Danyeli 6:26 - Luganuzi Luswanu Kuli Wanhu Wose 2002

²⁶ Nene Daliyo, nghumulajilizenyi anye wose wa mu wutemi wangu, vyono wanhu wose, munojeye mumogope no kumupela cogopo Mulungu wa Danyeli. “Mwene yo Mulungu mumi, Mono kolotema cibitilila. No wutemi wakwe, siwulahodanjika yaye, ne vilungo vyakwe sivyoloduma yaye.

Danyeli 6:26 ပူးပေါင်းရင်းမြစ်များ

Ezila 1:3

Mulungu yawe hamonga na nyenye wose mo wanhu wakwe. Alu mubite ku Yelusalemi, ho mukazenje kanyhi Nyumba yo Muwaha Mulungu, u Mulungu wa Isilayeli, hambi nha yo Mulungu mono kahembwagwa ku Yelusalemi.

Ezila 7:21

“Nghuwalajiliza i walanjilizi we zisawo zo wutemi, mwi'tumbi lya ku mhelo ye mwezi ye likolongo lya Efulata, vyono, yiwanojeye wamupele Ezila u mukohani no munghula wo kumanya i malajilizo go Muwaha Mulungu wa ku wulanga, cinhu co cose cono kosaka yapegwe.

Zabuli 119:120

Ane nghucicima so wogopa gwegwe, memile woga, ku soko ye ning'aniza yako.

Zabuli 146:10

Muwaha Mulungu yatemile cibitilila, Mulungu wako 'gwe go Sayuni, yo mutemi muli zindelo zose. Mumulumbe Muwaha Mulungu!

Zabuli 2:11

Ale, mumwitumamilaje Muwaha Mulungu kwe cogopo, mucicime kanyhi mumufugamile,

Zabuli 29:10

U Muwaha Mulungu yo yatemile lihwazi lye malenga Muwaha Mulungu yo mutemi, yatemile cibitilila.

Zabuli 42:2

Nimukaluciye Mulungu, heya, nina nyhilu yo Mulungu mumi. Alu, hamba nomuficila nili ho nimuwone?

Isaya 66:2

Nha yo nene mono nayiwumba yinze yose! Kanyhi mono nendezwaga ne wanhu wono wanenile, kanyhi wenenenyhezi, wono wanyogopile, wena ne cihuliko kuli'ne.

Isaya 9:7

No wuwaha wo wutemi wakwe, wojendelela kuwiluka no wutemi wakwe, wowa kwikala wa mulamu nhondo zose. Mwene kolohala u wutemi wose wo mutemi Dawudi, ho no kutema mu wutemi wakwe, kuwusikamya no kuwukamisa mu wiling'ano ne ling'ani ku wulawa lulu, sunga ne cibitilila. Nayo Muwaha Mulungu we mihanga, kohidimbala sunga yazitume zose zizi.

Yelemiya 10:10

Ninga agwe go Muwaha Mulungu, nha yo gwegwe du, go Mulungu we mbeka, yo gwegwe du go Mulungu mumi, kanyhi yo gwegwe du go mutemi we cibitilila. Na lono wuwe wakolwa ne likuwo, i yinze yicicimaga, sunga ne makungugo, si gakuwa kusuma yaye kulikangalila likuwo lyako.

Danyeli 2:44

Na mu vilo vyo wutemi wuwo wose, Mulungu wa ku wulanga, kolowusimya wutemi wunji wono siwuladuma yaye, hamba kusumwa yaye. No wutemi wuwo, wolowongomeza wutemi wose, ninga wene wokwikala cibitilila ne cibitilila.

Danyeli 3:29

Alu nane nghulajiliza vyono, munhu wo wose wa mu nghungugo yo yose, hamba wa mu lulelo lo lose, hamba wa mu milonjele yo yose, mono kolonga nghani yo yose yimbi kuli Mulungu wa Shedilaki na Meshaki na Abedinego, munhu yuyo kodumulwa vipiligwa piligwa, ne kaya yakwe yonozwa yiwe 'tongo. Ku soko nha kusina Mulungu yunji mono kosuma kuponya nhavivi.”

Danyeli 4:3

Vitanjilo vyakwe nha viwaha, vyono Mulungu mumi yakucilajila! Ne mezino ge vilungo nha mawaha gono yakwituma. Mulungu yo Mutemi cibitilila, kanyhi yo kolotema mu zindelo zose.”

Danyeli 4:34

Mutemi yakatya, “Na lono myaka mupunghati yali yakondya kupuluta, nghenula meso gangu kucanyha, ne mahala gangu gakambuyila kanyhi, nghamulumba Mulungu Mono Yalawiliciye, nghamupela lilumbo no lukumyo mwene mono kekalaga cibitilila. “Mwene kolotema cibitilila. No wutemi wakwe hamba siwuladuma yaye.

Danyeli 6:20

Yaza kufika ha mhango, yakacemeleza ko wukalale yakutya, “Danyeli, 'gwe go mwitumami wo Mulungu mumi! Wule, u Mulungu mono kumwitumamilaga kwe cogopo muno muno, kasuma kukuponya mu zisimba?”

