Danyeli 8:1 - Luganuzi Luswanu Kuli Wanhu Wose 2002

¹ Na mu mwaka we kadatu wo wutemi wa Belishaza, nghawona wugubulilwe wunji kanyhi.

Danyeli 8:1 ပူးပေါင်းရင်းမြစ်များ

Ezekiyeli 1:1

Ane mukohani Ezekiyeli mono nili mwana wa Buzi, nekalaga hamonga ne Wayahudi i wahamywa, he kolongo lya Kebali, mu yisi ya Babiloni. Ale, mwi'zuwa lye 'hano lya mu mwezi we kane, wa mu mwaka we makumi madatu, wulanga wukagubuka, nghagubulilwa no Mulungu.

Danyeli 1:17

Mulungu yakawapela wawo wazelelo wane wizuce wuwaha, hamonga no wumanya mahala, na mu wumanya kusoma no kwandika. Hamonga na zizo, Danyeli yakapegwa wizuce wo kulolosa zinhunizo ze zindoto no wugubulilwe we hayo hayo.

Danyeli 10:2

Na mu mapango gago, ane Danyeli, nali nili mu cililo majuma madatu.

Danyeli 10:7

Nane nene Danyeli du, mono nawuwona wugubulilwe wuwo nili wene. Ninga i wanhu wono wali wali hamonga nane, hamba si wawona cinji, langa wene wakatuga woga wuwaha, wakatiza, wakawa kwihundika.

Danyeli 11:4

Ninga ku soko yo wuteme wakwe we vilungo, wutemi wakwe wolokwigawa no kulawa hane. Ne watemi wanji wono si wali mu lulelo lwakwe, wawo wo wolowuhala wutemi wakwe. Ninga hamba nhavivyo, si wolowa ne vilungo nha vyono yali yenha mwene.

Danyeli 7:1

Ale, mu mwaka mulongozi wono Belishaza yali yatemile ku Babiloni. Nalota ndoto, na mu ndoto yiyo, nghawona wugubulilwe mu cilo cico. Nane nghawa kuyandika ndoto yiyo,

Danyeli 7:15

No wugubulilwe wuwo wono nawuwona, wukanhinusa muno mu nhumbula yangu, nane nghagazika muno mu mutima wangu.

Danyeli 7:28

Awu wo mudumo we nghani yiyi. Ne nghani yiyi yikanyogofya muno, sunga no wusu wangu wukawa wusina nyemo. Ninga nghani yiyo, nghayiwika mu nhumbula yangu.

Danyeli 8:15

Nane nghasaka ho manye nhunizo yo wugubulilwe wuwo, na kumbe munhu yunji yakema nhinicizo ha mwande yangu.

Danyeli 8:2

Na mumo mu wugubulilwe wuwo, nghewona nili mwi'kaya lya Susa, lya mu yisi ya Elamu lyono lipilimwe ne majinji. Nane nali nimile he 'kolongo lya Ulayi.

Danyeli 9:2

Nene Danyeli, nasomaga mu vitabu i visiwanulwe, akuno nghwihwesa ze myaka makumi mupunghati yono Yelusalemi yolowa yili mu wongomezwe, vyono Muwaha Mulungu yamulonjela muwizi Yelemiya.