Danyeli 6:7 - Luganuzi Luswanu Kuli Wanhu Wose 2002

⁷ Ase wose mono cikulongoza mu wutemi wako, co walanjilizi, ne walongola ne walamuzi, ne wanyamhala wa mu matumbi, na wose wono wena wulajilize na wose wa mu wulongola wuwu, cilumbaniza vyono, Agwe go mutemi, yikunojeye wulavye wulajilize, kanyhi wuwutyatilile viswanu. Alu wulavye lilajilizo wutye, mu vilo makumi madatu, kusina munhu mono kosuma kulomba nghani yo yose kuli mulungu yunji, hamba kuli munhu yunji wo wose, langa hono si kwako du gwegwe go mutemi. No munhu wo wose mono kobena wulajilize wuwo, yimunojeye yagumilwe mu mhango yono yimemile zisimba.

Danyeli 6:7 ပူးပေါင်းရင်းမြစ်များ

Zabuli 10:9

kawazumhilaga nhinicizo ku wulawa mumo, mu wihundiko wakwe nha simba. Katejelaga ho yawebate waciwa, nayo kawagwizaga ko mutego wakwe, kawa kuwasola.

Zabuli 2:2

Watemi wa mononze wakwiwikaniza, wawaha nawo wakwiheha hamonga, ho wamubedegale Muwaha Mulungu, hamonga no mwitilwa mafuta wakwe muhagulwa!

Zabuli 59:3

Alu, lanje, ta, vyono wakusepa wambulaje, i wanhu, wawulaji wakwilunza hamonga ku soko yangu.

Zabuli 59:5

Ale winuce 'gwe go Muwaha Mulungu, Mulungu u Mudaha Vyose, yo gwegwe go Mulungu wa Isilayeli. Winuce wuwalipicize wawo wanhu, wono si wakumanyile yaye, wulece kuwalecela lukulu i wabi, hamba yumonga, wose i wetuma zimbi.

Zabuli 62:4

Heya, anye langa mukuhila mungwise du, ku wulawa mwi'lumbo lyangu. Ne nyemo yenyu 'nye, yili ku wulonga, zo wulambi du. Anye mulugutaga du ko wulonje, ninga mu zinhumbula zenyu, mukulijitiza.

Zabuli 83:5

Nawo welumbanizize kumonga welunze ho walewane nagwe,

Zabuli 94:20

Agwe si kokwilumbaniza ne mahakimu, wono si watyatyaga ze ling'ani, wono wawuwikaga wulajilize mu nzila, yo kuwutetela wubi.

Danyeli 2:4

Nawo wakamupitula mutemi mu nonga ye Cishamu wakamutya, “Gwe mutemi, wuteme cibitilila! Ale wucilonjelaje ndoto yako co wetumami wako, nase cokulonjela nhunizo yayo.”

Danyeli 3:11

Na muli wose mono sikofugama no kucihemba cihwani cici, yimunojeye yagumilwe mwi'lambi lyo moto.

Danyeli 3:2

Baho mutemi yakalajiliza i wetumami wakwe wose, wekongholele hamonga, i watemi, ne walongola, ne watazi wawo, na wose wono wena wulajilize, ne wawaha we mahala, ne walamuzi, ne wakamisa viwutwa, hamonga ne wahakimu, ne walongola wose wa mu matumbi, waze ha wusiwanulwe we cihwani cico, cono Nebukadineza yacisimya.

Danyeli 3:27

Lulo, wose wa mwi'kulu, ne walongola wa mu matumbi, na wose wono wena wulajilize, hamonga ne wetumami wanji wose wo mutemi, wakekongholela hamonga, ho wawalanje wanhu wawa i wadatu wono hamba si watamiswe no moto yaye. Zimvwili zawo hamba sizatakamila, ne myenda nayo siyatakamila, hamba kutuga munungho du bwete we lyosi mu miwili yawo.

Danyeli 3:6

No munhu wo wose mono sikokwinama no kucihemba cihwani cico, munhu yuyo kogumilwa mwi'lambi lyo moto wono wukwaka muno muno.”

Danyeli 6:16

Hobaho mutemi yakalajiliza vyono Danyeli yebatwe. Hobaho Danyeli yakawa kwibatwa, yakagumilwa mu mhango ye zisimba. Mutemi yakamulonjela Danyeli yakamutya, “Ale, u Mulungu wako mono kumwitumamilaga nhondo zose, yo yuyo mono kokuponya.”

Danyeli 6:22

Mulungu kandetela Malayika mono kazidinda milomo zisimba, ho zilece kuhawanga. Kanoza nhavivyo, vyono kawona ane sina yisutya lyo lyose kuli mwene, hamba kuli'gwe, go mutemi.”

Mika 6:5

Anye nyo wanhu wangu, mukumbucile zizo zono Balaki u mutemi wa Mowabu, yali yewikanize ho yamutendelenyi 'nye, na vyono Balamu mwana wa Beyoli yamupitula. Kanyhi mukumbucile zono zejela, lono mwali muli mu nzila, ku wulawa ku nghambi ya Shitimu sunga ku Giligali. Holeka momanya zono nghamutendelenyi ho nimuponyenyi 'nye.

Nahumu 2:12

Simba yawulaga mapelembo gayo, yalupulanga mhonje mhonje so wagolece wakwe na so wanagwe. Yamemya nyama ye mapelembo gayo mu wikalo wayo.

Matayo 12:14

Hodu i Wafalisayo wakawa kulawila kunze, wakawa kulongana vyono wosuma kumongomeza Yesu.

Matayo 26:4

Wakalongana weneco wose, wakulondola nzila yo kumwibatila Yesu ko wusugu, ho wamuwulaje.

Maluko 15:1

Wali weza kwela hakali mitondo muno muno, iwakohani wakalaganila kumonga, hamonga ne wanyamhala ne wejizi wo Wulajilize, hamonga ne libalaza lyose, wakamuwopa Yesu ne manyolo, wakamutegula no kumukombola kuli Pilato.

Yohana 12:10

Ninga Wakohani wawaha wali walamuye vyono, wamuwulaje na Lazalo nhavivilya.