Danyeli 8:12 - Luganuzi Luswanu Kuli Wanhu Wose 2002

¹² Na baho ha Nyumba yo Mulungu, i wanhu wakahanoza hakawa hanhu ho kwitumila wubi. Hakawa si hanhu kanyhi ho kulavizya vilavywa vye makumbiko vye nhondo zose. Wanhu wakawuleka sunga no wuhembi we mbeka. Lihembe lilyo likasuma kwituma nghani yo yose yono lyeneco lyasakaga kwituma.

Danyeli 8:12 ပူးပေါင်းရင်းမြစ်များ

Jobu 12:6

Ninga i wahizi hamonga ne wanhu wono wasina mulungu, awo wekalaga wapolile. Hamba wawe mulungu wawo yali mu vilungo vyawo weneco.

Zabuli 119:142

Ling'ani yako yo ye ling'ani cibitilila, no wulajilize wako wo we mbeka.

Zabuli 119:43

Wunhaze niwe kuyilonga i mbeka yako, nhondo zose, hambi witumbilo wangu, nha wuli mu ning'aniza yako du.

Zabuli 28:5

Hambi wene nha si wakugacelelela, i metumo go Muwaha Mulungu, hamba kuzimanya kose, zono yetumile. Holeka ku soko yiyo, nayo kowamwagula, hamba si kowazenga yaye cibitilila.

Isaya 59:14

No wuling'anizi wuswanu cawukumhila kutali, ne ling'ani yose hamba si yili muli'se yaye. Hambi i mbeka nha yigwiye mu nzila, na zo mugoloka hamba si zosuma kwinjila yaye.

Yelemiya 12:1

Gwe go Muwaha Mulungu, hamba ciwangane nagwe muli zangu, agwe ninga vyo kojendelela kuwa mu mbeka du. Holeka nane luno, nosuma kukuwuza zinghani zono zinojeye wiling'ano, nha vyono nhavi, Alu mwene, nhawule i wanhu wabi nawo wamoteswe muno? Hamba nhawule i wanhu wono si wehuwilwa nawo wekaye wacehile?

Danyeli 11:28

Nayo mutemi wa Siliya, kolowuya kwakwe hamonga ne sawo yono yatecile, ninga kuno yena no wuhile wo kuyongomeza dini ye wanhu wo Mulungu. Kolokwituma nha vyono kolosaka mweneco, hanyuma hodu, kolowuya ku yisi yakwe mweneco.

Danyeli 7:21

Na lono nali nghali njendeleye kulanga, lihembe lilyo, likanza kwihoma ne wanhu wo Mulungu, likawasuma.

Danyeli 8:4

Nane nghawa niyilanjiliye nduwilu yiyo, yikucinya ne mahembe gayo ku lubavu lwa kumwezi, na kusumuka, na kutakama. Ninga hamba nhavivyo, hali hasina nimu hamba monga, yono yasuma kuyimila, hamba kwiponya mu vilungo vye nduwilu yiyo. Langa yetuma nha vyono yali yendile yeneco, yikekumya mu nhumbula yayo yeneco.

Wugubule 13:7

Kanyhi lilimu lilyo, likakombolwa ho vihome wulugu no kuwasumiza i wanhu wo Mulungu. Kanyhi likapegwa wulajilize muli wanhu we zimbeyu zose, na wose we ndelwa monga, na we zinonga zose, na we makungugo gose.

1 Samwili 23:9

Ninga nayo Dawudi yali yeza kuzihulika zizi, nha vyono Sawuli yakuhila yamudindanize, yamuhome, hodu yakawa kumulonjela mukohani Abiyatali yakamutya, “Ale, wulete ahano efodi.”