Danyeli 7:14 - Luganuzi Luswanu Kuli Wanhu Wose 2002

¹⁴ Yakawa kupegwa vilungo ne lilumbo, hamonga no wutemi, i wanhu wose we zinghungugo zose, na we zimbeyu zose, na we milonjele yose, ho wamwitumamile mwene. Ne vilungo vyakwe vyokwikala cibitilila, no wutemi wakwe si wuladuma yaye.

Danyeli 7:14 ပူးပေါင်းရင်းမြစ်များ

Zabuli 102:22

mwipango lono makungugo gose, gokwikongholelela hamonga, ne matemi gamuhembe Muwaha Mulungu.

Zabuli 103:19

Nayo Muwaha Mulungu, yaliwicile ku wulanga, ligoda lyakwe lyo wuwaha, nayo yo yatemile muli vyose.

Zabuli 145:13

No wutemi wako, wo wutemi we cibitilila, no wulajilize wako, nha wikalaga cibitilila. U Muwaha Mulungu nha mwihuwilwa, mu wihuwizo wakwe, kanyhi yali lusungu mu nyituma yakwe.

Zabuli 146:10

Muwaha Mulungu yatemile cibitilila, Mulungu wako 'gwe go Sayuni, yo mutemi muli zindelo zose. Mumulumbe Muwaha Mulungu!

Zabuli 45:6

Ne ligoda lyako lyo wutemi, lye 'goda lyo Mulungu, likalaga cibitilila ne cibitilila. Nagwe wukuwatema wanhu wako ko wiling'ano.

Zabuli 72:11

Ne watemi wose wa mono'nze, womupela cogopo, sunga ne wanhu we makungugo gose, womwitumamila.

Zabuli 72:17

Litagwa lyo Mutemi, lyeze no lukumyo vilo vyose, no lukumyo lwakwe lwikale sunga ha nghango, yo wung'alale we lizuwa. Ne makungugo gose, gamoteswe muli Mwene, sunga ne wanhu wose wamutye yo mumoti.

Zabuli 8:6

Nagwe wukamupela wulajilize muli milimo yako yose. Wukaviwika viwumbwa vyose hasi yo wulajilize wakwe,

Isaya 16:5

Hanyuma ya zizo, yunji wa muli wana wa Dawudi, yo kolowa mutemi. Nayo mutemi yuyo, kolowatema wanhu ko wihuwilwa na ko wendo. Nayo kanyhi kolowa mupelu ku wituma zo wiling'ano, kanyhi kolosaka ling'ani du yo yitumwe mu wutemi wakwe.

Isaya 60:12

Ne makungugo gono si gokwitumamila gwegwe, ane nogongomezeza lukulu.”

Isaya 9:6

Hambi nha calelelwa mwana! Capegwa mwana wa cilume! Nayo yo kowa yo mutemi wetu. Ne litagwa lyakwe kocemwa, “Mwijizi wo Wizine, Mulungu mono yali Vilungo.” “U sogo yetu we Cibitilila, Mutemi wo Mulamu.”

Isaya 9:7

No wuwaha wo wutemi wakwe, wojendelela kuwiluka no wutemi wakwe, wowa kwikala wa mulamu nhondo zose. Mwene kolohala u wutemi wose wo mutemi Dawudi, ho no kutema mu wutemi wakwe, kuwusikamya no kuwukamisa mu wiling'ano ne ling'ani ku wulawa lulu, sunga ne cibitilila. Nayo Muwaha Mulungu we mihanga, kohidimbala sunga yazitume zose zizi.

Danyeli 2:35

Lo lulo lulo cuma, ne lilongo linamu, ne shaba ne fweza hamonga ne zahabu, vikasajika, vikawa nhe mawaje ga mu cuga, ga mu vilo vye nhwanga. Mbeho yikavipemhelusa hamba si vyasigala yaye. Libwe lililya likawahapa likawa yitunda lyono likayimemya yinze yose.

Danyeli 2:37

Gwe mutemi, agwe yo gwegwe mono wuli mutemi muwaha muli watemi wose. Mulungu wa ku wulanga yakupela wuwaha no wusume, ne vilungo, hamonga ne lilumbo.

Danyeli 2:44

Na mu vilo vyo wutemi wuwo wose, Mulungu wa ku wulanga, kolowusimya wutemi wunji wono siwuladuma yaye, hamba kusumwa yaye. No wutemi wuwo, wolowongomeza wutemi wose, ninga wene wokwikala cibitilila ne cibitilila.

Danyeli 3:4

hobaho munya kulalika yakawalonjela wanhu kwe yizi 'waha yakatya, “Anye nyo wanhu we zinghungugo zose, na we zi ndelo zose, na we milonjele yose.

