Danyeli 6:4 - Luganuzi Luswanu Kuli Wanhu Wose 2002

⁴ Hobaho i walongola, hamonga ne wawaha, wakalondola nzila yo kuluhodanga lukumyo lwa Danyeli mu mulimo wakwe. Ninga si wasuma, hambi Danyeli nha yali mwihuwilwa, kanyhi siyetumaga nghani 'mbi hamba yisutya lyo lyose.

Danyeli 6:4 ပူးပေါင်းရင်းမြစ်များ

Mwamulizo 41:38

Holeka Falawo yakawa kuwawuza wetumami wakwe, yakutya, “Alu comutuga hayi munhu yunji mono yehwanile yuyuno, munhu mono yena muhe wo Mulungu?”

Mwamulizo 43:18

Nawo wali weza kuwona vyono wakutegulwa ku kaya kwa Yusufu, hodu woga wukawebata muno muno, wakawa kwanza kulongana weneco wose wakutya, “Alu mwene nye, wacileta kukuno ku soko ye zipesa zizilya zono cikagomolelwa lululya lono caziza muhinzo mulongozi lo, ho yatuje cikojelwa co kucihungucila no kuciboka zindogowe zetu, yacinoze ciwe wetumami wakwe.”

Zimbazi 29:27

I wanhu we ling'ani, wawasulaga i wabi, nawo i wanhu wabi, wawasulaga i wanhu we ling'ani.

Muganuzi 4:4

Kanyhi ngheyijiza vyono kumbe wuhidimbazi wose wo munhu, hamonga no wunghula wakwe wose wa mu witume wakwe, vilawililaga mu wiwonela wivu munhu na muyagwe. Ninga yiyo nayo yo nghani ya bwete du, hambi nha yinha wikataze we bwete du.

Yelemiya 18:18

Hanyuma i wanhu nawo wakalongana weneco wose, wakutya, “Alu nye! Alenyi cimunozeze Yelemiya ciwungu cibi! Hambi nha cowa cina wakohani nhondo zose, wono wowa kucijiza, ne wanhu we mahala, wono wowa kucitonga, hamonga ne wawizi, wono wowa kuyiganula i nghani yo Mulungu. Holeka lu muze cimulonganje, cilece kuzihuliciza kanyhi ne zinghani zakwe.”

Yelemiya 18:23

Ninga agwe go Muwaha Mulungu, wuwumanyiye lukulu wuhile wawo, nha vyono wakusaka kumbulaga. Holeka, wulece kuwanenela masutya gawo, hamba kuwupata wubi wawo. Langa wuwagwisaje hasi, wasumwe, kanyhi wuwaling'anize mu madaha ge likuwo lyako.”

Yelemiya 20:10

Nane nghuwahulika wanhu wose wakupwepwa wakutya, “Nghakamo yili hanhu hose! Holeka, alenyi le, cikawalonjele wono wena wulajilize.” Sunga ne weyendi wayangu, wose walindiye du, wawone wugwe wangu, akuno wakutya, “Na lunji kosuma kukocwa-kocwa, nase baho ho cosumila kumwibata, cilipicize.”

Yelemiya 29:7

Mwitumaje ziswanu za mu makaya gago, kuko kono namunozenyi ho muwe wafungwa. Mugalombele kuli Muwaha Mulungu i makaya gago. Ku soko, hono gatuje wumoteswe, nanye nhavivyo mowa mwamoteswa.

Danyeli 3:8

Hobaho wanji wa muli Wababiloni, wakawa kwanza kuwasonjeza Wayahudi.

Danyeli 5:12

Mbeka yena wizuce no wumanye mu wulolosa zinhunizo ze zindoto, no kuzilolosa zinghani ze mafumbo, hamonga ne zinghani zose zono hundikwe. Holeka wutume yunji yakamulete Danyeli mono mutemi yamupela litagwa lya Beliteshaza, nayo kosuma kukulonjela nhunizo ya zizo zose.”

Danyeli 6:22

Mulungu kandetela Malayika mono kazidinda milomo zisimba, ho zilece kuhawanga. Kanoza nhavivyo, vyono kawona ane sina yisutya lyo lyose kuli mwene, hamba kuli'gwe, go mutemi.”

