Danyeli 7:9 - Luganuzi Luswanu Kuli Wanhu Wose 2002

⁹ Na lono nali nghali nanjile, nghawona magoda go wutemi gakuwikwa hanhu hayo. Na mono kekalaga mumi cibitilila, yakekala mwi'goda limonga lya muli magoda gago. Nayo yali yavwalile myenda mizelu swee, kotya seluji. Ne zimvwili zakwe, zali zinha wukunzeje wa ngholo, wuswanu muno. Ne ligoda lyakwe, lyali yinozezwe maguludumu ga moto, gang'alalaga nha moto.

Danyeli 7:9 ပူးပေါင်းရင်းမြစ်များ

1 Watemi 22:19

Nayo Mikaya yakajendelela kulonga yakutya, “Alu Ahabu, wuhulicize zono Muwaha Mulungu yakuzilonga! Nane namuwona Muwaha Mulungu yekaye mwi'goda lyakwe ku wulanga, hamonga ne wamalayika wakwe wamupilime.

2 Zinghomo 18:18

Nayo Mikaya yakajendelela kulonga du yakutya, “Alu Ahabu, wuhulicize ta, zono Muwaha Mulungu yakuzilonga. Nane namuwona Muwaha Mulungu yekaye mwi'goda lyakwe ku wulanga, hamonga ne wamalayika wakwe wamupilime.

Zabuli 45:8

Ne vivwalo vyako vina mhunjile, wudi ne manemane, ne watowa masumbi nawo wakukwimbila, mu zinyumba zono zihambigwe kwe zimbali ze zinhembo.

Zabuli 90:2

Agwe yo gwegwe go Mulungu, we cibitilila ne cibitilila, mono wali wuli baho du, sunga na lono matunda gali gakali si nawa, hamba yinze kuwumbwa.

Zabuli 93:2

Ne ligoda lyako lyo wutemi, lyawikwa ku wulawa katali. Nagwe wali wuli baho, ku wulawa cibitilila ne cibitilila.

Isaya 6:1

Mu mwaka, lono yafwila mutemi Uziya, ane nghamuwona Muwaha Mulungu, yali yekaye mwi'goda lyakwe lyo Wuwaha lya mucanyha, yali yali mwi'lumbo no lukumyo. Ne vivwalo vyakwe vyo wutemi, vyali, vitandaye hose mu Nyumba yo Mulungu.

Isaya 9:6

Hambi nha calelelwa mwana! Capegwa mwana wa cilume! Nayo yo kowa yo mutemi wetu. Ne litagwa lyakwe kocemwa, “Mwijizi wo Wizine, Mulungu mono yali Vilungo.” “U sogo yetu we Cibitilila, Mutemi wo Mulamu.”

Yelemiya 49:38

Nowongomezeza lukulu, i watemi wawo, hamonga ne walongola wawo, niwe kuliwika baho ne ligoda lyangu lyo wutemi.

Ezekiyeli 1:26

Na mucanyha yo mwanya wa mu mitwe yavyo, hali na cinhu cono cejelaga nhe 'goda lya nhojo, yinozwe ne vibwe vyo wuguzi wukamu vye liwala lye dedede. Na mwi'goda lilyo lye nhojo, cali cikaye cinji cihwanile futa ya munhu.

Danyeli 7:13

Na mu wugubulilwe wuwu ne cilo, nghawona cinhu cinji kanyhi cono cali cihwanile munhu. Nayo munhu yuyo yakawa kusejelela hali'ne, akuno yapilimwe ne mavunde. Hanyuma yakawa kubita kuli mono kekalaga mumi cibitilila, yakelajila kuli mwene.

Danyeli 7:22

Ninga yu yulya nayo mono kekalaga mumi cibitilila, yakawa kuza, yakawaling'aniza i wanhu wo Mulungu Mono Yalawiliciye, mu nghango yo wendo wakwe kuli wene. Ne cipango nha cakondya kuza, co kupegwa wutemi i wanhu wo Mulungu.

Mika 5:2

Muwaha Mulungu yakutya, “Agwe Betelehemu Efulata, agwe yo gwegwe wuli cikaya cidodo mu Yuda, ninga nomuhagula yunji ku wulawa muli'gwe mono kowa mutemi wa Isilayeli, mono wulawo wakwe wo we katali na katali.”

