Danyeli 7:13 - Luganuzi Luswanu Kuli Wanhu Wose 2002

¹³ Na mu wugubulilwe wuwu ne cilo, nghawona cinhu cinji kanyhi cono cali cihwanile munhu. Nayo munhu yuyo yakawa kusejelela hali'ne, akuno yapilimwe ne mavunde. Hanyuma yakawa kubita kuli mono kekalaga mumi cibitilila, yakelajila kuli mwene.

Danyeli 7:13 ပူးပေါင်းရင်းမြစ်များ

Zabuli 110:2

Hambi Muwaha Mulungu nha kotandaza, vilungo vyako wulawilila ku Sayuni, yakutya, “Ale wuwatemaje walugu wako!”

Zabuli 2:8

Ale wulombe kuli'ne nane nokupela makungugo gawe wuhazi wako, ne yinze nayo yose yiwe sawo yako.

Zabuli 47:5

U Mulungu kabita kucanyha akuno yakusangalalilwa, Muwaha Mulungu kabita kucanyha, akuno yakutowelwa ne zindulele.

Yelemiya 49:19

Nane nolokuza niwanoze Waedomu wayitize nhinicizo yisi yawo, nha vyono simba yiswelepukaga nhinicizo, yikulawa mu mibici yono yititile muno, ya mu mwalambalo we likolongo lya Yoludani, mu wudimilo wono si wunyalaga. No mulongola mono nomuhagula nene, yuyo yo kololitema likungugo. Hambi nani lo mono yenha nene? Hamba nani lo mono konhemezezya madaha? Hamba mutemici mono kokwisumaniza nane?

Ezekiyeli 1:26

Na mucanyha yo mwanya wa mu mitwe yavyo, hali na cinhu cono cejelaga nhe 'goda lya nhojo, yinozwe ne vibwe vyo wuguzi wukamu vye liwala lye dedede. Na mwi'goda lilyo lye nhojo, cali cikaye cinji cihwanile futa ya munhu.

Danyeli 2:44

Na mu vilo vyo wutemi wuwo wose, Mulungu wa ku wulanga, kolowusimya wutemi wunji wono siwuladuma yaye, hamba kusumwa yaye. No wutemi wuwo, wolowongomeza wutemi wose, ninga wene wokwikala cibitilila ne cibitilila.

Danyeli 7:12

Nago agalya malimu ganji, gakawusizwa vilungo vyago. Ninga gakakombolwa gekale momi cidaha cono gali gatemezwe.

Danyeli 7:2

nazo zono naziwona mu ndoto mu cilo cico, zo zino, Mbeho yakukunzaga kulawa mbavu zose, yikwisumaniza mucanyha ye lilenga.

Danyeli 7:22

Ninga yu yulya nayo mono kekalaga mumi cibitilila, yakawa kuza, yakawaling'aniza i wanhu wo Mulungu Mono Yalawiliciye, mu nghango yo wendo wakwe kuli wene. Ne cipango nha cakondya kuza, co kupegwa wutemi i wanhu wo Mulungu.

Danyeli 7:9

Na lono nali nghali nanjile, nghawona magoda go wutemi gakuwikwa hanhu hayo. Na mono kekalaga mumi cibitilila, yakekala mwi'goda limonga lya muli magoda gago. Nayo yali yavwalile myenda mizelu swee, kotya seluji. Ne zimvwili zakwe, zali zinha wukunzeje wa ngholo, wuswanu muno. Ne ligoda lyakwe, lyali yinozezwe maguludumu ga moto, gang'alalaga nha moto.

Danyeli 8:15

Nane nghasaka ho manye nhunizo yo wugubulilwe wuwo, na kumbe munhu yunji yakema nhinicizo ha mwande yangu.

Matayo 13:41

U Mwana wo Munhu kolowatuma wamalayika wakwe, ho wawakongholeze kulawa mu wutemi wakwe, wose wono wambuzaga wanhu wetume wubi, sunga na wose wono wetumaga zo wavu,

Matayo 24:30

Ale baho langa, icitanjilo co Mwana wo Munhu, ho cilejelela ku wulanga, we makungugo gose ga kono'nze baho ho wololilila, nawo wolomuwona u Mwana wo Munhu, yakuziza mu mavunde mucanyha, akuno yena ne vilungo vinji hamonga no lukumyo luwaha.

Matayo 25:31

“Mu cipango cono kolokuziza u Mwana wo Munhu mu lukumyo lwakwe, yena hamonga ne wamalayika wakwe, baho ho yalekala mwi'goda lyakwe lye nhojo, lyo lukumyo.