Matayo 26:4

Wakalongana weneco wose, wakulondola nzila yo kumwibatila Yesu ko wusugu, ho wamuwulaje.

Matayo 27:18

Nayo yalongaga nhavivyo ku soko na mweneco yali yamanyile vyono wamuleta Yesu kuli mwene ku soko yo wivu wawo du.

Luka 20:20

Holeka wakawa wakulondola-londola cilejeho cono cikwiliye. Wakawafupa wanhu wanji, wenoze nha wanhu waswanu, wakawa kuwatuma wabite wamugwizize Yesu mu wulonje wakwe, ho wasume kumwibata no kumutegula ku wawaha we Selekali.

Luka 20:26

Hamba si wasuma kumugwiziza nghani yiyi baho hali wanhu, holeka wakanyamala twii, wakwizina lipitulo lyakwe.

Luka 22:2

Ne Wakohani wawaha ne wejizi wo Wulajilize walondolaga nzila ho wamuwulaje Yesu: ninga wogopaga wanhu.

Yohana 19:4

Pilato yakalawila kanyhi kunze, yakawatya, “Lanjenyi ta, ane nimuleta kunze kono kwenyu, ho mumanye vyono ane singhuwona lisutya muli mwene.”

2 Wakolinto 11:12

Nojendelela kwituma du nha vyono nghwituma alu, ho ndece kuwapela cilejeho awalya wono wakusaka kutuga icilejeho co kwilumbila nha vyono ati wakwituma mulimo nha sese.

Wafilipi 2:15

ho muwe wanhu waswanu, wono wasina yilema, kanyhi mweze watelevu nha wana wo Mulungu wono wekaye mu yinze yiyi yo wubi yono yajiliye. Mobulila muli wene, kotya i zinyelezi vyono zikuwa kuwumulika u wulanga,

1 Timoteyo 5:14

Holeka nali nyende wawo i wafwile we lizika lidodo watolwe, walele wana no kuzikamisa zikaya zawo, iwalugu wetu ho walece kutuga cilejeho co kucitovulila.

Tito 2:8

Ne zinghani zako zilece kuwa na wuhoswe wo wose, i walugu wako ho wapuwe, walaza kuwa wasina cibi cinji co cose cono wocilonga muli'se.

1 Petelo 2:12

I mijendele yenyu muli wanhu wono siwamumanyile Mulungu, yinojeye yiwe miswanu muno muno, na kolo wakumuvilenyi nha muli wetuma vibi, wasume kugawona i metumo genyu maswanu, ho wamulumbile Mulungu mwizuwa lyo wuze wakwe.

1 Petelo 3:16

ninga nozenyi nhavivyo ko wupolo ne cogopo. Mweze ne ciselinji ciswanu, hono mukuligwa ho wakozwe soni wa walya wono wakuyilonga vibi i mikalile yenyu miswanu ye Cikilisito.

Walamuzi 14:4

Walezi wakwe hamba siwamanya vyono Muwaha Mulungu yo yamutongaga Samusoni mu wituma zizi, hambi Muwaha Mulungu nha yalondolaga nzila yo kuwahoma Wafilisiti. Na mu vilo vivyo Wafilisiti wali wawatemile Waisilayeli.

1 Samwili 12:4

Nawo wanhu wakapitula wakatya, “Ng'o ye, hamba si wacisolela cinji ko wusugu, hamba si waciwonela yaye, hamba si wasola cinhu cinji co cose kuli yunji wo wose.”

1 Samwili 18:14

Dawudi yaketuma viswanu muli zose zono yetumaga, hambi Muwaha Mulungu nha yali yali hamonga nayo.

1 Samwili 22:14

Nayo Ahimeleki yakamupitula yakatya, “Ayu Dawudi yo mwitumami du mwihuwilwa yali wene, mono wina nayo! Mwene yo mukwemulima wako, kanyhi yo mulongola we walindilizi wako, kanyhi yo munhu mono yena lilumbo yiwaha kuli wanhu wose wa mu kaya yako.