Habakuki 1:12

Muwaha Mulungu ku wulawa mwamulizo yo gwegwe Mulungu, agwe yo wuli Mulungu wangu, mono welile na we cibitilila, Muwaha Mulungu wangu no mudimi wangu. Alu wawahagula i Wababiloni no kuwanoza wawe ne vilungo, ho wasume kucilipiciza ase.

Matayo 17:2

Na lono wali wamulanjile, u mwene Yesu yakawa kupituka i futa yakwe, u wusu wakwe wukang'alala nhe lizuwa, ne vivwalo vyakwe, vikawa vizelu swee, kotya nha wuzelu we lizuwa.

Matayo 28:3

No wulangwe wakwe, yejelaga yenha limuli, ne vivwalo vyakwe, vyali vizelu swee, kotya seluji.

Maluko 9:3

ne vivwalo vyakwe vikang'alala, vikawa vizelu swee, hamba musina munhu wo wose mononze yose, mono yali yasumile kuvyeza viwe vizelu swee nha vivilya.

Metumo ge Watumwa 2:30

Ninga Dawudi vyono yali muwizi, yali yamanyile vyono u Mulungu yamwilahila ko wilahe, vyono mu lulelo lwakwe, kolomwikaza yunji mwigoda lyakwe;

Metumo ge Watumwa 2:33

Yesu yawuya kucanyha, sunga ku lubavu lo kulume lo Mulungu, yakabocela kuli Sogwe cicilya cipegwa cono yehuwiza, co Muhe Mono Yelile; holeka azi zono mukuwona alu, no kuhulika, wo wumwajilwe wa yuyo Muhe.

Wafilipi 3:9

no kwilunziza nayo lukulu. Alu ane si nghuwusacila lukulu kanyhi u wiling'ano wa mu wuhulika u wulajilize, hambi alu nha nawutuga u wiling'ano wono wukwijelela mu nzila yo kumwihuwila Kilisito, u wiling'ano wono wukulawa kuli Mulungu, wono wukuziza mu wihuwilo.

1 Timoteyo 6:16

Umwene yali wene du yo kekalaga mumi cibitilila, kanyhi kekalaga mu wuzelu wono hasina munhu wo wose mono yadahile kuwusejelela. Hasina munhu mono yasuma kumuwona, hamba mono kosuma kumuwona. Kuli mwene lyeze yilumbo ne vilungo vye cibitilila! Heya.

1 Yohana 1:5

I nghani yono cayihulika kuli Yesu, yono cikumulonjelenyi, nha yoyi, u Mulungu wo wuzelu, na muli mwene, musina hamba citi.

Wugubule 1:14

I zimvwili zakwe zali nzelu swee, zihwanile wuhamba, kotya seluji, ne meso gakwe gang'alalaga nha moto,

Wugubule 19:18

Ale, nzonyi muzilye zi nyama ze miwili ye watemi, na ze miwili ye wasilikale wawaha, ne ze miwili ye wanhu we vilungo, na ze miwili ye zifwalasi hamonga na wono wazipandaga, nzonyi mulye nyama ye miwili ye wanhu wose, i wanhu i walelele ne wawanda, i wadodo ne wawaha.”

Wugubule 20:4

Nghawona magoda ge citemi hamonga ne wanhu wono wali wagekaliye. I wanhu wawo, wakapegwa vilungo vyo kuling'aniza. Nghawona kanyhi ne zinhumbula za wono wadumulwa mitwe yawo ku soko yo kumuganula Yesu, na ku soko yo kuyiganula nghani yo Mulungu. Wawano wo wawo wono si walihemba lilimu lililya hamonga ne cihwani calyo, kanyhi hamba si wawicilwa citanjilo mu mahanda go wusu wawo, hamba mu miwoko yawo. Wakawumipa kanyhi, no kutema hamonga na Kilisito myaka elufu monga.

Wugubule 4:2

Ho baho baho du nghawa mu Muhe. Kumbe kuko ku wulanga holili yigoda lyo wutemi, na mucanyha yalyo, yali yekaye yunji.