Danyeli 7:14

Yakawa kupegwa vilungo ne lilumbo, hamonga no wutemi, i wanhu wose we zinghungugo zose, na we zimbeyu zose, na we milonjele yose, ho wamwitumamile mwene. Ne vilungo vyakwe vyokwikala cibitilila, no wutemi wakwe si wuladuma yaye.

Danyeli 7:27

Baho, i vilungo no wuwaha wo wutemi wose wa mono'nze, wolopegwa i wanhu wo Mulungu Mono Yalawiliciye. Ne vilungo vyo wutemi wawo, si viladuma yaye. Ne watemi wose wa mono'nze, wolowetumamila no kuwahulika.”

Hoseya 1:10

Ninga i wanhu wa Isilayeli wolowa wenji liwalo lyawo nho musawawa wa mwi'lenga, wono siwusumikaga ku wupimwe hamba ku wuwalwe. Aluno Mulungu yakuwatya, anye si muli wanhu wangu, ninga lizuwa likuza lyono mwene kolowatya, “Anye muli wana wo Mulungu mumi!”

Malaki 3:6

“Ane yo nene Muwaha Mulungu, mono sina cipitupitu yaye. Holeka nanye nyo lulelo lwa Yakobo, mukali si najililila lukulu ng'o.

Matayo 6:13

Wulece kucitegula mu wujelwe, Langa wuciponye na yulya u Mubi.’ ” [Hambi u wutemi ne vilungo, no wuwaha nha vyako, sunga ku cibitilila. Heya.]

Luka 1:33

nayo kotema mhuga ya Yakobo cibitilila, no wutemi wakwe si wulawa na ndumo.”

Luka 12:5

Ninga nghumulajilenyi mono yinojeye mumogope: Mogopenyi mwene, mono yena wulajilize wo kumutajilila munhu mu moto we gehena, kolo yakondya kuwulaga, heya ye, nghumutyenyi, Mumogopaje yuyo.

Metumo ge Watumwa 17:25

Hamba si ketumamilwaga ne miwoko ye wanhu, yawe nha yanjiye cinji, hambi mwene nha kawapelaga wose wumi, no wehele, na vyose.

Walumi 9:26

Na hono hatezagwa ‘Si muli wanhu wangu!’ Baho wocemwa I Wana wo Mulungu mumi!”

Wukumbucize wo Wulajilize 5:26

Alu mwene, mbeka ho yuli munhu wo wose we nghuli, mono yekala mumi mono yahulika Mulungu mumi yakulonjela mu wulawa mu moto?

1 Watesalonike 1:9

Hambi i wanhu wawo weneco nha wakuciganulila nha vyono caza kwenyu, ne nghango ya vyono mwacibocela, na vyono mukaleka vihwani, no kumupitucila u Mulungu mumi na we mbeka,

Wahebelaniya 12:29

hambi u Mulungu wetu mbeka nha moto mukali wono wukutakamiza.

Yakobo 1:17

Ivipegwa vyose viswanu ne vilavywa vyose vyono vikwilaniciye vilawaga ku wulanga, vilawaga kuli Sogo yo munhu, u Muwumbi we mazelu ga ku wulanga, mono yasina cipitupitu hamba yasina cinji co cose cono cosuma kumuletela wupituce.

Wugubule 11:15

Hanyuma, nayo malayika wo mupunghati yakayitowa ndulele yakwe. Ne mazi mawaha gakahulikwa ku wulanga gakutya, “Alu u wutemi wa mononze, weza wo Muwaha wetu na Kilisito wakwe. Nayo kotema cibitilila ne cibitilila.”

Wugubule 4:10

awalya i wawaha makumi mejete na wane, nawo wakagwa ha mwande ya yuyo mono yekaye mwi'goda lyo wutemi no kumuhemba yuyo mono kekalaga cibitilila ne cibitilila, nawo wakuyiwika mikumbo yawo ha mwande ye ligoda lyo wutemi akuno wakutya,

Wugubule 5:14

Na vilya viwumbwa vine vyumi, vikatya, “Heya vyo yiweze.” Na awalya wawaha wakagwa funama wakamuhemba.

1 Samwili 17:26

Dawudi yakawawuza i wanhu wono wali wemile behi nayo yakawatya, “Ati, u munhu mono komuwulaga u Mufilisiti yuyu, yawakomboze ne Waisilayeli mu wulawa mu cevu cici, kotuga cici? Hamba nhavivyo mwene yuyu yo nani mwene u Mufilisiti mono si yalame, mono yakuwatovulanga lipuga lye wasilikale wo Mulungu mumi?”

1 Samwili 17:36

Ane nakondya kugawulaga masimba sunga ne madubu, holeka nomunoza nhavivyo no Mufilisiti yuyu mono si yalame, mono yakulitovulanga lipuga lye wasilikale wo Mulungu mumi.