Danyeli 6:8 - Luganuzi Luswanu Kuli Wanhu Wose 2002

⁸ Holeka 'lu, 'gwe mutemi, wulavye lilajilizo lili, wuliwicile ne citanjilo ho liwe ne vilungo, lilece kukawanika, nha vyono winha wulajilize we Wamedi ne Wapelisiya wono si wukawanikaga.”

Danyeli 6:8 ပူးပေါင်းရင်းမြစ်များ

Esita 1:19

Holeka hono wuwone viswanu, go Mulumbwe, wulavye wulajilize wukali mu wutemi wako, vyono, Vashiti yalece kanyhi kuza ha mwande yo mutemi. Lajilize mu matumbi gose ga mu yisi yako yo Pelisiya no Wumedi, no wulajilize wuwo, wuwe wono siwulakawanika yaye. Hanyuma wumulondole mugolece yunji mono mutuvu, yo yapegwe lilumbo lyo wugolece wo mutemi.

Esita 3:12

Hobaho mwizuwa lye kumi ne 'datu lya mu mwezi mulongozi, Hamani yakawacema wandici wose wo mutemi, yakawasomela lilajilizo, nalyo likandikwa mu zinonga zose za mu yisi, na mu nzila yo wandice wono wetumamilwaga mu wutemi. Hanyuma yakawa kuzitegula kuli watemi, ne walongola wose. Yakawicila sayini ye litagwa lyo mutemi Ahasuwelo, hamonga ne citanjilo ce nyamwidole yakwe.

Esita 8:10

Moledekayi yakawa yakondya kuzituga baluwa zono nyandikwe mwi'tagwa lyo mutemi Ahasuwelo, nayo yakawa kuziwicila ne citanjilo ce nyamwidole yo mutemi. Nazo zikategulwa ako na ako ne wanhu wono watumwa, wono wajendelaga zi fwalasi zono zamanghaga muno muno, zono zalawa mwi'bululu lyo mutemi.

Esita 8:3

Lulo lulo Esita yakegwisa ha magulu go mutemi, akuno yakulila no kulomba ko mutemi ho yagawuse mahweso go wuhile wubi wa Hamani, u mwana wa mu lulelo lwa Agagi, gono yali yagehwesa yawatendele Wayahudi.

Esita 8:8

Ninga lilajilizo lyono yalilavya Hamani mwi'tagwa lyo mutemi, no kuwicilwa ne citanjilo ce nyamwidole yo mutemi, si lyosuma kukawanizwa yaye. Ninga hamba nhavivyo, yikunojeye nagwe wandice kuli Wayahudi, nha vvono wukwihwesa, wandice mwi'tagwa lyangu, wutajila ne citanjilo ce nyamwidole yangu yo wutemi.

Zabuli 94:21

Wene wawo welumbanizizaga mu zinzila, zo kuwongomezeza wanhu we ling'ani, no kuwaling'aniza wufwe, wanhu wono wasina wusutye.

Isaya 10:1

Woyi hee kuli'nye! Mono si mukunoza ling'ani langa mukuwewonela wanhu wangu.

Danyeli 5:28

PELESI, wo wutya, wutemi wako wagawanulwa wapegwa Wamedi ne Wapelisiya.”

Danyeli 6:12

hodu wakekongholela wose hamonga, wakatuluka kumusonjeza Danyeli kuli mutemi, wakatya, “Gwe mutemi, wawicila citanjilo mwi 'lajilizo, vyono, mu vilo makumi madatu kweze kusina munhu wo wose mono komulomba mulungu yunji, hamba munhu yunji, hono si kuli 'gwe du. Na hono yejele munhu mono si kokamisa lilajilizo lili, yuyo yagumilwe mu mhango yono yimemile zisimba.” Mutemi yakawapitula yakawatya, “Heya, ne lilajilizo vyo likutya, vyono wulajilize we Wamedi ne Wapelisiya si wukawanikaga.”

Danyeli 6:15

Hanyuma wanhu wawa, wakamuziza kanyhi mutemi, wakawuza wakamutya, “Gwe mutemi, wumanyile manyimanyi nha vyono, u wulajilize no wutemye we Wamedi na we Wapelisiya, wono wakondya kuwikwa no mutemi, vyono si wukawanikaga yaye.”

Matayo 24:35

U wulanga ne yinze, heya vyopuluta, ninga i zinghani zangu, si zolopulutila lukulu.”