Matayo 26:64

Yesu yakamutya, “Nha kulonga gwegwe! Ninga nghumulonjelenyi mbeka, vyono kulawa lulu momuwona u Mwana wo Munhu yekaye ku lubavu lo kulume lo Mulungu u Mudaha vyose, yakuziza mu mavunde go wulanga.”

Matayo 28:18

Nayo Yesu yakaza sunga behi nawo, yakawatya, “Ane mhegwa u wulajilize wose, wa ku wulanga, sunga na wa kono'nze.

Matayo 8:20

Ninga Yesu yakamupitula yakamutya, “Imacewe, gena mamwina, ne zindeje nazo zina manhuli, ninga u Mwana wo Munhu, yasina hamba hanhu ho kuceha.”

Maluko 13:26

Ale baho ho wolomuwona u Mwana wo Munhu yakuziza mu mavunde kwe vilungo viwaha ne nhojo.

Luka 21:27

Hobaho ho wolomuwonela Mwana wo Munhu, yakuziza mwivunde ne vilungo ne nhojo mbaha.

Luka 21:36

Ninga mwikalaje meso mu mapango gose, mweze kulomba, ho mutuje vilungo vyo kusumila kugatiza gaga gose gono golowa, no kwima hali Mwana wo Munhu.”

Luka 24:27

Yesu yakawaloloseza zose za mu Mandiko Gono Gelile, zono zali zimunojeye mwene, ku wulawilila kuli Musa, sunga na mu wawizi wose.

Yohana 12:34

Holeka lipuga lye wanhu likamupitula, likatya, “Ase cahulika mu Wulajilize, vyono Kilisito kekalaga cibitilila. Alu agwe kosuma nhawule kutya, ati, ‘U Mwana wo Munhu si koleka kwinulwa?’ Alu yuyo u Mwana wo Munhu yo nani.”

Yohana 3:13

“Hasina munhu mono yabita ku wulanga, langa hono si u Mwana wo Munhu, yo yatima kulawa ku wulanga.”

Yohana 5:27

Kanyhi yamupeye no wulajilize wo kuling'aniza, ku soko u mwene, yo Mwana wo Munhu.

Metumo ge Watumwa 7:56

Yakatya, “Lanjenyi ta! Nghuwona wulanga wugubuce, no Mwana wo Munhu yemile u kulume ko Mulungu.”

1 Watesalonike 4:17

Hanyuma nase nhondo mono cili womi mwidaha lilyo, colonyasulanwa nawo mu mavunde no kumuhinjiliza u Muwaha, ale nhavivyo colowezana no Muwaha cibitilila.

1 Timoteyo 6:16

Umwene yali wene du yo kekalaga mumi cibitilila, kanyhi kekalaga mu wuzelu wono hasina munhu wo wose mono yadahile kuwusejelela. Hasina munhu mono yasuma kumuwona, hamba mono kosuma kumuwona. Kuli mwene lyeze yilumbo ne vilungo vye cibitilila! Heya.

Wahebelaniya 2:14

Alu nha vyono yinha, i wana wawo nha vyono mwene yakuwacema, wo wanhu wono wena muwili ne sakami, nayo Yesu mweneco, yakawa nha vyono wenha wene, nayo yakasola i hwani yawo yakawa munhu. Yanoza nhavivyo, ho yiwe so wufwe wakwe, yamusumile lukulu Setani, mono yena i vilungo vye lifwa,

Wahebelaniya 9:24

Hambi Kilisito nha si yenjila i hanhu Hono Helile hono hazenjigwe ne miwoko ye wanhu, hono henha hwani du ya acilya ce mbeka. Langa u Mwene yenjila ku wulanga du kweneco kono aluno yemile hali u Mulungu ku soko yetu.

Wugubule 1:13

na haciligati yayo, hakawa hoyuli yunji yenha munhu, nayo yali yavwalile kanzo nhali na musipi wa zahabu mu mhambaga yakwe.

Wugubule 1:18

Ane yo nene mono nili mumi! Nali fwiye, ninga'lu nili mumi cibitilila ne cibitilila. Nina wulajilize we lifwa sunga na wa mu yinze ye wafu.

Wugubule 1:7

Langa ta! Yakuziza mu mavunde! Ne wanhu wose wolomuwona, sunga na walya wono wamucinya no mugoha. Ne makungugo gose ga kono'nze, gololila ku soko yo mwene. Heya! Vyo yiweze.

Wugubule 14:14

Nane naza langa, kumbe baho hakawa ne 'vunde yizelu. Na mucanyha ye livunde lilyo mwali mocili ciwumbwa cono cali cihwanile munhu. Yali yavwalile mukumbo wa zahabu mu mutwe wakwe akuno yebate ne hengo nghali mu muwoko wakwe.