Danyeli 6:24 - Luganuzi Luswanu Kuli Wanhu Wose 2002

²⁴ Lo lulolulo mutemi yakalajiliza webatwe, wawalya wose wono wamusonjeza Danyeli. Nawo wali weza kwibatwa, wakagumilwa wose mu mhango ye zisimba hamonga ne wagolece zawo, ne wana wawo. Nazo zisimba zikawahawanga no kuwabenanga mafupa gawo lono wali wakali hamba sinafika kusi ye mhango.

Danyeli 6:24 ပူးပေါင်းရင်းမြစ်များ

2 Watemi 14:6

Ninga i wana wawo si yawawulaga yaye, yakatyatya nha vyono Muwaha Mulungu yalajiliza mwi 'lajilizo lya Musa, nha vyono yatya, “I walezi walece kuwulagwa ku soko yo wubi wono wetumile wana wawo. Ne wana nawo walece kuwulagwa ku soko yo wubi wono wetumile i walezi wawo. Langa munhu wo wose yawulagwe ku soko yo wubi wono yetumile mweneco du.”

Esita 7:10

Hobaho, Hamani yakawa kutumbikwa mu mabici gago gono yali yamunozeza Moledekayi. Lulo, ne likuwo lyo mutemi nhondo, ho likawa kupola.

Esita 9:10

Hamba nhavivyo kwali kusina cinhu co cose cono waciteka.

Esita 9:25

Ninga Esita yakamubitila mutemi, nayo mutemi yakalavya lilajilizo lyono lyamunoza Hamani yagazwe sunga yakafwa, u wufwe wono yali yawehweseze Wayahudi. Mwene hamonga ne wanagwe, wakatumbikwa, wakafwila mu mabici.

Zabuli 54:5

No wubi we walugu wangu, wuwawuyile weneco, ko wihuwilwa wako, 'gwe go Mulungu wuwongomeze.

Zimbazi 11:8

Wanhu we ling'ani wakuwa kudimwa mu zimbali. Langa i wabi, zimbali ziwazizaga.

Zimbazi 19:9

Na hasina munhu, mono kalongaga zo wulambi mu mahakama, mono si kalipizizwaga no kongomela.

Isaya 38:13

Nghawa nghulila cilo cose so wusungu Nghawa kwiwona nha simba yikugabenanjiza mafupa gangu.

Yelemiya 34:17

Holeka nane, ane no Muwaha Mulungu, nghuwona nha vyono, anye mwawula cogopo kuli 'ne. Hambi nha si muwakomboye wawe welecele i wandugu zenyu Waisilayeli. Ale, heya, viswanu. Nane nomupelenyi nanye welecele, u welecele wo kufwila ku wulugu, na mu matamwa, na mu nzala. Nane nowanoza makungugo gose, wogofywe muno so zono nomutendelenyi 'nye.

Danyeli 3:22

Kanyhi na vyono mutemi yali yalavya lilajilizo, nha vyono moto wonjelezwe muno muno, malambi-lambi gayo, gakawanyanya no kuwawulaga awalya wasilikale, wono wawagumila Shedilaki, na Meshaki, na Abedinego, mwi'lambi lyo moto.

Wukumbucize wo Wulajilize 24:16

Nawo walezi we wana, si wosuma kuwulagwa ku soko yo wubi wono wetumile wana wawo. Hamba wana nawo, si wosuma kuwulagwa ku soko yo wubi wono wetumile walezi wawo. Langa munhu wowose kosuma kuwulagwa so wubi wono yetumile mweneco.