Danyeli 7:17 - Luganuzi Luswanu Kuli Wanhu Wose 2002

¹⁷ “Aga i malimu mane mawaha gono wukugawona, gago wo wutemi wune wono hanyuma wotema mono'nze.

Danyeli 7:17 ပူးပေါင်းရင်းမြစ်များ

Zabuli 17:14

Gwe go Muwaha Mulungu, wumhonyaje no muwoko wako kuli wanhu wawo, i wanhu wono walangaga za mu sawo ya mononze yiyi du. Wuwalipicizaje kwe magayo gono wawawicila, gawe gawakwiliye ne wana wawo, wawalecele sunga ne wezukulu zawo.

Danyeli 7:16

Nghawa kumubitila yumonga wa muli wono wali wemile baho, nghamulomba yandoloseze zose zo wugubulilwe wuwo. Nayo yakanonjela nhunizo yayo yakatya,

Danyeli 7:18

Nawo i wanhu wo Mulungu Mono Yalawiliciye, wolowubocela wutemi, no kutema cibitilila.”

Yohana 18:36

Yesu yakamupitula yakatya, “Wutemi wangu si we yinze yiyi. Wutemi wangu mhali wuwe we yinze yiyi, mhali vilewane ne wetumami wangu, ho ndece kulavywa kuli Wayahudi, alu ninga wutemi wangu si wa kononze ng'o.”

Wugubule 13:1

Hanyuma, nghawona yilimu linji likulawa kwi'lenga. Nalyo lyali lina mitwe mupunghati ne mahembe yikumi, ne mahembe gose limonga limonga, lyali lina mukumbo. Ne litagwa lye nhovu kuli Mulungu, lyali lyandikwe mu mitwe yiyo.

Wugubule 13:11

Hanyuma kanyhi, nghawona yilimu linji likulawila, likulawa kusi ye'si. Nalyo lyali lina mahembe mejete, gono genha ge nyana ye ngholo, nalyo lyalongaga nhe lizoka.