Danyeli 6:5 - Luganuzi Luswanu Kuli Wanhu Wose 2002

⁵ Holeka wakalongana weneco wose wakatya, “Nye hamba si cosuma kutuga nghani yo yose 'mbi muli mwene ho cimusonjeze, langa hono cilondole nghani yono vidomile no wulajilize wo Mulungu wakwe.”

Danyeli 6:5 ပူးပေါင်းရင်းမြစ်များ

Esita 3:8

Hamani yakawa yamutegulila zizi Mutemi Ahasuwelo, yakatya, “Moyili nghungugo yinji yono yiyagaye mu wutemi wako mu matumbi gose. Wono wena myoto yono yisimajiye ne myoto yetu, hamba si yihwanile ne myoto ye wanhu wanji wo wose. Hamonga na zizo, siwakwenda kwibata no kwituma wulajilize wa mu yisi yako. Nane nghwitumbila vyono, sikowawonela soni ho wapegwe wulipicizwe wanhu wawa.

Zabuli 37:32

U munhu mubi, kamusepaga u munhu muswanu, no kujela kumuwulaga,

Yelemiya 29:7

Mwitumaje ziswanu za mu makaya gago, kuko kono namunozenyi ho muwe wafungwa. Mugalombele kuli Muwaha Mulungu i makaya gago. Ku soko, hono gatuje wumoteswe, nanye nhavivyo mowa mwamoteswa.

1 Samwili 24:17

Hanyuma yakawa kumulonjela Dawudi yakatya, “Mbeka agwe mwanangu, wina ling'ani, ninga ane nili musutyi. Hambi nha wina nhumbula swanu muno kuli'ne, ninga ane nghutendela nghani 'mbi muno!

1 Samwili 29:3

I wawaha we wasilikale we Wafilisiti, wakawawona Dawudi hamonga ne wanhu wakwe. Hodu wakawa kuwuza wakutya, “Alu Wahebelaniya wawa wakunoza cici ahano?” Mutemi Akishi yakapitula yakatya, “Ayuno yo Dawudi, u mwitumami wo mutemi Sawuli we Waisilayeli. Yali yali hamonga nane vilo vinji. Nayo yakali hamba si netuma nghani yinji yo yose 'mbi ku wulawa vyono yaza.”