Danyeli 11:31

Na wanji wa muli wasilikale wakwe, woloyavufya Nyumba yo Mulungu. Wolovimila vilavywa vye makumbiko, nawo wolowika I wifyo, mu Nyumba yo Mulungu.

Danyeli 12:11

“No wulawilila mu madaha gago, gono vilavywa vye nhondo zose vye makumbiko vyolokwimililwa, ne Liwifyo kolo lyeza kusimywa, vyolopuluta vilo elufu monga, na magana mejete na makumi yicenda.

Danyeli 12:8

Nane nghazihulika zono yalonga, ninga hamba si nasuma kuzizuka yaye. Holeka nghamuwuza nghamutya, “Gwe muwaha wangu, mudumo we zinghani zizi, zowa wule?”

Danyeli 4:10

Nayo mutemi Nebukadineza yakamutya Beliteshaza, “Ane lono nali ngonile, natuga wugubulilwe, nghawona mubici mutali muno muno wono wali wuli haciligati ye yinze.

Danyeli 4:13

“Na lono nali nghali ngonile nghwihwesa zo wugubulilwe wuwu, nghamuwona malayika yakutima yakulawilila ku wulanga, mono yali yewikanize so suguzi.

Danyeli 4:23

Na lono agwe mutemi, wali wulanjiliye, Malayika yakatima kulawa ku wulanga, na hanyuma yakatya, ‘Dumulenyi mubici wugwe, hanyuma muwupilulaje. Langa mulece lisina mu muhangha. Muliwopeceze no munyolo we cuma, ne shaba yeze yipilime munyolo, mulilece kuko kwi'lolo lyono lina mahanze madece; Mumulekaje baho munhu yuyu, yatuje malenga ge buhe ya ku wulanga; Mumulece yekale hamonga ne malimu myaka mupunghati.’

Danyeli 7:16

Nghawa kumubitila yumonga wa muli wono wali wemile baho, nghamulomba yandoloseze zose zo wugubulilwe wuwo. Nayo yakanonjela nhunizo yayo yakatya,

Danyeli 7:23

Nayo munhu yuyo yakawa kundoloseza ze nhunizo yayo, yakatya, “Lilimu lilyo lye kane, wo wutemi we kane wono wolotema mono'nze, nawo wolowa wisimajiye no wutemi wunji wo wose. Nawo woloyitema yinze yose no kuyikanyanjila.

Danyeli 9:27

Nayo mutemi yuyo, kolokwilumbaniza ne wanhu, myaka mupunghati. Na kolo vikupuluta nusu ye vilo vivyo, kologawusiza lukulu makumbiko, hamonga ne vilavywa. Ne Nghani yo Wogofye muno, yolowikwa mu cizuli ce Nyumba yo Mulungu, nayo yolokwikala baho, sunga lono kolokuziza mono yayiwika baho, vitang'anile no wongomele wono Mulungu yakondya kumuwajila.”

Zakaliya 1:19

Nghamuwuza kanyhi Malayika yu yulya mono calonganaga nayo nghamutya, “Mahembe gaga nhunizo yayo nyhici.” Yakamhitula yakanyitya, “Aga gemile gakulajila i vilungo vye yinze, vyono vyaweyagaza wanhu wa ku Yuda, na Isilayeli, na Yelusalemi.”

Zakaliya 14:5

Nanye molotiza mukolele mwi'lolo lilyo lyono lilitemanuye litunda hejete. Mulamanghaga nha vyono i wasogo zenyu wanozaga, mu vipango vye litulo lyono lyejela, mu vilo vyo mutemi Uziya wa Yuda. U Muwaha Mulungu wangu, mwene kolokuza hamonga ne wamalayia wakwe.

Matayo 11:27

“Baba yamhela vinhu vyose. Na hasina mono yamumanyile Mwana, langa hono si Baba du, hamba hasina mono yamumanyile Baba, langa hono si Mwana du, kanyhi na wo wose mono u Mwana kokwenda kumumanyiza.

Matayo 24:15

“Kanyhi moliwona, ‘lyono likucemwa.’ Iwifyo lyo wuhodanje, lililya lyono lyalongwa no muwizi Danyeli, lyolowa limile i hanhu hono helile.” (Ale baho, mono yakusoma, yezuce i nhunizo yayo.)

