Danyeli 7:10 - Luganuzi Luswanu Kuli Wanhu Wose 2002

¹⁰ Ne cikolongo co moto, cahulumaga cikulawilila mwi'goda lilyo. Na kanyhi hakawa ho wali wanhu maelufu na maelufu wono wakumwitumamila, hamonga ne wanhu waficile mamilyoni na mamilyoni, wono wemile hali mwene wakumwitumamila. Nago mahakama gakawa kwanza milimo yayo yo wu wuling'anizi ne vitabu vikagubulwa.

Danyeli 7:10 ပူးပေါင်းရင်းမြစ်များ

1 Watemi 22:19

Nayo Mikaya yakajendelela kulonga yakutya, “Alu Ahabu, wuhulicize zono Muwaha Mulungu yakuzilonga! Nane namuwona Muwaha Mulungu yekaye mwi'goda lyakwe ku wulanga, hamonga ne wamalayika wakwe wamupilime.

2 Zinghomo 18:18

Nayo Mikaya yakajendelela kulonga du yakutya, “Alu Ahabu, wuhulicize ta, zono Muwaha Mulungu yakuzilonga. Nane namuwona Muwaha Mulungu yekaye mwi'goda lyakwe ku wulanga, hamonga ne wamalayika wakwe wamupilime.

Jobu 25:3

Wule, ho yuli munhu wo wose, mono kosuma kuwawala wamalayika wose, wono wamwitumamilaga? Hamba ho hali hanhu ho hose hono wuzelu wo Mulungu si wumulikaga?

Zabuli 103:21

Nanye nyo we vilungo ku wulanga, mukumyenyi Muwaha Mulungu, mukumyenyi anye nyo wetumami wakwe, anye mono mwibate zo wuhile wakwe!

Zabuli 18:8

Lyosi likakomoka kulawa mu zimhula zakwe, no moto mukali wukalawila mu mulomo wakwe, ne makala go moto gakalipuka kulawa kuli mwene.

Zabuli 50:3

U Mulungu wetu yakuza, hamba si konyamala yaye, no moto wono wutakamizaga, nawo wumulongoleye, no mukukunzo we libeho likali, wumupilime.

Zabuli 68:17

Nayo Muwaha Mulungu yakulawa ku Sinayi, yakuza hono helile hakwe, yali hamonga ne lipuga yiwaha, lya maelufu na maelufu lye matuka go wulugu.

Isaya 30:27

Nalo lukumyo, hamonga ne vilungo vyo Muwaha Mulungu, vijelelaga kutali. Nawo moto hamonga ne lyosi, vilajilaga likuwo lyakwe. Mwene kalongaga, ne zinghani zakwe zikuwa kunyanya nho moto.

Isaya 30:33

Ne likombo lyo moto muwaha, lyakondya kuwikanizwa ku wulawa katali, i hanhu hono kolotakamizizwa u mutemi wa Ashuli. Ne likombo lilyo yitali, kanyhi yigazi muno, nalyo limemile lilundo yiwaha lya ngwagu. Nayo Muwaha Mulungu kololyehelela, no mwehelo wakwe wolowa malambi ga moto, gono gololikoleleza moto likombo lilyo.

Danyeli 12:1

Nayo malayika mono yali yavwalile myenda ye bafuta, yakanonjela nene Danyeli, yakatya, “Mwi'pango lyono kolokuziza Mikayeli u mulongola we Wamalayika, mono kawadimaga wanhu wako, baho lyolowa yipago lyo wugaye wuwaha muno. Wugaye wono wukali nejela mu madaha go gose, ku wulawa vyono lyamuliziza likungugo, sunga mu madaha gago. Na kolo likuza lidaha lilyo, i wanhu we nghungugo yako, wono matagwa gawo gandicigwe mu citabu co Mulungu, wose wolopona.

Danyeli 7:22

Ninga yu yulya nayo mono kekalaga mumi cibitilila, yakawa kuza, yakawaling'aniza i wanhu wo Mulungu Mono Yalawiliciye, mu nghango yo wendo wakwe kuli wene. Ne cipango nha cakondya kuza, co kupegwa wutemi i wanhu wo Mulungu.

Danyeli 7:26

Nago mahakama ga ku wulanga, go gololavya u wuling'anizi, gomuwusiza vilungo vyakwe no kumongomezeza lukulu.

Zakaliya 14:5

Nanye molotiza mukolele mwi'lolo lilyo lyono lilitemanuye litunda hejete. Mulamanghaga nha vyono i wasogo zenyu wanozaga, mu vipango vye litulo lyono lyejela, mu vilo vyo mutemi Uziya wa Yuda. U Muwaha Mulungu wangu, mwene kolokuza hamonga ne wamalayia wakwe.

Matayo 25:31

“Mu cipango cono kolokuziza u Mwana wo Munhu mu lukumyo lwakwe, yena hamonga ne wamalayika wakwe, baho ho yalekala mwi'goda lyakwe lye nhojo, lyo lukumyo.

Wukumbucize wo Wulajilize 33:2

“Muwaha Mulungu yaza he 'tunda lya Sinayi, yakelajila kotya yizuwa mu yisi ya Edomu, yakawabulilila wanhu wakwe mu wulawa mwi'tunda lya Palani. Ne wamalayika elufu yikumi, wakawa wali hamonga nayo. Na mu muwoko wakwe wo kulume, yakawa yebate moto wono wakaga.

Wahebelaniya 1:14

I Wamalayika, yo myuhe du yono yikumwitumamila u Mulungu, nayo u Mulungu kawatumaga ho wawataze wawalya wono wowubocela u wukombozwe.

Wahebelaniya 12:22

Ninga anye muficile mwi'tunda lya Sayuni, ku kaya yo Mulungu mumi. Muficile Yelusalemi, ilikaya lya ku wulanga, kono wekonghoye wa malayika maelufu menji si wakuwala.

Yuda 1:14

Nayo Enoci u kuku yetu wo mupunghati vyono yalawa Adamu, yawawilila i wanhu wawo yakutya, “Langa ta, u Muwaha yaza na maelufu ga wamalayika wakwe wono welile,

Wugubule 11:18

Wanhu wono si wamumanyile Mulungu wakakolwa likuwo, vyono lidaha lye likuwo lyako lyakondya kuza, lyo kuwaling'aniza i wafu. Naco co cipango co kuwapelela ligawo lyawo wetumami wako wawizi wanhu wako, na wose wono walikumyaga, litagwa lyako, wawaha ne wadodo. Kanyhi co cipango co kuwongomeza wono wakuyongomeza yinze.”

Wugubule 5:11

Hanyuma nghalanga, nghahulika lizi lya wamalayika wenji muno wono si wakuwala, maelufu na maelufu. Wali wekaye walipilime ligoda lyo wutemi, navyo viwumbwa vine vyumi, hamonga na walye wawaha,