Danyeli 6:22 - Luganuzi Luswanu Kuli Wanhu Wose 2002

²² Mulungu kandetela Malayika mono kazidinda milomo zisimba, ho zilece kuhawanga. Kanoza nhavivyo, vyono kawona ane sina yisutya lyo lyose kuli mwene, hamba kuli'gwe, go mutemi.”

Danyeli 6:22 ပူးပေါင်းရင်းမြစ်များ

Mwamulizo 40:15

Ane ha mwamulizo, natoloswa ku wulawa ku yisi ye Wahebelaniya, na bahano hono Misili, nghali hamba si ninetuma nghani yinji yo yose 'mbi, yono yali yinyambuze ho ndindilwe mu muno mono jela.”

2 Samwili 22:7

Na mu wugaye wangu nghamucemeleza Muwaha Mulungu, nghamucemeleza Mulungu yamhele wutazi. Na mu Nyumba yakwe yakalihulika lizi lyangu, yakacihulika cililo cangu co kulondola wutazi.

1 Watemi 13:28

Nayo yakatuluka yali mucanyha ye ndogowe, yakawagana muwili wo muwizi mono yakalawa ku Yuda, wuli mu nzila ne ndogowe hamonga ne simba, navyo vyo vimile baho du ha mhelo. Nalyo lisimba hamba si lyawulya u muwili wo muwizi, hamba kuyilya ndogowe yaye.

2 Zinghomo 32:21

Nayo Muwaha Mulungu yakawuhulika wulombe wawo, yakawa kumutuma malayika wakwe, yakabita yakawa kuwawulaga wasilikale wose we Ciashuli, hamonga ne walongola wawaha wose we lipuga lye wasilikale. Hodu, u mutemi wa Ashuli, yakawa kuwuya ku Ashuli ne cevu ciwaha. Na mwi'zuwa linji, lono yali yali mugati mu wuhembelo we milungu yakwe, i wanagwe we cilume wakenjila, wakawa kumuwulaga ne mimaje yawo.

Zabuli 118:28

Agwe yo gwegwe Mulungu wangu, nane nghukulumba, kanyhi nokwanza zo wuwaha wako.

Zabuli 26:6

Ane nghwizuguza miwoko yangu, 'gwe go Muwaha Mulungu, ho ndajile vyono ane nili mutelevu, nghwilunza no wihangulize wo wuhembi, mu wupilime we cikumbicilo cako,

Zabuli 31:14

Ninga ane nghwitumbiye gwegwe, agwe go Muwaha Mulungu nghutya, “Agwe yo gwegwe Mulungu wangu!”

Zabuli 34:7

Nayo malayika wo Muwaha Mulungu, kawadimaga wose wono wamogopile, kanyhi kawaponyaga mu zimbali.

Zabuli 38:21

Holeka wulece kundeka 'gwe go Muwaha Mulungu, wulece kuwa wuli kutali nane go Mulungu wangu.

Zabuli 84:11

U Muwaha Mulungu yo mudimi wetu, kanyhi yo mutemi wetu wo lukumyo, mwene kacimotyaga vye lihewa lyakwe, kanyhi yakucipela no lukumyo. Muwaha Mulungu si yakuwa kuwema cinji co cose ciswanu, wono wetumaga ze ling'ani.

Isaya 3:10

Ninga wanhu we ling'ani, wolowa wasangalaye, ne zinghani zose, zolowa swanu du kuli wene. Nawo, wolosangalalila kuli ze metumo gawo.

Isaya 63:9

ku wulawa mu magayo gawo. Hamba si yali malayika yaye mono yawaponya, langa Muwaha Mulungu mweneco du yo yawaponya. Yawaponya ku soko yo wendo wakwe no lusungu lwakwe. Hambi nha yawadima sunga na mu vilo vyono vyapuluta,

Yelemiya 37:18

Hanyuma nane nghamuwuza nghatya, “Alu mwene mutemi, wubici wono nghusutizye gwegwe, hamba i wetumami wako, hamba i wanhu wawa, wono wulecile sunga wunhajile mu jela?

Danyeli 3:28

Mutemi yakatya, “Yalumbwe Mulungu wa Shedilaki, Meshaki na Abedinego! Hambi nha kamutuma Malayika wakwe, kawaponya wawa wanhu wakwe, wono wakumwitumamila no kumwihuwila. Walema malajilizo gangu, wawa kwisuza wumi wawo. Wawona ciba wafwe, si nho kumuhemba mulungu yunji, langa Mulungu wawo du.

Danyeli 6:20

Yaza kufika ha mhango, yakacemeleza ko wukalale yakutya, “Danyeli, 'gwe go mwitumami wo Mulungu mumi! Wule, u Mulungu mono kumwitumamilaga kwe cogopo muno muno, kasuma kukuponya mu zisimba?”