Maluko 13:14

“Molowona liwifyo lyo wuhodanjice limile hono si hanhu halyo. (Mono yakusoma yezuce nhunizo yayo!) Na baho iwanhu wono wali mu Yudiya, wamanyhile mu matunda.

Luka 10:22

Hanyuma yakatya, “Baba yaviwika vyose mu miwoko yangu, hamba hasina mono yamumanyile Mwana yo wa hayi, langa Baba, hamba mono yamumanyile Baba yo wa hayi; langa Mwana, na muli wose mono Mwana yakuhila kumugubulila zizo.”

Luka 21:20

“Ninga kolo mukuwona Yelusalemi yipilimwe ne walugu, ale, mumanye vyono wongomezwe wayo wasejelela.

Luka 21:24

Wanji wowulagwa no mumaje, wanji wolosolwa mateka, wategulwe ku nghungugo zose, ne likaya lya Yelusalemi, lyolokanyagwa ne wanhu we makungugo ganji, sunga vipango vyawo vilawa fisilizwa.”

Yohana 1:18

Hasina munhu mono yamuwona Mulungu hanji ho hose, u Mwana we ciwene mono wali sawa no Mulungu, mono vilunzize no Sogwe, yuyu yo yacimanyiza zo Mulungu.

Wukumbucize wo Wulajilize 33:2

“Muwaha Mulungu yaza he 'tunda lya Sinayi, yakelajila kotya yizuwa mu yisi ya Edomu, yakawabulilila wanhu wakwe mu wulawa mwi'tunda lya Palani. Ne wamalayika elufu yikumi, wakawa wali hamonga nayo. Na mu muwoko wakwe wo kulume, yakawa yebate moto wono wakaga.

1 Watesalonike 3:13

Holeka nayo komukamyenyi zinhumbula zenyu, nanye mowa mukwilaniciye mu wele hali Mulungu no Sogo yetu, mwipango lono kolokuziza u Muwaha wetu Yesu hamonga ne wakwe wose.

Wahebelaniya 10:29

Wulenyi, u munhu mono yakumubedula u Mwana wo Mulungu, no kuyibedegala i sakami ye cilagane co Mulungu cono ca mweza, u munhu yuyo mono yakumutovula u Muhe wo Mulungu, yimunojeye yapegwe wulipicizwe wuwaha nha cici?

1 Petelo 1:12

Nayo Mulungu yakawagubulila mu vilo vyono walongaga ze zinghani zizo, zono anye, alu mwakondya kuzihulika, kulawa kuli wawalya watumwa wono wakamuganulilenyi u Luganuzi Luswanu, lwe vilungo vyo Muhe Mono Yelile, mono yatumwa ku wulawa ku wulanga, vyono wuwo mulimo wawo, si wali so cambuzi cawo weneco, langa ku soko yenyu. Zizo zo nghani zono hamba wamalayika wali wende kuzimanya.

Yuda 1:14

Nayo Enoci u kuku yetu wo mupunghati vyono yalawa Adamu, yawawilila i wanhu wawo yakutya, “Langa ta, u Muwaha yaza na maelufu ga wamalayika wakwe wono welile,

Wugubule 11:2

Ninga wulece kulipima libululu lyono lili kunze yo wuhembelo, hambi libululu lilyo, nha lyapegwa wanhu we makungugo ganji, wanhu wono wolikanyanjila i likaya lyono lyelile mu myezi makumi mane na myejete.

Wugubule 6:10

Nawo wakalila kwe'zi 'waha wakutya, “Agwe go Muwaha, mono welile kanyhi mono wuli mwihuwilwa, alo sunga vipulute vilo vilinga, ho wuze wuwaling'anize no kuwalipiciza wose wono wekaye mono'nze, ku soko yo wuwulagwe wetu wono wali kuciwulaga?”

Walamuzi 13:18

Malayika yakamuwuza yakatya, “Nhawule wukusaka wumanye litagwa lyangu? Hambi nhe 'tagwa lya wizine.”