Danyeli 7:27 - Luganuzi Luswanu Kuli Wanhu Wose 2002

²⁷ Baho, i vilungo no wuwaha wo wutemi wose wa mono'nze, wolopegwa i wanhu wo Mulungu Mono Yalawiliciye. Ne vilungo vyo wutemi wawo, si viladuma yaye. Ne watemi wose wa mono'nze, wolowetumamila no kuwahulika.”

Danyeli 7:27 ပူးပေါင်းရင်းမြစ်များ

Zabuli 145:13

No wutemi wako, wo wutemi we cibitilila, no wulajilize wako, nha wikalaga cibitilila. U Muwaha Mulungu nha mwihuwilwa, mu wihuwizo wakwe, kanyhi yali lusungu mu nyituma yakwe.

Zabuli 22:27

Ne yinze yose yokumbucila, no kumuwuyila Muwaha Mulungu, ne zimhuga zose ze makungugo, zomuhemba.

Zabuli 72:11

Ne watemi wose wa mono'nze, womupela cogopo, sunga ne wanhu we makungugo gose, womwitumamila.

Zabuli 86:9

I makungugo gose gono wagawumba, gokuza no kukuhemba gwegwe, 'gwe go Muwaha Mulungu, nago gokwanza zo wuwaha we litagwa lyako.

Isaya 14:2

Sunga ne makungugo menji, golowataziliza i wanhu wa Isilayeli, ho wawuye ku yisi yono Muwaha Mulungu yawapela, na hanyuma kanyhi i makungugo gago, golowa nha wawanda, golowetumamila i Waisilayeli. Na wawo wono wawateka Waisilayeli, alu nawo woletekwa ne Waisilayeli no kuwatema wene wono wali wawewoneye.

Isaya 54:3

Kanyhi koyigazimhya ne mipaka yako mbavu zose, hambi wanhu wako wono webatwe ne makungugo ganji, nha wolowuya wose. Ne makaya gono galekwa, gose gomema wanhu.

Isaya 9:7

No wuwaha wo wutemi wakwe, wojendelela kuwiluka no wutemi wakwe, wowa kwikala wa mulamu nhondo zose. Mwene kolohala u wutemi wose wo mutemi Dawudi, ho no kutema mu wutemi wakwe, kuwusikamya no kuwukamisa mu wiling'ano ne ling'ani ku wulawa lulu, sunga ne cibitilila. Nayo Muwaha Mulungu we mihanga, kohidimbala sunga yazitume zose zizi.

Danyeli 2:44

Na mu vilo vyo wutemi wuwo wose, Mulungu wa ku wulanga, kolowusimya wutemi wunji wono siwuladuma yaye, hamba kusumwa yaye. No wutemi wuwo, wolowongomeza wutemi wose, ninga wene wokwikala cibitilila ne cibitilila.

Danyeli 4:34

Mutemi yakatya, “Na lono myaka mupunghati yali yakondya kupuluta, nghenula meso gangu kucanyha, ne mahala gangu gakambuyila kanyhi, nghamulumba Mulungu Mono Yalawiliciye, nghamupela lilumbo no lukumyo mwene mono kekalaga cibitilila. “Mwene kolotema cibitilila. No wutemi wakwe hamba siwuladuma yaye.

Danyeli 6:26

Nene Daliyo, nghumulajilizenyi anye wose wa mu wutemi wangu, vyono wanhu wose, munojeye mumogope no kumupela cogopo Mulungu wa Danyeli. “Mwene yo Mulungu mumi, Mono kolotema cibitilila. No wutemi wakwe, siwulahodanjika yaye, ne vilungo vyakwe sivyoloduma yaye.

Danyeli 7:14

Yakawa kupegwa vilungo ne lilumbo, hamonga no wutemi, i wanhu wose we zinghungugo zose, na we zimbeyu zose, na we milonjele yose, ho wamwitumamile mwene. Ne vilungo vyakwe vyokwikala cibitilila, no wutemi wakwe si wuladuma yaye.

