Danyeli 6:18 - Luganuzi Luswanu Kuli Wanhu Wose 2002

¹⁸ Hobaho mutemi yakawa kuwuya ku kaya yakwe yo wutemi, ninga mu cilo cico, siyagona nhongo yaye, hamba kulya ndigwa, hamba cinji co cose co kumusindamika.

Danyeli 6:18 ပူးပေါင်းရင်းမြစ်များ

2 Samwili 19:24

Hanyuma hadodo, Mefibosheti u mwizukulu wa Sawuli, nayo yakawa yaza yamuhinjilize mutemi. Nayo yakawa hamba si yezuguze sunga ne migulu yakwe, hamba si yaceta zindevu zakwe, hamba kukanza ne myenda yakwe yaye. Langa yali yali nhavivilya du vyono yali, ku wulawa lizuwa lyono mutemi yawucila ku Yelusalemi, sunga aluno lono mutemi yatuga kanyhi wusume.

1 Watemi 21:27

Eliya yaza kukondya kuzilonga zizo, hodu Ahabu yakawa kuvidemulanga vivwalo vyakwe, yakavitaga, yakavwala magunila. Yakalema kulya ndigwa, yakawa kugona mu magunila, yakawa yakujenda yena wusungu no wukalale mu nhumbula yakwe.

Esita 6:1

Mu cilo cicilya, mutemi hamba si yagona nhongo yaye, hobaho yakalajiliza wawaha wose wa mu yisi yakwe, hamonga ne vitung'ati wose wa mu wutemi wakwe, wamuletele citabu ce mandiko ge zinghani zamu yisi yakwe, ho mitondo yaco wayisome ha mwande yakwe.

Jobu 21:12

Wakuvina wena ne zindonondo, hamonga ne zifulembe.

Zabuli 137:2

Sunga cikagatumbika ne masumbi getu, mu mibici ya mu yisi yiyo.

Zabuli 77:4

Yakunyimila ndece kutuga nhongo hamba hadodo, 'nye, ane nili mu wugaye mbeka, no kulonga kose hamba si nghusuma yaye.

Muganuzi 2:8

Nane nghewutila mapesa menji muno, hamonga na zahabu nyinji, mu wulawa mu viwutwa vyo wutemi, vya mu zisi zono nali nizitemile. Sunga walume ne wacekulu, wose wakasangalaza so nyimbo zawo, nane nghetujila wacekulu wose wajitulwa waswanu, wono mulume wo wose, yali yawasulumile, wono nene no mweneco nasulumila kuwa nawo.

I Cililo 3:53

Wakangumila mwi'kombo vyo nili mumi, hanyuma wakawa kubidusiza libwe, no kuwudinda mulango we likombo.

Danyeli 10:3

Nane mu vilo vivyo vyose, si nalizaga ndigwa swanu, hamba sinalizaga nyama yaye, hamba kung'wa divayi, hamba kucana zimvwili zangu, sunga gakapuluta majuma madatu.

Danyeli 2:1

Ale, mu mwaka we kejete wono Nebukadineza yali yakali mu wutemi wakwe, yalota ndoto. Ndoto yiyo yikamupela mahwele mawaha. Na mwi'zuwa lilyo, hamba si yasuma no kugona nhongo yaye.

Danyeli 6:19

Mutemi yakelawa hakali mitondo muno muno, yakabita ku mhango.

Wugubule 18:22

Ne mazi ge watowa masumbi, ne watowa zing'oma, ne mazi ge watowa zifilimbi ne zindulele, si golohulikwa muli'gwe kanyhi. Hasina hamba munghula we liwala lyo lyose kanyhi, mono kosuma kwijela muli gwegwe, hamba ne lizi lyo luzala lo kusajila, si lyohulikwa kanyhi muli gwegwe.