Danyeli 6:16 - Luganuzi Luswanu Kuli Wanhu Wose 2002

¹⁶ Hobaho mutemi yakalajiliza vyono Danyeli yebatwe. Hobaho Danyeli yakawa kwibatwa, yakagumilwa mu mhango ye zisimba. Mutemi yakamulonjela Danyeli yakamutya, “Ale, u Mulungu wako mono kumwitumamilaga nhondo zose, yo yuyo mono kokuponya.”

Danyeli 6:16 ပူးပေါင်းရင်းမြစ်များ

2 Samwili 3:39

Na nene no mweneco hamba niwe nahagulwa no Mulungu niwe mutemi, ninga nghuhulika wusocele wuwaha muno muno izuwali. Ne wana wawa we cilume wa Zeluya, wakamu muno kuli'ne. Ale, Muwaha Mulungu yawalipicize so wubi wawo!”

Jobu 5:19

Nayo vilo vyose kokuponya kali kenji mu magayo gako gose, na mumbali ye ndumilizo, u wubi si wokupamiza.

Zimbazi 29:25

Nawo woga wo kuwogopa wanhu, wuletaga mutego. Ninga hono wumwitumbile Muwaha Mulungu, kowa wupolile.

Isaya 41:10

Holeka mulece kogopa, ane nha nili hamonga nanye! Ane yo nene Mulungu wenyu, holeka mulece kogofywa na cinji co cose! Ane nomupenyi vilungo, kanyhi nomutazenyi. Nomudimenyi, kanyhi nomuponyenyi.”

Isaya 43:2

Na kolo mukukola mu malenga matali, ane nowa nili hamonga nanye. Ne magayo genyu, hamba si gomugubizenyi yaye. Na kolo mukukola mu moto, hamba si mopya yaye, ne majelo mawaha muno, hamba si gomusumizenyi yaye.

Yelemiya 26:14

Ninga ku lwangu, ane nili mu miwoko yenyu du! Holeka mosuma kunhendela nghani yo yose yono mukuyiwona yo swanu, kanyhi yili ling'ani.

Yelemiya 38:5

Nayo mutemi Zedekiya yakawapitula yakawatya, “Ale, viswanu, mumutendelaje nha vyono mwendile nyenye nyo weneco. Ane si nosuma kumwimilenyi yaye.”

Yelemiya 38:6

Ale, hobaho wakawa kuza kusola, wakawa kunhimya ne milejehe mwi'kombo lya Malikiya u mwana wo mutemi, lyono lyali lili mwi'kumbo lya mwi'kulu. Ninga lyali lisina malenga yaye, langa lyali lina nhope du. Nane nghawa kudodomela mu nhope yiyo.

Yelemiya 39:17

Ninga ane, no Muwaha Mulungu nolokuponya, hamba si kolotajilwa na mu miwoko ye wanhu wono wukuwogopa yaye.

Danyeli 3:15

Ale, 'lu, hono muhulice mililo ye zindulele, ne zifilimbi, ne masumbi, ne mazeze, ne zindonondo, ne vidananda, hamonga ne mihilimo yose ye masumbi, hobaho mufugame no kucihemba cihwani. Hono mulece kunoza nhavivyo, mowopwa no kugumilwa mwi'lambi lyo moto. Mukwihwesa 'lo ko yuli mulungu yunji mono komuponyenyi?”

Danyeli 3:17

Langa u Mulungu wetu mono cikumuhemba, yo kosuma kucitaza mwi'lambi lyo moto, hamonga na mu vilungo vyako.

Danyeli 3:28

Mutemi yakatya, “Yalumbwe Mulungu wa Shedilaki, Meshaki na Abedinego! Hambi nha kamutuma Malayika wakwe, kawaponya wawa wanhu wakwe, wono wakumwitumamila no kumwihuwila. Walema malajilizo gangu, wawa kwisuza wumi wawo. Wawona ciba wafwe, si nho kumuhemba mulungu yunji, langa Mulungu wawo du.

Danyeli 6:20

Yaza kufika ha mhango, yakacemeleza ko wukalale yakutya, “Danyeli, 'gwe go mwitumami wo Mulungu mumi! Wule, u Mulungu mono kumwitumamilaga kwe cogopo muno muno, kasuma kukuponya mu zisimba?”

Danyeli 6:7

Ase wose mono cikulongoza mu wutemi wako, co walanjilizi, ne walongola ne walamuzi, ne wanyamhala wa mu matumbi, na wose wono wena wulajilize na wose wa mu wulongola wuwu, cilumbaniza vyono, Agwe go mutemi, yikunojeye wulavye wulajilize, kanyhi wuwutyatilile viswanu. Alu wulavye lilajilizo wutye, mu vilo makumi madatu, kusina munhu mono kosuma kulomba nghani yo yose kuli mulungu yunji, hamba kuli munhu yunji wo wose, langa hono si kwako du gwegwe go mutemi. No munhu wo wose mono kobena wulajilize wuwo, yimunojeye yagumilwe mu mhango yono yimemile zisimba.

Metumo ge Watumwa 24:27

Ninga myaka myejete yaza kupuluta, Feliki yakakawanizwa na Polikiyo Fesito yo yakawa u muwaha we yisi. Nayo Feliki vyono yahilaga kwiyendeza kuli Wayahudi, yakamuleka Pawulo muwopwe.

Metumo ge Watumwa 25:11

Ale hono niwe muhodanji, lunji netuma nghani yono yonyambuza nifwe, ane si nghulema kufwa yaye, ninga hono si zili mbeka zizo zono wene wakusitacila, hasina munhu mono kosuma kundavya kuli wene. Langa nosaka ning'anizwe na Kayisali.”

Metumo ge Watumwa 25:9

Fesito vyono yasakaga kwiyendeza kuli Wayahudi, yakamuwuza Pawulo, yakutya, “Alo kokwenda kubita ku Yelusalemi, no kuling'anizizwa kuko zinghani zizi hali nene?”

Walumi 13:3

Hambi wono watemile, nha si wakuwa kuwogofya iwanhu waswanu, langa iwanhu wabi. Holeka hono wuwe wukusaka wulece kumogopa munhu mono yena u wulajilize? Ale witumaje iziswanu, nayo kokulumba,

2 Wakolinto 1:10

U Mwene yaciponya mu mbali mbaha ye lifwa, kanyhi yakali yakujendelela kuciponya, nase cimuwiciye u witumbilo wetu du, nha vyono kajendelelaga kanyhi kuciponya,