Danyeli 6:23

Mutemi yakasangalala muno muno, yakalajiliza wamulavyanize Danyeli mu mhango. Hobaho wakamulavyaniza Danyeli kunze. Nayo Danyeli vyono yali yamwihuwiye Mulungu, yakejela yasina hamba nghomele yo yose mu muwili wakwe.

Danyeli 6:4

Hobaho i walongola, hamonga ne wawaha, wakalondola nzila yo kuluhodanga lukumyo lwa Danyeli mu mulimo wakwe. Ninga si wasuma, hambi Danyeli nha yali mwihuwilwa, kanyhi siyetumaga nghani 'mbi hamba yisutya lyo lyose.

Danyeli 6:7

Ase wose mono cikulongoza mu wutemi wako, co walanjilizi, ne walongola ne walamuzi, ne wanyamhala wa mu matumbi, na wose wono wena wulajilize na wose wa mu wulongola wuwu, cilumbaniza vyono, Agwe go mutemi, yikunojeye wulavye wulajilize, kanyhi wuwutyatilile viswanu. Alu wulavye lilajilizo wutye, mu vilo makumi madatu, kusina munhu mono kosuma kulomba nghani yo yose kuli mulungu yunji, hamba kuli munhu yunji wo wose, langa hono si kwako du gwegwe go mutemi. No munhu wo wose mono kobena wulajilize wuwo, yimunojeye yagumilwe mu mhango yono yimemile zisimba.

Mika 7:7

Ninga 'ne, nomulanjilila Muwaha Mulungu, nomulindila Mulungu, mono komhonya 'ne. Nayo Mulungu wangu kohulika 'ne.

Wuwale 20:16

Nase cikamulilila Muwaha Mulungu yacipele wutazi. Nayo mbeka yakacihulika cililo cetu, yakaciletela Malayika mono yakaciwusa ku yisi yiyo ya Misili. Ninga aluno, cili mono yisi ya Kadeshi, kaya yono yili mu mupaka we yisi yako.

Matayo 27:46

Na mu saa tisa, Yesu yakalila ne lizi yiwaha, yakatya, “Eli, Eli, lamasabakatani?” Inhunizo yayo, wo wutya, “Mulungu wangu, Mulungu wangu, so cici wukundeka?”

Metumo ge Watumwa 12:11

Nayo Petelo ho yezucila baho zono zijeye, yakatya, “Alu he mbeka, ho namanya vyono u Muwaha katuma Malayika wakwe kamhonya kulawa mu muwoko wa Helode, na muli zose zono wanhu wa Isilayeli wali walanjiliye.”

Metumo ge Watumwa 24:16

Ku soko yiyo, nene no mweneco, nghwihidimbaza, ho niwe na nhumbula swanu kuli Mulungu, na kuli wanhu, nhondo zose.

Metumo ge Watumwa 27:23

Ku soko Malayika wo Mulungu wangu, mono nimuhembaga, kema hali nene mu cilo ce zuwali,

2 Wakolinto 1:12

Ase cikwilumbila cinhu cimonga du, vyono viselinji vyetu vikucihomelela vyono, mu wikale wetu wa mono yinze yiyino na ko muno muli'nye, cekala ko winenenyhezi wose hamonga no wele wa mu nhumbula, wono wukulawa kuli Mulungu, hamba si catongwa ne lihala lye cimunhu-munhu, langa catongwa ne lihewa lyo Mulungu.

2 Timoteyo 4:17

Ningo Muwaha yali yali hamonga nane, yamhela vilungo, sunga nghasuma kuyiganula inghani nha vyono yinha, i wanhu wono si Wayahudi ho wayihulice, kanyhi nghaponywa mu waling'anizwe wo kuwulagwa.

Wahebelaniya 1:14

I Wamalayika, yo myuhe du yono yikumwitumamila u Mulungu, nayo u Mulungu kawatumaga ho wawataze wawalya wono wowubocela u wukombozwe.

Wahebelaniya 11:33

So wihuwilo, wawa wose wehoma ne watemi, wakasuma. Wetuma zo wiling'ano, nawo wakabocela zono yehuwiza u Mulungu. Wadinda i milomo ye masimba,

1 Samwili 17:37

Muwaha Mulungu mono yamhonya mu wulawa mu masimba ne madubu, yo yuyo kanyhi mono komhonya mu miwoko yo Mufilisiti yuyu.” Nayo Sawuli yakamupitula yakatya, “Ale, viswanu, ‘Alu wubite, no Muwaha Mulungu yawezane nagwe.’ ”

1 Samwili 26:18

“Ninga 'lu nhawule wukali wumutyatiliye no kumusepa mwitumami wako? Hamba ane hodanga cicici? Hamba wubici wono niwitumile?