Danyeli 7:18

Nawo i wanhu wo Mulungu Mono Yalawiliciye, wolowubocela wutemi, no kutema cibitilila.”

Danyeli 7:22

Ninga yu yulya nayo mono kekalaga mumi cibitilila, yakawa kuza, yakawaling'aniza i wanhu wo Mulungu Mono Yalawiliciye, mu nghango yo wendo wakwe kuli wene. Ne cipango nha cakondya kuza, co kupegwa wutemi i wanhu wo Mulungu.

Obadiya 1:21

Wanhu wo wusume wa Yelusalemi, woloyihoma Edomu no kuyitema. No Muwaha Mulungu mweneco, kolowa yo mutemi.”

Zakaliya 14:9

Ale baho, u Muwaha Mulungu ho kolowa yo mutemi we yinze yose. Baho wose wolomuhemba mwene vyono yo Mulungu, kanyhi wolomumanya mwene vyono lilyo lyo litagwa lyakwe.

Luka 1:33

nayo kotema mhuga ya Yakobo cibitilila, no wutemi wakwe si wulawa na ndumo.”

Yohana 12:34

Holeka lipuga lye wanhu likamupitula, likatya, “Ase cahulika mu Wulajilize, vyono Kilisito kekalaga cibitilila. Alu agwe kosuma nhawule kutya, ati, ‘U Mwana wo Munhu si koleka kwinulwa?’ Alu yuyo u Mwana wo Munhu yo nani.”

1 Wakolinto 15:24

Na hanyuma ya zizi, u mudumo ho wolokuza, mwidaha lono Kilisito komupelela u wutemi u Sogwe Mulungu, lono kowa yakondya kuwusiza lukulu, u wutemi wose, no wuwaha wose, sunga ne vilungo vyayo.

Wugubule 11:1

Hanyuma nghapegwa cidete cono cihwanile cibici co kupimila, nghalonjelwa nhavi, “Ale winukaje wukawupime u wuhembelo wo Mulungu, hamonga no wukumbicilo wo kufusiza wuvumba, kanyhi wuwawale ne wanhu wono wakuhembela mumo mu wuhembelo.

Wugubule 11:15

Hanyuma, nayo malayika wo mupunghati yakayitowa ndulele yakwe. Ne mazi mawaha gakahulikwa ku wulanga gakutya, “Alu u wutemi wa mononze, weza wo Muwaha wetu na Kilisito wakwe. Nayo kotema cibitilila ne cibitilila.”

Wugubule 17:14

Nawo wokwihoma no Mwana we ngholo, ningo Mwana we ngholo, hamonga na wawala wono yawacema, kanyhi yakawahagula, i wanhu wehuwilwa, kowasuma wawo, vyono u mwene yo Muwaha we wawaha, kanyhi yo Mutemi we watemi.”

Wugubule 19:16

Na mu vivwalo vyakwe hamonga na mu mugulu wakwe, yali mwandikwe litagwa lya, “U Mutemi we watemi, no Muwaha we wawaha.”

Wugubule 20:4

Nghawona magoda ge citemi hamonga ne wanhu wono wali wagekaliye. I wanhu wawo, wakapegwa vilungo vyo kuling'aniza. Nghawona kanyhi ne zinhumbula za wono wadumulwa mitwe yawo ku soko yo kumuganula Yesu, na ku soko yo kuyiganula nghani yo Mulungu. Wawano wo wawo wono si walihemba lilimu lililya hamonga ne cihwani calyo, kanyhi hamba si wawicilwa citanjilo mu mahanda go wusu wawo, hamba mu miwoko yawo. Wakawumipa kanyhi, no kutema hamonga na Kilisito myaka elufu monga.

Wugubule 22:5

I cilo si colokwijela kanyhi, hamba si wolosaka wuzelu we tala hamba we'zuwa, hambi u Muwaha Mulungu nha kowamulicila, nawo wotema cibitilila ne cibitilila.