Danyeli 4:3

Vitanjilo vyakwe nha viwaha, vyono Mulungu mumi yakucilajila! Ne mezino ge vilungo nha mawaha gono yakwituma. Mulungu yo Mutemi cibitilila, kanyhi yo kolotema mu zindelo zose.”

Danyeli 6:26

Nene Daliyo, nghumulajilizenyi anye wose wa mu wutemi wangu, vyono wanhu wose, munojeye mumogope no kumupela cogopo Mulungu wa Danyeli. “Mwene yo Mulungu mumi, Mono kolotema cibitilila. No wutemi wakwe, siwulahodanjika yaye, ne vilungo vyakwe sivyoloduma yaye.

Danyeli 7:18

Nawo i wanhu wo Mulungu Mono Yalawiliciye, wolowubocela wutemi, no kutema cibitilila.”

Danyeli 7:27

Baho, i vilungo no wuwaha wo wutemi wose wa mono'nze, wolopegwa i wanhu wo Mulungu Mono Yalawiliciye. Ne vilungo vyo wutemi wawo, si viladuma yaye. Ne watemi wose wa mono'nze, wolowetumamila no kuwahulika.”

Obadiya 1:21

Wanhu wo wusume wa Yelusalemi, woloyihoma Edomu no kuyitema. No Muwaha Mulungu mweneco, kolowa yo mutemi.”

Mika 4:7

Wakawa wakusenzegula, kanyhi wali kutali no kwawo. Ninga hamba nhavivyo nowanozeza mwamulizo mupya wawo wono wasigala, nawo wowa likungugo yiwaha lye vilungo. Nane notema hali wene mwi'tunda lya Sayuni, ku wulawa mu vilo vivyo sunga cibitilila.”

Matayo 11:27

“Baba yamhela vinhu vyose. Na hasina mono yamumanyile Mwana, langa hono si Baba du, hamba hasina mono yamumanyile Baba, langa hono si Mwana du, kanyhi na wo wose mono u Mwana kokwenda kumumanyiza.

Matayo 28:18

Nayo Yesu yakaza sunga behi nawo, yakawatya, “Ane mhegwa u wulajilize wose, wa ku wulanga, sunga na wa kono'nze.

Luka 1:33

nayo kotema mhuga ya Yakobo cibitilila, no wutemi wakwe si wulawa na ndumo.”

Luka 10:22

Hanyuma yakatya, “Baba yaviwika vyose mu miwoko yangu, hamba hasina mono yamumanyile Mwana yo wa hayi, langa Baba, hamba mono yamumanyile Baba yo wa hayi; langa Mwana, na muli wose mono Mwana yakuhila kumugubulila zizo.”

Yohana 12:34

Holeka lipuga lye wanhu likamupitula, likatya, “Ase cahulika mu Wulajilize, vyono Kilisito kekalaga cibitilila. Alu agwe kosuma nhawule kutya, ati, ‘U Mwana wo Munhu si koleka kwinulwa?’ Alu yuyo u Mwana wo Munhu yo nani.”

Yohana 3:35

U Sogo yo munhu yamwendile Mwana, Nayo yamupelile vinhu vyose.

Wahebelaniya 12:28

Holeka ase, yicinojeye cilumbe muno, vyono cikuwubocela u wutemi wono si wukusinjisika. Ciweze ne lilumbo no kumuhemba u Mulungu mu nzila yono yikumwendeza, hamonga no winenenyhezi ne cogopo;

1 Petelo 3:22

mono yabita ku wulanga, nalu yekaye ku lubavu lo kulume lo Mulungu, yawatemile wamalayika, ne wawaha, na wono walawiliciye.

Wugubule 1:6

yakacinoza ciwe wutemi, ciwe wakohani, ho cimwitumamilo Mulungu u Sogwe. Ale, kuli mwene Yesu Kilisito, lweze lukumyo ne vilungo, cibitilila ne cibitilila! Heya.

Wugubule 11:15

Hanyuma, nayo malayika wo mupunghati yakayitowa ndulele yakwe. Ne mazi mawaha gakahulikwa ku wulanga gakutya, “Alu u wutemi wa mononze, weza wo Muwaha wetu na Kilisito wakwe. Nayo kotema cibitilila ne cibitilila.”

Wugubule 17:14

Nawo wokwihoma no Mwana we ngholo, ningo Mwana we ngholo, hamonga na wawala wono yawacema, kanyhi yakawahagula, i wanhu wehuwilwa, kowasuma wawo, vyono u mwene yo Muwaha we wawaha, kanyhi yo Mutemi we watemi.”

Wugubule 3:21

“Wono wosuma, wawo nowekaza hamonga nane mwi'goda lyangu lyo wutemi nha vyono ane no mweneco nasuma, nghawa kwikalana hamonga na Baba mwigoda lyakwe lyo wutemi.